:icon33:السلام عليكم
كيف حالكم
بنات انا بدخل في الموضوع على طول
زوجي تهاوشة معها اليوم
بقولكم السالفه من اول
انا زوجي دايم براء البيت
واذا جاء جلس على التلفزيون ولايتكلم معاي واذا تكلمت معه مايرد الا بعد طلعت الروح يعني يكون مندمج ولا ينتبهلي
وكذا مره تهاوشت وياه وعلمته وقال اوعدك ماعد يتكرر
المهم هذاك لاسبوع ماجلس معنا كله براء يعني مع اخوياه يعني مهوب طلعته مهمه
المهم اليوم كلمته العصر وهو عند التلفزيون مارد علي بعدين تهاوشت معه وقال لاترفعين صوتك قلت هذا صوتي انا ماعرفعه عليك المهم جلس يصارخ علي بصوت علي
يقوال انتي ماتحترميني ترفعين صوتك بعدين قلت لاتغير السالفه انت كل يوم برا البيت ولاتجي الا اخر اليل واذا جيت تبغى تنام وتبغى.... المهم قال انتي اساسن منتيب كفو ونتي ماتستهلين شي وانا اذا بغيت اطلع وسهر براحتي واذا بغيت حاجتي انا رجال اقدر اسوي اشياء كثيره وجلس يتكلم المهم قلت انا ماعد لي قعده عندك خلاص بروح عند اهلي قال انا مارح اوديك كلامي احد يجي ياخذك
المشكله اني انا مراعيه ظروفه ولا اطلب وجالسه اوفر واخر شي يقوال انتي منتيب كفو من يحترمك ونتي ونتي ونتي صراحه انا مقهورررررررررره منه والحين دخل ينام وانا ميتهمن القهر
ولا ابغى ادق على احد اشكيله
ابغكم انتو مثل خواتي شور علي
شاركي في النقاش
سجلي الدخول لإضافة تعليق.
التعليقات
99- الله يكون بعونك الرجال هالايام مدري وش فيهم صايرين مملين وبس يهاوشون على الدنة الدون والروحه لاهلك مهوب حل بتكبر المشكله انتي حاولي تفاهمين معه وهو يكون رايق وهادي لعل ينفع معه مااقول الا الله يسخرلك زوجك ويهديه يارب
- الله يعيييييييييييييييييييييييييييينك
- توفي اشكرك على ردك بس انا مقهور لانه يسفهني بلااسابيع وقد تكلمة معه واخر شي صرت اقول راح اكلم احد يتفاهم معاك لانك ماترد علي واليوم يقول يالله خلي احد يكلمني خوفتيني انتي مقهوررررررررررره
- هذا قليل ادب مع احترامي
وش ذا لايحس ولاشئ احسن شئ طنشية لاتكلمية انتي مو بجارية عنده شفت لك كدا موضوع نفس المشكلة تتكرر طنشية الظاهر استغل الطيبة
ولو يبغاك بيتكلم معاك او بيبادر بالاصلاح
كفاااية حرقة اعصابك
الله يعينك يارب الله يسهل عليك
انا ماابغى ازيد المشكلة بس انتي جربي الحقران وشوفي يمكن يفيد - الله يعينك ويسخره لك
بس لاتحرقين اعصابك
خليه لين ماهو يمل من نفسه حتى
واشغلي نفسك ودلعيها وابعدي عنه نفسيا بس خليك بالبيت
مواضيع مشابهة
تابعي تجارب أخرى من هذا القسم.