•
•
يـا ذا النسيـم الـرايـح .•°•. سلـم علــى المحـبـوب
سـلــم ســـلام فــايــح .•°•. فيـه العطــر مسـكـوب
قـل لـه تـرانـي رايــح .•°•. مـالــي عـلـيـه ادروب
حـالـت دونــه بـرايــح .•°•. فيـهـا الهـبـوب تـلـوب
يالله انك تحيي الجميع
اليوم غدانا بحري،، وهذي عادتنا الاسبوعيه ،، اهل بحر مانستغني عن خيراته ،،
المهم مالكم بالطويله
غدانا عباره عن رز ابيض وسمك مقلي وسمكنا هالمره <<كــنعـد وصــافي>> ،، وسلـــطه ،، وطحـــــينه ،، ومطـــفي ،،
نبدأ بسم الله
أوّل شي هذي المقادير المبدئيّه
وهي عباره عن سمك منظف ومغسول وبصل وطماط ورز بسمتي المهيدب مغسول ومنقع وبهارات اللتبيل
وهي عباره عن :
ملعقة ملح ، ونص ملعقة ليمون اسود مطحون بس هذا انا اعتبره اصعب انواع البهارات لان حق السوق دايم خربان اشتريه من حريم ولا لاتستعملين ليمون مطحون ، وربع ملعقة فلفل اسود ، وملعقه ونص بهارات مخلطه انتي وذوقك انا عن تجربه البهار اللي ارتحت عليه اسناد بهارات عربيه وهذي صورته
عقب مانخلط البهارات نتبل السمك
وهذا شكل الكنعد بعد التتبيل
وهذا شكل الصافي بعد التتبيل
بعدين نحط ماي على النار عشان الرز
ونحط معاه ملح وماجي وعود قرفه ونتركه يغلي
وبعد مايغلي نكب الرز واذا بدا يشرب الماء نحط بوسطه قرن فلفل وملعقتين سمن تزين ريحته والاطراف زيت
وصلنا لهالمرحله تمام يكون كذا تطمنا على الرز ، نقصر عليه اخر شي ونقصدره ، ويكون كذا السمك تتبل ونبدا بالقلي
وهني القمنده <<على قولة اخوي
طبعا انا عندي نوعين سمك وكل نوع له طريقة بالقلي
الكنعد ينقلى بزيت غزير والنار مو حاميه واجد ولاواطيه وسط
امّا الصافي فالزيت يكون قليييييييييل يالله يبين والنار هاااااديه جدا وهذا السر في نجاح قلي الصافي لانه لو ماقليتيه كذا بيروح كل لحمه بيبقى بس العظم
وبتشوفون الصور تتحدث عن نفسها
ونسيت فقره اننا قبل مانقلاه نغمسه بطحين ابيض يسهل القلي عشان مايلزق ويخرب شكله
رجااااااااااااااااءا لحد يرد حتى اكتماااااااااال الموضوع
