محتاجة لافكار مسابقات ((مدرسية ))

من ناحية المسابقات االحركية مليان
دائما كنت أسوي لفصلي في الدار مسابقات حركية
بس كانو ابتدائي
مثل مسابقة إطفاء الشمع
اللي تشغلين شمعتين أوثلاث على حسب البنات ومعهم مسدسات موية ويطفونها

وفي لعبة صيد السمك تلقين سمك كبير يجي جاهز ينباع ومعاه سنارة فيها مغناطيس وعلى فم السمكة مسمار حديد
تحطينهم بطشت كبير وتملينه موية ويصيدون والفائزة أكبر عدد
وهذي مرة مرة يحبونها البنات خاصة إذا جبتي السمك المقاس الكبير
وهم يصيدون يطلع صوت مسك المغناطيس للحديد طق تك طق

وفي كمان لعبة اللي تحطين كور كثيرة البلاستيك الملونة وتحطين بآخر الساحة سلتين لكل بنت سلة
وكل وحدة تاخذ كورة وتركض بسررررررررعة وتحطها بسلتها وترجع تاخذ غيرها ونفس الشي
وبالقي البنات الجمهور يعني يعدون من واحد لعشرة ولما يخلصون تشوفون مين أكثر كور

وفي وحدة كمان تنثرين الكور بالأرض ويطلعون بنتين معاهم كيس وبالونة
البنت عليها انها ترمي البالونة لفوق في الهوا وبسرعة تاخذ من الأرض كور وتحطها بالكيس قبل ما تطيح البالونه على الأرض
اللي تطيح بالونتها على الأرض تكون خسرانة
وتعدون لعشرة أو تحسبون دقيقة أو تشغلون أنشودة ولما تخلص تشوفون مين كورها أكثر تكون فايزة
طبعا تعتمد هذي الطريقة على المهارة وخفة الحركة ويحق للمتسابقة إنها تاخذ أكثر من كورة في المرة
هي وشطارتها
يعني ترمي البالون لفوق وبسرعة تاخذ لها كم كورة تحطا بالكيس
وترجع تضربها لفوق وتعبي وكذا
يفضل يكون الكيس من حقين السوبر ماركت يعني له يد
عشان تلبسه بيدها زي الأسورة وما يحوسها

عندي مسابقه اتجيبي صندوق وتختاري طالبه وتغمي عيونها وبعدها تدخل يدها بالصندوق وتلمس وتقول الشي

جزاكم الله خير