شاركي في النقاش

سجلي الدخول لإضافة تعليق.

التعليقات

1,528
  1. MIKOMIKO
    باح الخير يا احلي بنات. نفسي افرح: اهلا بيكي معانا و مستنسسن السي في. توتا: مش كل حمل لنفس المراءة زي التاني و ان شاء الله تكوني حامل. سارة: العفو يا قمر. هدهد: رحتي للدكتور و لا لسه؟ بسكوتة: روحي حللي و طمنينا و ساعات تحليل الحمل المنزلي …
    ميكو حبيبتى انا خلاص شيلت الموضوع من دماغى ومش ناويه احلل لان تعبت من العشم وخيبه الامل بعدها علشان كده انا هروح للدكتوره يوم السبت ان شاء الله علشان تكتبيلى على دوا ينزلها لان هنا الدوا لالازم بروشته
  2. السلام عليكم ورحمة الله وبركاته

    ممس
    خلاص انا بقيت اهدى دلوقتي الحمد لله ومتوكلة علي الله وفعلا حاطة الاحتمالين علشان مزعلش اوي ، وربنا يعوضك بأحلي اخوات لعمر يا رب لأنك انسانة جميلة اوي
    بس علي فكرة فكري كدة في الظروف اللي حواليكي دلوقتي هتلاقي انك كنت ملخومة بجنة وهيا لوحدها فما بالك لو عمر كان موجود ، يعني اللي أقصده ان ربنا اكيد عملك الخير والصالح وممكن كانت هتكون صعبة عليكي اوي انك يكون معاكي الأتنين ، انا عارفة ان الموقف كان صعب وصعب يتنسي بس انا بحلل الموضوع بطريقة عقلانية ، ونفسي انا كمان اعرف الحكمة من عدم الانجاب لغاية دلوقتي لأني متأكدة ان ربنا ليه حكمة كبيرة بس انا اللي مش شايفاها ، فهماني يا قمر
    وربنا يرزقنا جميعا من واسع فضله

  3. بوبتي

    سلامتك يا قمر الف سلامة ، انتو الجو عندو ملخبط زي عندنا ولا ايه ، خلي بالك من نفسك يا حبيبتي علشان عايزين نفرح بيكي قريب
    بصي بقة انا شكلي هبقي زي صاحبتك دي وعلي فكرة انا بحس ان كل اللي اتأخرو في الحمل بيبقي الأطفال عندهم حاجة كبيرة اوي وبيخافو عليها من الهوا الطاير ،
    عارفة انا ساعات كدة لما بسرح بخيالي وافكر اني حااامل وكدة يعني واقول انا هقول الناس امته المقربين ، غير ماما وبابا طبعا ، بحس اني مش هقدر اقولهم الا وانا رايحة اولد ، مش علشان خايفة من حسد ولا حاجة ، لأ علشان بخاف اقول الخبر والناس تفرح وبعدين يحصل حاجة وابقي زعلتهم اكتر
    فهماني اصل ده حصلي كده ساعة المحاولة اللي كنت بقولكم عليها وانا زعلت وادايقت واتأثرت جدا ان الناس فرحت الفرحة دي كلها وبعدين حصل اللي حصل
    علشان كدة بقولك هبقي زي صحبتك شوية نبض وشوية حركة وشوية اي حاجة اكيد هخترعها ، انا موافقة بالقلق ده كلة بس هوا ييجي ابن الإيه ده
    يا رب يا بوبا نفرح كلنا يا رب
  4. أودي
    عاملة ايه يا قمراية ، واخبار التنشيط ايه يمكن تحخصل وتحملي من غير متابعة ربنا قادر علي كل شئ مين عارف بتيجي علي أهون سبب ،
    عارفة يا أودي انا امبارح اقدت أقرا قرآن وبعدها لقيت نفسي ست العاقلين لدرجة اني انا استغربت الرضا اللي حل عليا ، والله زي ما بقولك كدة ، حاجة جميلة اوي انك تحسي ان اي حاجة ربنا كاتبها خير وانك مش هتزعلي مهما حصل ، واعدت اكلم مع جوزي استغرب اوي لأنه عارف اني اساسا مجنونة ، بس اتبسط في الأخر ان احساسي وصل لكدة
    الحمد لله علي نعمة الرضا

  5. بسكوتي
    انا هاجي اعضك والله
    ايه يا بنتي طب اروح انا اعمل التحليل مكانك يعني ولا ايه ؟
    انا عارفة ان الواحد لما بيعشم نفسة وبيلاقي غير كدة بيزعل جدا ، انا اكتر واحدة في الدنيا عملت تحليل حمل وطلع نيجاتيف
    عادي بتعدي بس انا بخاف جدا اني اخد حاجة تنزلها وبعدين يمكن يكون في حاجة الله أعلم
    وأعتقد ان الدكتور مش هيكتبلك علي حاجة الا بعد ما يتأكد من عدم وجود حمل ، لأن ده المنطقي

    والله والله والله انا اعرف واحدة من منتدي تاني كانت رايحة تعمل حقن والبيريود اتأخرت عليها ومكنتش حاطة في دماغها لأن جوزها عنده مشاكل ، المهم الدكتور قبل ما ينزلها البيريود قالها اعملها تحليل حمل وهيا اعدت تضحك علي طلبة وكانت مستغربة جدا
    المهم طلعت حامل بحول الله وقدرته ربنا يكملها علي خير يا رب
    عقبالك يا قمر
    يالا روحي حللي ومضيقنيش بقة

تابعي تجارب أخرى من هذا القسم.