السلام عليكم اخواتي بنات حواء
والله طقيت وتعبت نفسيا يالله فرجك
مدري كيف ابدا ...لي 4 سنين ساكنه بنفس العماره اللي فيها اهل زوجي وكل اللي فيها هم وعيالهم يعني انا الغريبه بينهم
المشكله انهم ناس حقين نقد ومشاكلهم بينهم بين متواصله ومن النوع الدسم والمصيبه انهم هم انفسهم مابينهم موده ياناس كيف تبغوني انا احبهم وهم مايحبون بعضهم
اوقات احس اني طايحه بين الرجلين تصير مشاكل بينهم ويشتكون لي من بعض !! مع الوقت كرهتهم مع اني والله يوم تزوجت ماكان بقلبي لهم الا كل خير بس الحين والله لا جيران ولا صديقات لاني بقريه وماهم من النوع الاجتماعي ولا حقون طلعات وانا مو متعوده على كذا والى هذا اليوم وانا مو قادره اتأقلم
ولا الام ماقول غير الله يسامحها لان ولدها يقول بيوم تخاصم مع امه قامت ترمي عليه كلام وانا غايبه في شرفي وهذا كان اول زواجنا يعني ماتعرف خيري من شري ولا تفهمون غلط انا ماسويت شي بس هي اذا زعلت ترمي بكلام مثل الجبال
وباقي تبغوني احبهم ولا ارتاح للعيشه معهم
اخواته ينتقدون باي شي والله لازم يطلعون( ان )في اتفه شي
والله حتى زوجي اللي هو ولدهم كرررررهني فيهم بين فتره والثانيه مره يجي يسب امه مره يسب ابوه ,,, انا ماالومه لان البيئه اللي هو فيها كذا كل واحد يفتن ويسب الثاني على راسهم ابوهم,,
وفي الاخير تبغوني اعيش معهم كيف
تدرون انا ما ابغى الا دعائكم لي الحين وانتو تقرون كلامي ( ان الله يرزقني بسكن مستقل بعيييييييييييييييييييييد عنهم عاجلا غير آجلا ويفكني منهم ومن مشاكلهم )
الواحد تكفيه مشاكله بها الزمن الله يخليكم لا تنسوني من دعوه بظهر الغيب
والله يستر عليكم بالدنيا والآخره ويرزقكم من حيث لا تحتسبون اجمعين اللهم آمين
اللهم صلي وسلم على نبينا وحبيبنا صلى الله عليه وسلم
شاركي في النقاش
سجلي الدخول لإضافة تعليق.
التعليقات
33- الله يرزقك بالسكن البعيد وبراحة البال
وييسر أمرك ويفرج همك
ويرزقك على قد نيتك دوم - لله يعينك ويصبرك ويرزقك البيت المستقل
- الله يرزقك ببيت بعيد عنهم وترتاحين منهم ومن مشاكلهم
- ياعمري انتي ابعدي عنهم وان شاءالله ترتاحين
عندك نت استقلي فيه وابدعي مواهبك فيه وشوفي تفي تتسلي
واحمدي ربك واشكريه ان زوجك متفهم وهويسب اهله وعارف حاركاتهم
الله يعينك يارب ويرزقك بيت بعيد عنهم - الله يوفقكم ويفتحها بوجيهكم وين مارحتوا
ياااااارب
مواضيع مشابهة
تابعي تجارب أخرى من هذا القسم.