مدرسات الكويت خصوصا مادة الحاسب

السلام عليكم اخواتي المدرسات
ابي اسألكم سؤال اذا ممكن كم راتب مدرسة الحاسب الآلي ؟
وشلون طبيعة شغلها ؟
يعني مثل باقي المواد ولا اخف؟ انا بنقل من وظيفتي الى التربية بس خايفة
اكو ناس يقولون ان التدريس صعب وياخذ كل المعاش
وكله يكدشون المدرسات
بس انا اعتقد ان الحاسب الآلي غير
اشرايكم؟
نصحوا مدرسة جديدة قبل لا تبدأ وتعيد اخطاء غيرها
ساعدوني ابدأ بداية جيده
الله يساعدكم ويجزاكم خير

16 تعليق 2,579 مشاهدة

شاركي في النقاش

سجلي الدخول لإضافة تعليق.

التعليقات

16
  1. @am_aabdalrhmn_aaly

    مادة الحاسب الالي في المدارس الاهلية اصعب من مدارس الحكومية لانه غالبا في المدارس الاهلية واللي هي الخاصة ما بكون في منهج لازم إنت تضعي المنهج اما مدارس الحكومة بكون في منهج معتمد من الوزارة فبكون طبيعة عملك ابسط واسهل مجرد الاكتفاء بمناهج الوزارة

    لكن بتهيالي إنه المدارس بتكلف مدرس الحاسب بمزيد من الاعمال باعتبار إنه مادته مادة نشاط فلازم يكملوله العمل بمزيد من الاعمال التي قد تكون إدارية او مساعدة للباقي المدرسات وما إلى ذلك فإنت استخيري وتوكلي على رب العالمين


    والله يسرلك كل خير
  2. @asmholy

    صاحبة الموضوع
    مشكورة وجزاج الله خير والله يوفق الجميع مدام ماكو اختلاط وان شا الله مهنة التدريس مهنة الله راضي عنها انشا الله يوفقني فيها احسن من الوزارات والاختلاط والبطالة المقنعة مثل ما يقولون ومشكورين على المرور يا جماعة الخير حتى لو ماتردون :)
  3. @lyal_alkoyt

    مرحباااااااااااااا
    ادري الرد متأخر بس حبيت اوضح معلومة صغيرة
    وهي اذا انتي راح تتعينيين هالسنة ف 95% راح يحطونج بمدارس ابتدائي بنات او بنين انتي وحظج بس المنهج وايد سهل وماكو شغل وايد مثل المتوسط والثانوي والله يوفقج
    وعلى فكرة لاتخلينهم يستغلونج بالاعمال الادارية لان في سكرتارية مسؤولين عن هالشي والحاسوب منهجها بسيط وحلو ويحبونة الطلبة
    وشكرا ادري طولتها وهي قصيرة
  4. @asmholy

    صاحبة الموضوع
    مشكووووووووره وجزاج الله خير بالعكس ماطولتيها انا ابي اكثر
    الله كريم
    بس حبيت اسأل يفرق المعاش من ابتدائي الى متوسط؟
    وشنو الدورة اللي يعطونها حق المدرسين اليدد؟
  5. @asmholy

    صاحبة الموضوع
    ليالي الكويت ممكن سؤال مهم جدا اذا تعرفين الاجابة تنقذيني وجزاج الله خير
    انا بنتقل ان شا الله مع بداية العام الدراسي يعني شهر 9 وانا حامل راح اولد شهر 12 ان شا الله
    بس اكو ناس خوفوني قالولي ما يعطونج امومه 4 اشهر لاني توني يديده صح؟
    اذا اخذت امومه مع الوضع من شهر 12 الى6 السنة الياية يعني اداوم شهر 9 السنة الياية

تابعي تجارب أخرى من هذا القسم.