بنات الامارات النشميات ابي فزعتكم بسرعة

الغاليه نسييت اقولج لو تريدين اسواق رخيصه..
سيري منطقة المصانع الي في عجمان..
فيها نفس البضائع الي يبيعونهم في promod و zaraوغيرها من المحلات المعروفه وبنص الاسعار...

مشكورة ياطوق البنفسج وانا ابزور العين ودبي والشارقة والفجيرة وبس وما ادري فيه امارات ثانية زينة -علموني- بنوتة مشكورة عيوني سحابة خير ما قصرت حبيبتي افدتيني كثير بنت دار زايد كفيت ووفيت ياعمري ماخاب ظني في بنات الامارات نشميات وسنعات بس ابسالكم عن الشارقة والفجيرة وش الزين فيها من جميع النواحي ومشكورين الف ولكم مني :26: :26: :26: :26: :26: :26: :26: :26: :26:

هلا الغاليه..
الشارجه حلوه وقريبه من دبي.. كل شي تحصلين فيها من مراكز تجاريه مثل مركز صحارى والميغا مول ومركز الفردان وساره مول
... ان شاء الله بنات الشارجه يخبرونك اكثر عنها..

بالنسبه للفجيره طبعا هي منطقه طبيعيه فيها الجبال والبحر والشاليهات والفنادق...
اماكن طبيعيه..طبعا هذي المناطق جوها في الشتاء احلى بوايد عن الصيف..
فيها شاليهات حلوه على البحر تقدرين انج تتسبحين مع عائلتج في البحر لانه مايكون في رجال في بعض الاوقات..
اممم هذا الي في بالي الحينه وان شاء الله اذا تذكرت شي ثاني بخبرج :)

افا عليج فااالج طيب ماا طلبتي شي

للاختصار
ابوظبي و دبي (الاسواق)
العين والفجيره (المناطق السياحيه)

اذا تدورين على الاسواق الرخيصة عندج التنين (القرية الصينية يقولون رخيصة بس ماافيها ملابس وعندج مثل ماا ذكرو البنات مصاانع عجماان)

اختي بالنسبه للفجيره انتي رايحتلها من قبل ولا؟؟لان احس ما فيها شي وهي صغيره وايد...الا اذا كنتي تبغين البحر مثلا ؟؟ وحتى الشاليهات على حد علمي انها ما تصلح للعوايل ...... عالعموم انتي وبراحتج في النهايه يمكن معلوماتي قديمه...بس اتأكدوا قبل لا تسيرون :)

وبالنسبه للشارقه اذا عندج أطفال وديهم مركز الاستكشاف او اذا في دبي في مدينة الطفل في حديقة الخور وأنصحج بمدينة مدهش روووعه للأطفال والكبار وهالاماكن كلها مكيفه وانصحج لا تروحين غير الاماكن المكيفه لانه الجو حار ورطب يعني انسي الحدايق والتمشي في الهواء الطلق هالاشياء ما تنفع الا في الشتاء ....

وفي الشارقه بعد سمعت عن متحف التاريخ الطبيعي ومنتزة الصحراء ....واذا بغيتوا حديقة حيوانات لا تروحون اللي في دبي ...روحوا اللي في الشارقه اسمه مركز حيوانات شبه الجزيره العربيه بس مادري اذا مكيف او لا ...

عالعموم اي شي عن الشارقه شوفي هالموقع :

http://www.sharjah-welcome.com/index_ar.php


صح انتوا متى بتسافرون ان شاء الله ؟؟؟؟ اخاف انج سافرتي وانا اكلم روحي هنا :D