فين المغتربات فى الرياض

سلام يا بنات :)
القلب الذهبي أفكار حلوة والله بعدين أبغى منك لو تسمحي طريقة الكيكة و طبعا بيشتاق لأشياء السوق و انا أسمحله بيها في حدود و كمان هو لسة صغير فسهل التحكم فيه الله يعين على بعدين:) و كمان بالنسبة للمدارس شكلي حأستقر على الدرة مع إني رحت شفت المللك عبدالعزيز و عجبتني بس للأسف ما يقبلو إلا سنتين و 9 شهور و نفس الشيء بالنسبة للمدارس للإنترناشيونال التانية
رنووود كيفك لك وحشة و الحمدلله على السلامة إن شاء الله بس إنبسطي و ريحتي من الطلبيات شوية يالله نبغى تفاصيل إجازتك
ريوم كيفك و إيش أخبارك؟
سلام

مش عارفة كل ما الاقى الموضوع فى مشاركاتى اجرى واروح افتحه واشارك
""بس مش عارفة اقول ايه"
تجو يا بنات نتكلم عن موضوع معين نسولف فيه
ايه تختارو يكون الموضوع
بستنى ردودكم واختيارتكم

السلام عليكم
رنووووووووووود
الف الحمد لله على السلامه وانا اقول ريحه طبخ رنود ظهرت فى الجو شدى حيلك على الطلبيات ربنا يقويكى وما قلتى اخبار رجيمك ايه ورجعتى نحفانه وبهرتى جوزك ولا لا
شفتى انا خسيت اد ايه وكل ما اعدى من امام زوجى يزعق ويقول ياناس ياهو هى دى مراتى ولا خيلها حتى رحت لصديقه لى بس هى ما بتحب النحافه قالت لى ياعينى عليكى مسكينه بقيتى عدمانه والله زعلت عليكى
ام يوسف
ربنا يوفق يوسف فى الدره مع ان السن الانسب للروضه هو فعلا سن المدارس الانترناشونال وكمان 3 سنوات احسن لان الطب النفسى اتكلم على مخاطر كتير على الطفل الاصغر من كده وخصوصا لو كانت الام لا تعمل وموجوده مع طفلها فلو مافى ضروره عندك خليه لين يكمل 3 سنوات احسن
الكيكه حبيبتى انا طبعا عندى الزهيمر زى شكلمه الله يمسيها بالخير وحشتنا والله كل مره اعملها انقل المقادير من الدفتر غدا ان شاء الله اكتبها لك من عيونى
وعندى كمان كيكه تانيه صحيه جدا حكتبها لك واى وصفه حلقيها حكتبها
مورى
حبيبت احنا اساتذه زغى بس صراحه من ساعه ما رجعوا الموضوع تانى وقررت داخليا انه لازم يكون مفيد جدا لينا كلنا واحنا نقاشنا الان على الاكل الصحى واذى نعود الاطفال عليه ونستبدل حلويات السوق بحلويات تانى صحيه يالا قولى لنا اقترحاتك فى الموضوع ده ومش عشان انت مش محتاجه رجيم تاكلى برحتك لا الصحه مالها علاقه بسمنه او نحافه

هلا والله باررررررررررررررنود وحشتينا كثير الحمد لله احس انه رجعت لمتنا ثاني وفاضل اسبوعين وان شاء الله يرجعه الباقين هلا الف مره لحبيبتنا رنوووووووووود
ام يوسف
انا الحمدلله بخير بس من يوم ماجيت الرياض وانا تعبانه كثير نومي ملخبط انا انام وزوجي يصحي والعكس لا طبخ ولا شي اصحي اوقات الصلاه وانام ثاني ولمن اصحي اشوف البيت وانظف واغسل الملابس لان زوجي الله يهديه قبل ماينزل الغربيه خليلي جبل غسيل وتعرفي الغبار والدنيا حايسه وانا بصراحه مااحب النظافه الي مشي حالك احب اخلص كل شئ بكل نظافه مااسيب شئ
واليوم صحيت الساعه وحده بالليل ولقيت زوجي صاحي قال فرصه نروح نقضي للبيت اصلو الثلاجه فاضيه تخيلو
فالحين حروح اجهز الغذاء لانه زوجي حيجي اليوم بدري الساعه12 وقال نفسي اليوم اشم ريحت الاكل بالبيت الله يعينا
بس والله حزنانه عليه ياحرام لي الحين شهرين مااكل شئ من يدي
ان شاء الله حادخل ثاني لاني رايحه اجهز الغذاء

