�۞Җ۞Җ�⋘التجمع (25) لأحلى كروشات يناير .. فبراير .. مارس ⋙�Җ۞Җ۞�

متابعة النقاش، صفحة 253

شاركي في النقاش

سجلي الدخول لإضافة تعليق.

التعليقات

1,366

  3. @mini_cooper

    لوليتا403
    كيفكم يا بنااااات بااااركولي انا ولدت وجبت احلى يوسف لووولوووليششششش
    كلوووولوووووليييييييييييييييييييش والله والله فرحت وكنت متوقعه انك ولدتي لانك غبتي فجاه..

    الف الحمدلله على سلاااامتك يا حبيبتي والحمدلله طمنتينا عنك ،، الف مبرووك الشب الصغير الله يجعله من الصالحين ويرزقكم بره ..

    ملاحظين بنااات اغلب مواليد هالشهر اولااااد والبنوتات قليلين مرررره ،،

    الله يطرح فيهم البركه ان شالله ،،

    الحمدلله على سلاااامتك لوليتااااااااااااااا بوسي لي يوسف حبيبي ،،

  4. @katkot_1

    اشلونكم حوامل ونفوسات ما باقي شيء ويخلص شهر ثلاثة اتمني نتواصل مع بعض لانا كنا مع بعض لمدة تسع شهور في حلوها ومرها استفدنا من خبرات البعض الله يسهل علي الجميع

  5. @dhefaf

    kat.kot
    اشلونكم حوامل ونفوسات ما باقي شيء ويخلص شهر ثلاثة اتمني نتواصل مع بعض لانا كنا مع بعض لمدة تسع شهور في حلوها ومرها استفدنا من خبرات البعض الله يسهل علي الجميع

    ........................

    ضفاف ،، يا قلبي الله يباااارك فيكي ويسعدك دنيا واخره

    عن قشره الراس ما ادري لسا ولدي صغير ما عنده قشره الحمدلله.. ان شالله البنات يفيدووكي ..

    القصه ما كتبتها بموضوع منفصل لاني كنت بس ابي افيد بنات التجمع لانو كلنا كانت عندنا طلوق بارده ،، وتعرفي فوق كذا العين حق ،، فقررت ما انزلها بموضوع منفصل ،، وهذي القصه لعيووونك ..
    مشكورة ياقلبي عالرد وماشفتي ردة فعلي وانا اقرا القصة احس معاناتج صارت دبل الله يهديه وتشوفينه معرس يارب

    ..................................


    قصه ميني وسياره الاسعاف ،، هههههههههههه

    قبل كل شي بنااااات قولو ما شالله تبارك الله ،، ما شالله تبارك الله..

    كان يا مكان في قديم الزمان ،، كان في وحده اسمها ميني ،، تاخرت عن موعدها ٥ ايام ،،

    والطلق كان يحمى نص اليوم ويبرد بعدين ،، المهم انو ميني طفشت وما خلت شي يحمي الطلق ما سوته من بينهم البانيو الحاااار جلست فيه ساعه ونص ولا فاد ،، وشربت يانسون ولا فاد ،، واكلت اناناس حتى تسلخ لساني ولا فاد ،، المهم اقتنعت اني ما بولد االا بوقتي وما كليت ولا مليت من الدعااااء بالسجود ،،
    المهم خامس يوم اللي هو يوم الاربعاء ،، كنت متمدده عالسرير الظهريه الساعه ١٢ ونص ومافي بوادر طلق مع انو قبل بيوم الدكتوره سوت لي تحريض واستمر معي طلق قوي طوووول اليوم لكن لما نمت وقمت اختفى كل شي ،،
    قالي بعلي قومي يا بنت الحلال اطلع امشيكي بالمول شوي ومنها اشتري لك لبسه جديده البسيها لما يسلمو عليكي الحريم بعد الولاده طبعا عجبتني الفكره ،، وقمت كالعاده نطيت من السرير واذا بي واقفه وجيت امشي رايحه للحمام والا بديت احس بمااااء ينزل بس مو كثير ،،
    المهم رحت الحمام فصخت ملابسي وانا اشيك لقيت وقف مافي شي لبست اندر وير ثاني ورجعت لغرفتي مستغربه ايش هذا والحمدلله ارضيه غرفتي خشب والا كنت تورطت وانا فاتحه الكبت ادور لي بنطلووون ههههههه والا صنبووووور مويه وينكب وانا اتخرع وزوجي ينط من السرير يقول ايش هذاااا:35:

