انا ضايعه دلوني ...اااااااه ياهموم قلبي خلاص

بنات اقسم بالله لو الانتحار مو حرام كان انتحرت انا اهلي وبالأخص امي اعتبرها الجانب المظلم بحياتي امي انسانه متسلطه راعيه مشاكل ومستحيل احد يصبر يقعد عندها دقيقه الا اذا كانت ملتهيه بهواش احد ثاني
قبل اتزوج ذقت العذاب كنت اكل حبوب نفسيه وكنت مريضه لدرجة ان الدكتور كان يقول زوجوها لان اساس علتي امي ومعاملتها كانت تراقبني بكل صغيره وكبيره حتى النوم
والى الان لو اضطريت اني انام عندهم اذوق العذاب وتجيني دعاوي منها وتراقبني متى نمت ومتى قمت وليش ماسويت لولدي كذا وليش وليش تقولي ياكلبه تستمتع وهي تقولها لي لأسباب تافهه لأني مثلا ما اكلت ولدي
لاتقولون من حبها لك ولولدك هذا موب حب امي اعرفها انسانه تحب السيطره تحب الكل يمشي على رايها
دايم اقولها الا زوجة اخوي لاتدخلين فيهم وين راحو وش سوو حنا بكيفك بس لاتخربين حياتهم ترى انا لو مكانها ماراح اقعد عندك وبطلب من زوجي يطلعني ببيت ثاني والحمدلله كلامي هذا يأثر فيها فما تتدخل فيهم كثير الا عاد يمكن تطلع منها هواش والا كلام يقهر هذا شي اكيد امي اعرفها .. احس انها الجناب المظلم في حياتي صرت ما انام عندهم بس في بيتي جالسه حتى اذا زوجي سافر انقهر وزوجي صار يمل مني بس مقابلته الحين هو تغير علي صار بس يعصب ويهاوش بدون سبب لدرجة انه يحسبني اذا طلبت منه أكل ليش وليش احس الدنيا ضايقه فيني اتمنى اموت
وين اروح ضايعه اذا رحت لاهلي عذاب يجيني قلق وأرق من التفكير كيف اذا صحيت امي وشلون بتكلمني وشلون بتعاملني ولازم انام بدري مثل ماتبي ولازم ولدي ينام بدري ولازم اصحى علشان افطر ولدي ولازم ولازم
وزوجي تغير تغير ادري من كثر مقابلتي له ودي لو عندي اهل انام عندهم اسبوع والا اسبوعين علشان يفقدنا
بس ماعندي أهل.. انا قبل شهر اضطريت انام عندهم يومين لأن زوجي خلاص حسيت انه من كثر هواشه بدون سبب وده انقلع عنه .. نمت عندهم يومين واقسم بالله صارو مثل الكابوس بحياتي جلست شهر وانا والله العظيم ما ابالغ ابكي واتذكر كلام امي وهواشها صرت اقول ياليتها تموت
بنات لاحد يقولي امك وامك ادي انا اتمنى اني مثل بنات العالم وان لي ام مثل الامهات احمدو ربكم ولاتقهروني ترى انا اتمنى اللي عندكم اتمنى ام احس بالامان عندها
البارح زوجي وصلها معي اقولها جيبلي اغراض من البقاله يقولي ليش وليش قلت خلاص ماعاد ابي منك شي وفر فلوسك لك ولما رجع من برى قعد ينافخ علي ليش تشربين الولد العصير البارد
قلت هو ولدي مثل ماهو ولدك ليش تهاوشني قال ليش جاي ضاربك انا
أنا سكت يابنات وحسيت هموم قلبي ماقدر اشيلها رحت بكيت بالغرفه الثانيه لين قلت بس وهو يدري اني رايحه ابكي
قام وراح يرقد ولاهميته بعد شوي جا بياخذ شي وشافني ابكي وقام يصرخ علي وش فيك تبكين يقولها بصراخ وقال اوووووف وراح لغرفته ونام
والله اني طول الليل ابكي مهمومه رحت ابي انام لقيته متوسد السرير كله نايم عكس السرير وحس فيني اني دخلت ولازحف لي أخذت فراش ونمت بالأرض وين اروح زوجي تغير ماكان ينام وانا متضايقه تغير احس انه مل مني ودي انام عند اهلي ودي يكون لي اهل انام عندهم بس شسوي .. زوجي عرف اني خلاص لاصقه فيه ولا ابي اهلي وان عندي مشاكل معاهم
ااااااااه يابنات والله اكتبلكم ودموعي بعيوني قولولي وش اسوي اليوم كيف اتعامل معاه .. ودي اروح انام عند اهلي بس مثل ماقلت لكم ماعندي اهل امي جااااااانب مظلم بحياتي احس انها كابوس دايم اتخيل لو زوجي خلاني ولاعاد يبيني وين اروح والله العظيم اني ما اكذب عليكم افكر لبعدين افكر لو لاسمح الله خلاني زوجي راح اروح لدار الرعايه وارفض اعيش عند اهلي بروح اعيش بالرعايه ولا اعيش عند امي وعذابها
اسفه كلامي ملخبط بس من الهم اللي فيني .. دلوني يابنات وش اسوي مع حركات زوجي هذي وكيف اتعامل معاه اليوم
كيف اخليه يحس اني مو لاصقه فيه او ماعندي غيره وان عندي اهل
ابي اغراض للبيت كيف اطلبها منه وهو يتمنن علي حتى بالأكل مع انه مو بخيل بس مدري ليش سوا فيني كذا

50 تعليق 7,370 مشاهدة

شاركي في النقاش

سجلي الدخول لإضافة تعليق.

التعليقات

43
  1. @nbd_alhbyb

    اختي والله انك اغلطتي .. المفروض مشاكلك مع اهلك مايدري عنها .. احسك خربتي على نفسك كذا
    وخليتيه يسيطر عليك ..
    روحي لأهلك يومين وارجعي وقولي له انهم تغيروا .. حتى لو بالكذب بس ماتخلينه يلاقي مدخل يستغلك فيه ..
    وربي اني حسيت فيك .. بس تكفين لاتدعين على امك ,
    الله يخليها لك ويطول بعمرها ويهديها يارب ..

    ويغفر لامي ويرحمها ويسكنها فسيح جناته ..

  2. ياقلبي بعده زوجك يحبك لانه عصب يوم شافك تبكين لان الرجل مايحب يصارح زوجته
    الله يكون بعونك انا امي كانت تحرش ((توسوس)) ابوي علي لــ درجة اني رحت عند ابوي اساله هاذي امي الحقيقه والا لا
    ابوي انصدم من سوالي وسالني ليه وصارحته انها تالف علي
    بعدين ابوي تغيرت معاملته معي ولما كبرت عرفت ان الام تغار على زوجها من بنتها الكبيره((كل فتاه باابيه معجبه))
    (بس والله على كثر العذاب اللي ذقته من امي الا اني ابكي اذا كانت تعبانه واذا سافرت من عندهم)
  3. قلبي جبتيها على الجرح انا والله أمي مثلك ولااااااااااااااااايمكن أزيد !!! الله يفرج همك وهمي ياااارب

تابعي تجارب أخرى من هذا القسم.