حل جذري للإسهال(عجائب الطينه)

السلام عليكم
بكتب لكم تجربتي بعد معاناتي مع اسهال بنتي اللي موراضي يفك عنها وقطعت قلوبنا انا وأبوها وحنا نشوفها تذبل يوم عن يوم :(من بدا معها التسنين وهذي حالتها لها كم شهر ترتاح يومين أسبوع ثم يرجع لها ناس يقولون تسنبن وناس يقولون شمم وناس يقلون عظم الحلق نازل وهلم جره جربت كل شي نشا وزبادي وحليب الاسهال مااانفع معها الا بعد الله الطينه وهي عباره عن طين نظيف وتباع عند العطارين وتكون على عدة أشكال منها المثلث والاسطواني والمربع ومربوطه بخيط حتى يسهل استخدامها وراح أشرحلكم أولا الطريقه ثم ستخداماتها ثم تحليلي الشخصي:cool: وهو الأقوى وأكيد كلكم توافقوني عليه :2thmup:







بسم الله نبدأ
الطريقه : تمسكين بالطينه بواسطة خيطها طبعا وتحركينها في شوية ماء يعني تقريبا 5مل لما تصير المويه ثخينه عشان يكون مفعولها أقوى وحده بوحده (راح تموتين على ريحتها تذكرك بريحة المطر ومن مايحب ريحة الطين الاحمر) وتعطينها طفلك بابرة العلاج واللي يبقى امسحي منه مسحه وحطي عند انف طفلك وخلف اذنيه وتحت ذقنه وراح يتقبلها جدا لان الاطفال دايما يحبون التراب اذا شافوه :love: طاحو فيه أكل
وتاخذي كسره صغيره وتحطيها بعلبة المويه وتكون خفيفه هالمره وكلما بغى طفلك ماء تعطيه منه انا حطيته مع المحلول حق الاسهال وصراحه ماشاء الله من أول يوم انقطع الاسهال:icon28: وتنفع جدا للترجيع حتى زوجي قال خلاص هذي من ضروريات البيت وحتى اذا سافرت معاي بشنطة اليد بعد ولما رحت عمره مسحت بنتي فيها زي الطريقه اللي قلت لكم عشان مايضرها ريحة الناس عطورهم وعرقهم
نجي لاستخدامات الحريم للطينه هن يقولن خذي كسره صغيييره لأنهم يخلطون معها عنزروت وشوي محلب بس ماحبيت هالطريقه أحسها مالها داعي الطينه وحدها تقوم بالواجب وخاصة فيه أطفال يتحسسون من المحلب ويصير طعمها جدا مكروه عند الطفل ويكمن يرجعه كله:09:
وأخيرا تحليلي الشخصي
قال لي دكتور استشاري بمدينة الملك عبدالعزيز الطبيه ان أغلب أغلب الاسهال يكون سببه فيروس والاسهال الفيروسي ماااينفع معاه المضاد الحيوي بالعكس المضاد بهالحاله يزيييد الاسهال لأني أنا وديت بنتي لمستوصف أهلي وقال عندها التهاب بالحلق والرئه وعطاني كيس مليان أدويه ولما قلت للاستشاري قال كلها أرميها بالزباله مالها الا السواااائل والبخار فبناء على هالكلام وبما أن السبب فيروس يجي دور الطينه الفتاك وبما أننا مسلمين ماننكر فوائد التراب في الطهاره فسبحان الله يقولون التيمم يقتل الجراثيم اللي على اليدين ويعقمها والدليل الثاني يقال ان عالم أمريكي أفنى نفسه سنين وهو يبحث عن مضاد يقتل فيروس الكلب عند عظه للانسان وتجارب وأدويه ودنيا آخر شي وجد ضالته واكتشف ان التراب يقتل فيروس الكلب وفرح ياااسبحان الله قولو اللهم صل على محمد بأبي هو وأمي أنا ماني حافظه الحديث بس جا فيه غسيل أثر الكلب عن الاناء يغسل سبع مرات احداهن بالتراب ياليت اذا احد حافظه يقوله
والحين توافقوني الرأي ان الطينه تقتل الفيروسات؟ الحريم يقولن الطينه للشمم بس صراحه بعد تجربتي ماأوافقهن الراي أو أزيد عليهن واقول للفيروسااات0000
:icon35: يالله حبيباتي انا مابي منكم الا الدعاء بظهر الغيب أولا وانكم تطلبون من الا داره تثبيت الموضوع لان الاسهال اهلك اطفالنا والمضادات الحيويه مابقت عندهم مناعه تكفون تراني تعبت وانا اكتب مبتدأه بطيئه :heart:

25 تعليق 28,856 مشاهدة

شاركي في النقاش

سجلي الدخول لإضافة تعليق.

التعليقات

25
  1. @mdam_albasha

    قصدك طينه >>>> تراب ،،، مو مستوعبه

    طيب ما تضر ، سبحان الله ،،،

    بس تبين الحق اخاف اعطيه بنتي من غير شر عليها ،،،

    على العموم جزاك الله خير
  2. @hoary_5

    صاحبة الموضوع
    ايوه طينه ومعروفه عند العطارين اصلا العطار هو يصف لك الطريقه بعدين حبيبتي لاتخافين طين منظف طيب لم تروحين للبر او الحر طفلك يطفشك مع التراب تلاقينه يسرق وياكل ومايجيه الاالعافيه واقولك معروفه ومجربه عند الحريم وترى بنتي مو أي بنت خخخخ أقصد انه جت بعد عشر سنيين والحمدلله يعني اكيد بكون احرص منك
  3. @fo1kh

    انا قرأت ان لعب الأطفال في التراب له فوائد
    وانه يقتل الجراثيم

    بس مدري من وصفك حسيت ان الطفل يشربه صح ؟؟
    ممكن يسبب حصوة لاقدر الله
    فلو يكون خارجي بس اتوقع افضل


    يعطيك العافيه ..
  4. @naam_ahbkm

    حل رائع بارك الله فيك

    واتمنى يتثبت الموضوع


    وهل هذا هو اسمها عند العطار (طينه )؟

    ممكن صورة لها ؟

تابعي تجارب أخرى من هذا القسم.