شاركي في النقاش

سجلي الدخول لإضافة تعليق.

التعليقات

1,528
  1. اوشة
    معلش مش عارفة اتابع كنت عند حماتى ولما رجعت النت كان بيفصل كتير انو قلتولى ما اخدتش السيكلو وانا ما اخدتهوش بس بطنى منتفخة بشكل عجيب وباخد السيدوفاج وبشرب حاجات سخنة بس مافيش فايدة الدورة ماجتش من اخر مرة 8/1 وبطنى شكلها زى الحامل اول مرة…
    نفسسسس اللى حاصلي مخدتش اي ادويه غير الجلوكوفاج والدوره مجتش ونفس الاعراض اللى عندك وزودي عليهم رغبه في الترجيع وغممان نفس
    انا عارفه ان مفيش حاجه طبعا بعيده على ربنا بس انا مش بحب اعشم نفسي بس برده مش عارفه هقعد استناها لأمتى :(
  2. أوكسي ليكي حق تستغربي سؤالي بس هتموتي من الدحك لما تعرفي السبب
    أنا يا ستي لما كتبتلك كانت الساعه عندي أربعه بالليل ومخدتش بالي من فرق التوقيت
    فإستغربت إنك قاعده في الوقت ده وده مش طبعك
    بس يا ستي شفتي بقى أحل سطل

    رمال ربنا يكرمك يارب طبعا الحمد لله إني جيت وده أحسنلي بكتير
    بس بصراحه يا رمال أنا تعبانه قوي ورايا هم ما يتلم
    الشقه مش مفروشه ومش هنفرشها لأننا ناوين نعزل وللأسف مش لاقيين حاجه مناسبه في الوقت الحالي
    وزوجي عنده إمتحان مهم ومش فاضلنا تماما
    وطبعا أنا مش فاهمه حاجه هنا ولا عارفه أروح ولا أجي ولا حتى أكلم حد
    وجنة يا عيني متبهدله معانا قوي وصعبانه عليه
    سبحان الله والله يا رمال بس أكيد ربنا هيكرمنا ويدبرها من عنده

    متمنية الجنه إنت سألتي إذا كان هرمون الإف إس إتش ممكن ينزل ولا لأ
    بصي يا ستي حسب معلوماتي ومن تجربتي إنه ممكن ينزل هتقوليلي إزاي
    أنا اللي حصل معايا إنه عملت التحليل ده وكانت نسبته عاليه والدكتور قالي إن المخزون بتاعي قليل جدا وده سن يأس ولازم نلحق واللذي منه
    المهم أنا ساعتها عملت عملية منظار من على البطن ووجدو إن عندي تكيسات على المبايض مش تكيس خلي بالك التكيسات ده يعني أكياس مياه صغيره ومتعدده كانت موجوده على المبيض فوقه وده تسببت في كسل المبيض وقلة كفائته فكان مبينتجش بويضات كويسه ولو طلعت بتبقى ضعيفه يعني بتبقى عامله زي اللي كابسه على نفس المبيض
    هما ساعتها عالجوهالي بالتثقيب وبعدها لما عدت التحليل لقينا الهرمون قل الحمد لله لأن المبيض شم نفسه وإستعاد كفائته
    اللي أقصده إن مش معنى إن الهرمون مرتفع عندك إنك خلاص مبقاش عندك مخزون لأ ممكن يكون فيه سبب خدعنا وفهمنا إن الهرمون مرتفع ومع زوال السبب بينتهي الخداع وتبان نسبة الهرمون الحقيقيه
    مش عارفه فهمتيني ولا لأ يارب أكون فهمتك
    وطبعا ماما هتفيدك أكتر مني بكتير
  3. @hya_nnshr_alkhyr

    السلام عليكم يا بنات
    معلش مدخلتش من فترة لأن سيف كان مريض جداا و الكحه لسه معاه و انا كمان كان عندى برد شديد و الحمد لله
    فسامحونى

    معلش أنا قرأت اللى فات بس بصراحة مش بتركيز

    رمال وميزو .. ألف ألف سلامه على أنس و أحمد وربنا يشفيهم ويعافيهم من كل شر يااااارب
    خلوا بالكم منهم ومن نفسكم ...
    وتسلموا على سؤالكم عليا ربنا يخليكم ليا ياااارب


    هدى .. أنا قلقانه عليكى يا حبيبتى ... نفسى تطمنى على الحمل وتطمنينا

    توتا ... متخفيش يا توتا .. عارفه لو الموعد اللى نزل فيه الدم .. موعد دورة كنا قلقنا
    لكن الموعد ده مينفعش ينزل فيه دم إلا إذا كان التصاق أجنة بإذن الله .... و نساء كتير بيحصلهم نزف بسيط وقت التصاق الأجنة
    بس إنتى حاولى ترتاحى كويس



    توفى و سميه وو داع و نادو و كل اللى عنده تكيس ..
    فى نقطه لفتت نظرى فى النقاش بخصوص هبوط هرمون lh .. وعايزه أوضح نقطة بعد إذن شوشو ورمال طبعا ..
    هرمون lh ممكن جدااا ينزل ويهبط قرب معدلاته الطبيعية ولكن ..... فى حالة عدم هبوطه لا يشكل أدنى مشكلة

    تعالوا أفهمكم أكتر ..

    هرمون ال lh ده عامل زى مايكون إنسان مستفز .. مش يهمنا إنه يبقى كويس من جواه بقدر ما يهمنا إنه يتعدل ويبطل إستفزاز معانا إحنا على الأقل
    فإنقاص الوزن و السيدوفاج هيسيطر على الأنسان المستفز ده ويحجم أثره السئ علينا بغض النظر هو إتعدل ولا متعدلش هبط ولا مهبطش
    علشان كده حتى لو الهرمون ده منزلش برغم إنقاص الوزن و السيدوفاج .. إعملوا نفسكم مش شايفين حاجة خالص :35: و إمشوا فى خطة العلاج زى ماهى بدون إحباط أو يأس لأنه بأمر الله مش هيمنع الحمل ومش هيسبب الأجهاض لأن السيدوفاج و إنقاص الوزن قصقصولوا ريشه فممكن يفضل عالى لكن لا بيحل ولابيربط فهمتونى يا حبيباتى ..


    طمطم .. ترجعى بألف سلامة وربنا يتقبل منك ياااارب


    سلامى لمسلمة و أودى و أوسه ونيفووو و شوشو و أوشى وميكو و أوكسى و بسكوته و دانه و شيمو و أم مريم و عزيزة و مها و كوكر و بوبا و ماما و ساره و أوشه و مونى وربنا ييسر للجميع الخير و الصالح اللهم آآآآآمين
  4. @ashtkt_alyk

    السلام عليكم ورحمة الله وبركاته.....

    ازيكم يا بناتيت....وحشتونى كتيييييييييييييييير
    طبعا سامحونى على الغياب...لانى اتعودت اعرفكم الظروف قبل ما اغيب.....بس المرة دي اتاخدت على خوانة....
    احنا الحمد لله بخير.....وانا قريت اللى فات و اكتبلكم واحدة واحدة....والحمد لله ان اللى كانوا غايبين فى ال صفحات اللى فاتت ظهروا وطمنونا

تابعي تجارب أخرى من هذا القسم.