    طبعا ،، انا وجهي كان (( لااااا تعلييييق)) قلتله الله لا يهينك عطيني المنشفه اللي هناك وعطاني وحطيتها تحتي وبقيت واقفه مكاني طبعا مصدومه ومو عارفه ايش اسوي ،، بعدين حطيت فوطه وغيرت ملابسي وقلت له شكلها المويه بس انا اعرفها كثير هذي وسط لا كثيره ولا قليله ،، المهم جلست امسح الارض ونظفت نفسي وكل شوي المويه تنزل كل شوي ينزل قسم وانا رايحه راجعه للحمام ومافي الم ،،
    كلمنا الدكتوره قالت تعالو ورحنا فحصتني قالتلي انو الرحم فاتح ٢سم وانو المويه فعلا هي اللي تنزل بس هيه تنزل على دفعاات فخليكي حاطه فوط ،، وارجعي للبيت استرخي سوي الي تبين لحتى يقوى الطلق عندك او يتغير لون المويه او ترتفع درجه حرارتك ،، قلنا طيب ،،
    رجعت البيت وكانت الساعه ٣ العصر وحطيت ردود هنا ودردشت مع البنات وانا معصبه انو ما في طلق ،،

    المهم وانا اتكلم مع القروب ذكروني البنات وبينهم رغدان انو اقري الاورده واشربي خلطه الحليب واليانسون ،، قلت اليانسون اسهل سويته وشربته وتمددت وقعدت اقرا الاورده وامسح على بطني حتى خلصتهم ،، وقمت وقتها وحسيت في طلقه خفيفه ،، قلت الحمدلله بشرى خير واخيرا ،، قلت لزوجي بطلع اخذ لي شور او انقع نفسي بالبانيو حتى يحمى الطلق قالي روحي وانا مافيني الا العافيه ،،

    طلعت وعبيت البانيو ولاحظت انو الالم بدا يقوا ،، بس مو منتظم يعني ممكن كل خمس دقايق طلقه وتجي مرات طلقه طووووويله طولها دقيقه عورتني ،، فانا كنت بالحمام مالي ٥ دقايق قلت خلاص الحين بطلع وجيت اقوووم والا تجيني طلقه حسيتها طلعت من عيوني ،، وقتها حاولت اني ما ابكي وجلست انادي زوجي يساعدني امشي ،، طلعني ونشفت والله يا بنات الطلق كبس علي كل دقيقه طلقه وكلهم حامياااااات يا الله ،، وانا احاول اخذ نفس واسوي نفسي هاديه لانه بعلي انهبل ويراكض ويلبسني وانا اتشنج مع الطلقات ،،

