طريقتي في توحيد لون البشرة +سر خطير اول مرة اقولة

قد يحتوي هذا الموضوع على محتوى غير مناسب. عرض الموضوع
السلام عليكم ورحمة الله وبركاتة

كيفكم حوائيات؟؟ان شاء الله بخير

اليوم راح اشرح لكم طريقة توحيد لون البشرة اللي الكل ينهبل عليها ويسألني عنها

لانو احس اصعب شئ بالمكياج هو هالخطوة توحيد لون البشرة....

اليكم الطريقة....

اولا طبعا المرطب وعادي اللي ترتاحين لة استخدمية لانة المهم انو البشرةما تكون جافة
لان لو كانت جافة لو استخدمتي احسن اساس بالعالم راح يتقشر فالاهم الترطيب...

ثانيا الكونسيلر
اول شئ هو طبعا ونحطة على ثلاث مناطق ضرورية جدا
الجفن وتحت العين مباشرة
جانبي الانف
وجانبي الفم
وممكن برضوا تحطين اذا عندك اي عيوب بتغطينها مثل حبة او غيرها
طبعا وزعية بالاصبع واحرصي على الخفة وطولي شوي بالتوزيع وغطي منطقة العين كاملة من فوق ومن تحت
وانا استخدم ماكس فاكتور الاصبع رقم 25

ثالثا الاساس
استخدم اساس ماكس فاكتور رقم 100 روعه قليلة بحقة وسعر مناسب جدا ب40 ريال بس
طبعا احطة بطريقة وضع نقط منة على كامل الوجة الخدين والجفن وتحت العين والانف والجبهه والرقبة
واهم شئ توزيعة
انا اوزع بفرشة كارجا جنان هالفرشة توزع لك الأساس ولاتترك تكتلات بس اهم شئ الخفة
حركيها بخفة وبرضوا احرصي انك تغطين الوجة كامل يعني وزعي على فتحات الانف وعلى الاذن والرقبة
وهذي صورة الكونسلير والاساس ((اضغطي على الصور لتكبيرها))




وهذي صورة الفرشة





رابعا
البودرة استخدم بودرة ماك ستوديو فكس رقم 15 تعجبني تغطيتها واوزعها بنفس فرشة الاساس ووبنفس الطريقة برضو...وهذ ي صورتها



خامسا
البودرة السايبة استخدم بودرة اكيرا السايبة بلمعه انتبهو فية نوع بدون لمعه
روعه لمعتها تعطي الوجة أضاءة خيالية واوزعها بفرشة كارجا حقت الأساس ....




وبس كذا يتوحد لون البشرة واهم شئ يابنات الخفة خلي يدك خفيفة وانتي تشتغلين وطولي بالتوزيع مو مرة وحدة وبس لا عيدي مرة وثنتين وثلاث خصوصا بالاساس...

طبعا تنتظرون السر الخطير صح :)

اذا خلصتي من المكياج كلش يعني حطيتي البلاشر والشدو وكل شئ
جيبي بودرة كريولاين السايبة الصدفية وخوذي منها بفرشة كارجا برأس الفرشة بس وطقي الفرشة بالعلبة علشان تنزل بعض البودرة وطقة خفيفة مو تطقونها وتنزل كل البودرة
يالله نجي نحطها بمسحة خفيفة وركزو على خفيفة على مناطق الاضاءة عادة
تحت العين بس مو تسحبونها لجهة الأذن لا اسحبوها لجهه الخد
وعلى الجبهه وبالأصبع مسحة خفيفة على الانف من فوق لتحت
ماراح تتخيلون كيف الاضاءة اللي بتعطيها هالبودرة للوجة شئ خيااااااال وخرافي
كثير انهبلو بيعرفونها مني وصدقيني اذا استخدمتيها بيتغير مكياجك 180 درجة وكلن بسألك عنها
وهذي صورتها وتلاقونها بمحل كريولاين اللي بحياة مول







اخيرا
اللهم ان هذا الموضوع كتبتة خالصا لوجهك الكريم ارجو فية دعوة من أخت مسلمة لي بالذرية الصالحة
والحمل السليم المعافى توافق ساعة اجابة لك تستجيب بها الدعاء وتفرج همي وتفرح قلبي برؤية ذريتي

بنات كل من استفادات من الموضوع ماابغى منها الا شئ واحد
انا في هم عظيم وقلق نفسي كبير ادعو لي احمل وافرح قلب زوجي وامي عاجلا غير اجل .....
محتاجة لدعواتكم ادعي لي وانتي ساجدة وانتي تصلين الوتر بالذرية والله يحقق لكم امانيكم ويوفقكم اجمعين يارب...

250 تعليق 35,685 مشاهدة

شاركي في النقاش

سجلي الدخول لإضافة تعليق.

التعليقات

243
  1. @aayon_dhom

    صاحبة الموضوع
    هلا والله فيكم وشكرا للي ردو على دعواتهم وربي هذا اللي ابغاة بس
    والأسعار مو متذكرتها زين بس اللي اذكرة
    ان البودرة السايبة اكيرا ب60 او70
    الفرشة كراجا ب20 بالسويلم
    البودرة الاخيرة الصدفية ب140 وكميتها كبيرة مرررة تجلس سنين معاك
    انا واخواتي نشتري علبة ونتقاسمها من كثرها ....

تابعي تجارب أخرى من هذا القسم.