°•.¸.•°°•.¸.•°™ هنــــــــــــا تباشير الولادة يسرّ الله أموركن ™°•.¸.•°°•.¸.•°

انا جا تني الام قبل ماولد بسبوع ورحت المستشفى وقالو لسه بدري وقبل ماولد بيوم جاتني الام فضيعه رحت وكشفت عليه وقالت مفتوح 2سانتي بس الطلاق بارد وقالت اعطيكي طلق اصناعي تولدي على طول بس انا خفت وقالتلها لا وخرجت وهذا كان يوم الثلاثاء الصباح افتكرت الام الطلاق الصناعي عشان كذا رفضت وجلست تعبانه يوم الاربعاء والخميس الصبح جاتني الام خفيفه بس مارحت المستشفى قلت ماني رايحه الى لماتزيد عليه الاوجاع ونمة اشويه وصحيت الساعه 12 وانا اتالم ورحت الحمام وكان معايه افرازات بدم وقلت خلاص ان شاء الله اليوم اولد وجمعت اغراضي واغراض اولادي عشان اوديهم عند اهلي ومارحت الى الساعه 2 عشان مايفغصون فيه زي اول المهم لما رحت وكشفت عليه القابله قالت مفتوح بس 3 سانتي انا وقتها جاني احباط اتوقعت اتقلي اكثر من كذا لني كنت مره اتالم وحطت عليه جهاز الطلق وراحت وكان عندهم ولادات كثيره كانت غرف الانتظار الثلاثه مليانه والدكتوره كان عندها ولاده وماكشفت عليه الى بعد ساعه وقالت 4سانتي وفتحت ماء الطفل وسجلتني دخول وانا زاد الالم عليه وطلبة منها مسكن وقالت للقابله تعطين ا لمسكن وسمعتها اتقول انها بتروح تتمشى وتجي طلبة مني القابله اني اغير ملابس واروح الحمام بس انا ماقدرة اتحرك لن رجلي كانت ترجف مره واخر شي لبستني وانا مكاني واعطتني المسكن حسيت بدوخه بس الام موجود بس جهاز الطلاق كان مبين ان مافي طلق اخر شي غيرته واناكنت بموت من الام واذن العصر وجلست ادعي ان ربي يسهلي ولادتي وراحت القابله عني وانا كنت اتالم وحاسه ان الطفل يبغه يطلع بس ماكان عندي احد وماني عارفه كيف اناديهم وكان الباب مردود وشفت عاملة تنظيف وقلت لها اتنادي الدكتوره وجاتني القابله وقلتلها وكشفت عليه وقالت راس وصارت ادق على الدكتوره عشان تجي بس الدكتوره راحت بيتها وقالتلي امشي بس انا مارضيت قلتلها الطفل راح يطلع وجابت نقاله وادتني الكشك و بالقوه طلعت فوق السرير وطلبت منها انها ماتقص بس قصة وخر جة الطفل والمشيمه والدكتوره ماجات واعطتني كمام وبدية احس بجسمي اينمل وجات الدكتوره وخيطتني وحسيت بالخيوط لن مفعول البنج لسى مابد ء زين والحمدلله على كل شي على فكره انا ولدة في مستشفى المدينه الوطني احنا اهل المدينه انقله امطبقاني وكنت اراجع عند هاله بس ولدة عند نيره وكانت يدها خفيفه بالكشف والقابله مغربيه كان اسمها هدايه اوشي قريب من كذا لني ماني متكده بالضبط ومايعطون الطفل حليب يقلون انه ممنوع وماخذو بنتي من عندي يقلون لي رضيعيها طبيعي بس انا ماطلبت منهم ياخذوها لني كنت خايفه عليها وخليت ابوها يجبلها حليب اناولدة يوم 2-4-1431ه وجبت بنت والحمدلله واي اسئله انا جاهزه بس امكن ماارد عليكم بسرعه لني لسى تعبانه اكتب وانا منسدحه من الخياطه:(

الحمد لله على سلامتك

ومبروك ماجاك ..

اهم شي سلامتك وسلامة البيبي ...

والتعب ان شاء الله فترة وتعدي

مبروك

الحمدالله على سلامتك وتتربى بعزكم الاموره