السلام عليكم ورحمه الله وبركاته

ريوووووووووووووووووم
يا ريت نشوف انا وانت خطه نظبط بيها معاد نومنا انا كمان مديقه جدا لانى بتاخر فى النوم لحد الظهر ودى مش عادتى ابدا واليوم كله بيضيع ما يبقى فيه مصلحه ابدا انا بحاول من اليوم انام بدرى شوى واصحى الصباح بالكتير 10 لحد ما اقدر ارجع تانى زى الاول ها تبدى معايا من اليوم نحاول ولو بتنامى بعد العصر حاولى ما تنامى اليوم وعلشان نقدر نظبطها الصباح نتقابل فى اليوميات بكره عشره صباحا
ام يوسف
جبت لك كام وصفه ان شاء الله يعجبوكى
بسكوت الينسون اللى هو بيتعمل بالكيكه
4بيضات
ملعقه يانسون -ومقدار مناسب من الزبيب
ملعقه فانيليا - 2ملعقه كبيره بكنج بودر
ثلاثه ارباع كوب زيت
كوب ونصف سكر (وده حسب رغبتك ممكن اكتر شوى وممكن اقل شوى يعنى مش اقل من كوب )
كوب حليب
الدقيق انا ديما اعمله حسب ما تاخد معى العجينه لان الدقيق بيفرق تقريبا هى بتاخد من 3الى 4 كبيات دقيق
المهم انها بتبقى عجينتها اثقل شوى من الكيكه
وبتتعمل بنفس طريقه اى كيكه تضربى فى الخلاط البيض الاول وتضعى فيه الفانيليا والينسون وبعدين تضيفى السكر وبعدين الحليب وبعدين الزيت والزبيب والبكنج بودر تضفيه مع 2 كوب دقيق وبعدين باقى الدقيق بالتدريج علشان تظبطى السمك العجينه
وتدهنى صينيه مستطيله كبيره بالذبده والدقيق وتضعى فيها العجين وتخبز زى الكيكه
بعد ما تستوى خالص تخرجيها تبرد شوى وبعدين تقطعيها قطع مستطيله زى البسكويت وترصيها على صاجين بحيث يكون جنب على قعر الصاج وجنب من فوق يعنى مش زى ما كانت فى صنيه الكيك علشان تحمصى الجناب وتدخل فرن هادى جدا وبعدين تفتحى عليها الشوايه لتحميص الجنب اللى فوق وبعد كده تخرج لحد ما تبرد وترص فى علبه لتحتفظ بريحتها

فى طريقه كيكه تانيه جبتها من برنامج التفاح الاخضر
5 بيضات - قشر ليمون مبشور- تمر -جزر مبشور -قشطه طبيعيه -2 ملعقه مربى طبيعيه -ملعقه جنزبيل بودره وملعقه صغيره قرفه -لوز مكسر وزبيب
الدقيق بقى مقدار من الدقيق البر كامل +مقدار من دقيق الشعير + مقدار اقل شوى من الدقيق الابيض +ملعقه كبيره بكنج بودر
او حسب مقادير الدقيق اللى ضفتيها
طبعا شايفه مافى فانيليا ولا سكر وكل الاشياء صحيه وطبيعيه
الطريقه تنقع مقدما التمر مع حليب دافى
نضرب البيض مع قشر الليمون ثم نضيف عليه القشطه (بدل الزيت او الذبده) ثم التمر مع الحليب ثم المربى والجزر المبشور وبعدين القرفه والجنزبيل
نخلط الوز المكسر والزبيب والبكنج بودر مع الدقيق (حتى لا يسقط الزبيب والوز فى قعر صينيه الكيك )
تخلط كل المقادير مع بعض وتظبطى السمك بالحليب ان احتاج الامر وتوضع فى الصينيه فى الفرن
على فكره انا جربتها مره وعجبت الاولاد جدا

وطبعا هى ما عطيت مقادير معينه يعنى بالنظر كده
كفايه كده النهارده اعمليهم بقى وقولى لى النتيجه
ان شاء الله اكتب لك بعد كده طريقه بسكوت الشكلمه