    لبست العباه والحجاب وانا كل شوي يالله امشي والطلق دقيقه او اقل وركبا السياره وطبعا ما في داعي اقولكم انو زوجي ساااق طيرااااان وانا اطالع بالساعه وانافخ مع الطلق ،، وماسكه بيده جالسه افعس فيها ههههه واحاول ابين له اني هاديه وما تكلمت معه ولاااا كلمه ولا قلت اااه ،، علشان خايفه يسوي فينا حادث،، المهم المستشفى وصلنالها خلال ٥ دقايق والله حسيتهم ساعه ،،
    لما وقف قدام المستشفى قلتله جيب لي كرسي متحرك ما اقدر امشي نزل يركض وكان في سياره اسعاف صافه جنب باب المستشفى جالسين يجهزوها كذا ،، المهم انا لما وقفت الطلقه فكيت الباب ونزلت من السياره ووقفت جنب الباب وسبحان الله حسيت كانو في سيخ سااااخن بدا ينزل مني وكبس علي طلق ماااا وقف وقتها بديت انا ابكي هههههه وادوخ وزوجي جا يقولي ادخلي للسياره الحين بوديكي لباب خلفي يدخلك على غرفه الولاده على طول ،، قلتله ما اقدر اتحرك انا اووووولد الحيييييين لحقني بولد ،، المهم جا رجال حق الاسعاف يكلمني يقولي يا بنتي ادخلي للسياره الحين دقيقه وبنوصلك قلتله ماااا اقدر وانا ابكي قال خلاص طيب ركض وجاب السرير المتنقل حق الاسعاف ومددوني عليه بالغصب وانا كنت متخشبه ،، ودخلوني للاسعاف على اساس بيوصلوني فيها للباب الخلفي.. دخل زوجي معي وسكرو باب الاسعاف ،، بدا الرجال يقولي خذي غاز علشان تهدئي وانا اقوله لا ما ابغي،، هو غصبني وحطه بفمي يحسب اني بستفيد .. انا شلته من فمي وبديت احس بالبيبي يدف تحت بيطلع ،، وانا كنت متقوقعه علي نفسي خفت اخنقه سبحان الله ما ادري كيف قدرت اتحرك من شده الالم وقلبت نفسي علي ظهري وقلت لزوجي فسخوني بنطلوووني بولد ،، جت الحرمه تسحب البنطلووون وسبحان الله البيبي طلع على طوووووووول ،، وشالوه ولفوه بالمنشفه وعطوني اياه وانا ارتجف من فوق لتحت وهم يهدوني ويقولو ما تخيلناها تولد ويشجعوني انو خلاااص اهدي راح الالم وغطوني بشرشف ،، وقتها تحركت السياره وصفت عند الباب الخلفي ونزلوني بالسرير ونقلوني علي غرفه للولاده وسلموني للطبيبات اختصاص التوليد علشان يكملو شغلهم وهم يصفقو لي ههههههههههه..
    الطبيبه هي اللي كملت وطلعت المشيمه وعطتني حليب حار علشان اهدا ونظفو الطفل والحمدلله ما في جرووووح كبيره شكله في واحد صغير يعورني شوي بس اللهم لك الحمد والشكر كما ينبغي لجلال وجهه وعظيم سلطانه ،،ما احتجت لخياطه اببدا الحمدلله ،،

    انا خلال الشهر التاسع كنت امشي كثير واكل تمر كثير لانو التمر يخلي الرحم مطاطي ويتمدد الشي اللي يمنع باذن الله الجروح الكبيره ،،

    المضحك بالموضوع اني كنت ناويه اولد ولاده تحت الماء من كثر ما سمعت عنها ،، وكنت ناويه اخذ ابره اسمها بيثادين او وحده ثانيه مو حافظه اسمها تهدئ وتنظم الطلق وكذا ،، بس سبحان الله ما لحقت اخذ شي ما اقول الا مالت علي مو لااابق لي التطور ههههههههههههههه..


    هذي قصتي بالتفصيل الممل ،، بولاده السيد عمااااد ،، سميته علي اسم الوالد الله يخليه لي ومررره فرح مسكين مو مصدق اني سميت عليه هههههههههه ،، الله يطول لي بعمر الوالد ولا يحرمني منه ابدااا،،

    ما شالله تبارك الرحمن ،، ما شالله تبارك الرحمن،، ما شالله تبارك الرحمن..

    وتوته توته خلصت الحتوته ،،


    مبروك للي ولدو مؤخرا وياريت مثل ماقالت اختي كيت كات نسوي لنا تجمع يناسبنا حتى مانفترق ونظل نتواصل
    لانه همومنا وحدة وسوالفنا وحدة وتعودنا على بعض
    بقوم لبنتي تبجي
    تصبحون على خير

تابعي تجارب أخرى من هذا القسم.