داخلة على الله ثم عليكم تطمنوني والله مابتخسرون شئ واللي تطمني اقسم بالله ادعي لها

السلام عليكم ورحمة الله وبركاته

اخواتي اناماأعرف للمقدمات بدخل الموضوع بعطيكم قصتي علطول وياليت تجاوبوني باللي تعرفونه

بإختصار قصتي اني تزوجت من ست سنوات ونص وحملت بعد سنتين لأنه كان عندي هرمون الحليب بس الحمل ماكمل ومات الجنين:44:
وبعدها بشهرين حملت طبيعي بس مات الجنين بعدالشهر الاول يعني توقف نموه:44: لاحول ولاقوة الا بالله

وسويت كل التحاليل سليمه وقعدت سنتين ونص ماحملت وفجأة حملت بدون علاج ولاشئ لكن للأسف تكررت السالفه وفالاسبوع الخامس قالو مافي نبض والجنين مو باين انتظرت اسبوعين ولابيّن فسويت عملية تنظيف

والحمدلله على كل حال

هذا الكلام شهر شعبان قبل العام يعني من سنه وثمانية اشهر

ومن شهرين استخدمت خلطة لقيتها هنا بالمنتدى بالإضافة لشرب البردقوش يومياً ورحت للدكتورة نساء الله يسامحها خوفتني كشفت علي من تحت بحديدة مدري وشهي بس مو سونار قالت لي مافيه تبويض وكشفت على صدري قالت هرمون الحليب مرتفع وانالسه ماسويت التحاليل كتبت لي التحاليل وماقدرت اسويها هالكلام صار يوم 11 شهر ثلاثة اللي فات
وآخر دورة كانت واحد ثلاثة المهم انتظرت الدورة تجيني يوم واحد /اربعه هالشهر ماجتني
حللت يوم اربعه طلعت :icon28: والحمدلله

بعد طول الكلام اناانجنيت من كلام الدكتورة مع انها ممتازة بس كيف يصير حمل وهي تقول مافيه تبويض وهرمون الحليب مرتفع :44: خايفة يكون كيس فاضي الله لايقوله
واحس انه مافيه الم فبطني ولابنغزات فالسره زي مايقولون الحوامل فاعراض الحمل يعني احس اني عاديه بس شوي دوخة وغثيان من بعض العطور وعلطول جيعانه وحرقة فراس المعدة والم مستمر بالظهر

الله يسعدكم يابنات هذي الاعراض تدل ان الحمل حي يرزق والا المفروض يكون فيه ألم فالسره ونغزات واضحه

انايوم الاثنين الاسبوع السادس على قولة الدكتورة يعني حسبت من اول يوم بالدورة الاخيرة يوم واحد ثلاثة

وعندي موعد سونار عشان يطمنون عالحمل يوم دروا ان لي ثلاث اجهاضات وحملي الرابع وماعندي اطفال

طمنوني الله يطمن بالكم باللي تعرفونه

يعني ممكن يصير حمل بدون تبويض ويكون كيس فاضي والا الدكتوة ماعندها سالفة وممكن يصير حمل وهرمون الحليب مرتفع

ولازم تبان اعراض الحمل من الشهر الاول وهل الاعراض اللي عندي دليل حمل

هل الم الظهر باول شهر زين والا دليل اجهاض

والله اني بتجنن بانتظار ارائكم ودعواتكم الله لايحرم احد من الذرية الصالحة