واخزياااااه ... وافشيلتااااااه "مواقف مفشله"

30 مارس 2010

تذكرت موقف بصراحه كان صدمه عنيفه قبل ليكون طريف انا عندي صاحبات تعرفت عليهم بعد الزواج احنى خمس بنات وازواجنا اصحاب وحده منهم كان اسمها رقيه اختها بتتزوج وعزمتنا لزواجها اتفقنى الشله نحضر المهم حضرت انا ووحده هي تبع الشله ونفس الشي زوجت اخو زوجي اول مادخلنا حصلنا رقيه قدامنا ونجيها ونسلم ونبارك لها ونسولف والبنت بس تضحك اشوف الي معي ونسمي عليها وش فيك ونسحب يدها نقول تعالي عرفينا على اهلك والبنت موطبيعيه واحنى بس نسولف ومن هذي وشوفي هذي وووو البنت وقفت وقالت والله انا مو رقيه نناظرها ونسمي عليها ونقول وش فيك استخفيتي شكللك مواصله واثر عليك البنت غريبه دموعها تنزل من الضحك شوي صوت رقيه جاي من ورانا ونلتفت ونسمي بسم الله ورقيه تضحك وتقول هذي توامي والله ماتكلمنى بس نناظر فيهم سبحان الله نسخه كربون حتى الصوت واحد وقالت رقيه هبلتو اختي لان الشله الي سبقونا صارلهم نفس الموقف واحنا الوحيدن الي ماندري عنهم واول مره نشوفهم المهم جلسنا على طاوله كلنا الشله مجتمعين ونضحك على بعض المهم مرت ام رقيه من بعيد واشرت عليها رقيه قالت هذي امي وراحت رقيه واحنى الباقي جالسين مره ام رقيه قريب منا ومغيره لبسها مسوين سنعات ونقوم نسلم عليها ونبارك لها ونقولها احنى صاحبات رقيه والاجوديه ترحب وتهلي ورجعنى جلسنى وشوي اشوف ام رقيه مغيره لبسها وراجعه لبست فستانها الاسود اول ماشفناها فيه استغربنى وقلنا يمكن عندهم عاده التغير وانا اقول حركتها غريبه لوني منها وبغير مارجعت لبست الاول برجع استعرض شوي الى رقيه جايبه امها مغيره بعد ولبسه الذهبي وهي من بعيد ترحب وتهلي فينا واحنى جالسين ماقمنا والضعيفه تقول هذي امي واحنى فرحانين قلنا ايه سلمنى عليها من شوي البنت استغربت والتفتت على امها الام كشرت قالت لا والله ماسلمت عليكم كل وحده تناظر الثانيه الى رقيه تضحك باعلى صوتها وتقول شكلكم طحتو بخالتي توامه امي هنا انخرشنى وسلمنى على الحرمه وتعذرنا منها وصارت الضعيفه ماغيرت لبسها صارت تومه امها هي الي لبسه اسود والام ذهبي واجتمعو وهم يضحكون واحنى بس نسمي سبحان الله كربون بعض نسخه بكل شي مع اني كنت اتمنى توام طلعت وانا منصدمه ادعي ان الله مايرزقني بتوام من جد موقف طريف حسيت انى اغبياء فيه