شاركي في النقاش

سجلي الدخول لإضافة تعليق.

التعليقات

1,528
  1. ميكو
    بااح الخير يا قمراية
    انتي خلاص لغتك بقت بيبيهاتي
    انا مامتي كانت بتقول كدة لولاد اخواتي ، نفس اللغة تقريبا

    يالا شدي حيلك أبريل داخل أهو ملقيش حجة بقة
    امانه عليكي يا شيخة تدعيلى وتدعلنا كلنا وانتي بتولدي أوعي تنسي

    ربنا يقومك بالسلامة يا رب وتجيبي احلي بنوتة في الدنيا

  2. صباح الخير وبقول لنفسى تصبحى على خير انا مش بنام خالص بالليل رايحة انام ادعولى
  3. هيا ننشر الخير
    مساااااااااااااء الأنوار و الأزهار على أحلى عيون فى ليل مدهون مدهون بالزبدة و العسل يا بنات يا أحلى من العسل وزى ما قالوا فى المثل .. الصحبه الحلوه تلم القلوب التايهه و تضلل عليها بالمحبة السايحه …
    كلامك حلو واوى يارورو .. الله عليه بس عندى سؤال محيرنى .. ياترى ايه حكاية الزفلطة معاكى
    كلامك كله سمن وزبدة وناقص تقولى لنا خدوا لكوا صباعين محشى اتسلوا وانتوا قاعدين
  4. هيا ننشر الخير
    ريمو .. خسااااااره ملحقتش الحقك علشان أنزل بوس فى خدك أنا كمان وخصوصا إنك وحشااااانى جدا طمنينى على أنوس .. و على فكره بخصوص كلامى عن التكيس أنا عارف إننا مش مختلفين بس أنا قلت بعد إذنك إنتى وشوشو ..... علشان الواحد بيتحرج يتكلم و إن…
    يانهار الوان .. ايه اللى بتقوليه يابنتى ده انتى بتحرجينى بأدبك كل مرة
    ربنا يكرمك يارورو والله انا اللى بتحرج جدا كل ما اجى اتكلم عليه لانى بردو مش اعرف عنه كتير اكتر منكم .. على فكرة انتى كمان وحشانى جدا ونفسى نتكلم سوا ونتلم مع بعض فى سهراية حلوة فى ليله نقضيها دردشة
  5. @mama1983_1

    وكان فضل الله عليا عظيما عظيما عملت حقن مجهري تخيلوا متفاجئين مش كده انا كمان متفاجئه جدا ولحد الان مش مصدقه سبحان الله لا على البال ولا الخاطر الي حصل ان انا رحت للدكتور اشوف البويضات اخبارها ايه لقيتها ما شاء الله بويضتين 18 و16 والبطانه ماشاء الله 12 الكلوميد ما اثرش عليها الدكتور فرح وقالي شوفتي اي دكتور قالك انك ما عندكيش بويضات لان هرمونك عالي لحد 35 غلطان ماشاء الله المبيض شغال لسه اطمني انا عاوزك تيجي ثاني يوم في الدوره عشان اعملك الحقن المجهري قلت له طيب يادكتور البويضتين دول خلاص ننساهم طيب ممكن نعمل تلقيح صناعي مثلا قال لي خلاص على شرط الاستروجين يكون اكثر من 150 عشان ما يكونوش بويضات فاضيه من جوه
    رحنا ثاني يوم انا وجوزي نستلم النتيجه بقول في نفسي حتطلع 95 ولو حلوه قوي 120 ويجي في بالي الرقم 200 اقول لنفسي ايه الهبل ده انا كبيري 150 انا الfshعندي 35 معناها الاستروجين حيكون في الارض المهم الراجل سلمنا النتيجه في ظرف بفتح اشوف قرب يغمى عليا كام 337 ماشاء الله حلم ده ياناس ولاعلم دا انا مع دكتور حسام اول عمليه كان في 7 بويضات والاستروجين كان 119 دول اثنين بس وماشاء الله ما شاء الله 337 يا ياما انت كريم يارب زرعت الامل جوا قلبي اننا لسه عندي بويضات واستروجين زي بقيه النساء المهم رحنا للدكتور واحنا الارض مش شيلنا من الفرح ولما شاف النتيجه قال ماشاء الله انا ما تخيلتش واتلخبط بجد الدكتور وقعد يقول لي طيب حنعمل ايه حنعمل ايه والله الدكتور ده ربنا يكرموا ابن حلال واقول لكم ليه المهم قالي تعالي للسونار لقينا البويضتين الحلوين ماشاء الله بقوا 19 و18 انا كنت عملت استخاره اني ارجع اعمل حقن مجري مع الدكتور الاول الي قلت لكم ان المعمل بتاعوا تعبان شويه وفي الاستخاره قلت يارب اختار لي التلقيح الصناعي ولا الحقن المجهري اختار لي انت الاصلح يارب المهم الدكتور قومني من السونار وقال لي ها حنعمل ايه قلت له حقن مجهري قال لي ما تستعجليش قلت له يا دكتور الله العالم انا حقدر اطلع بويضات تاني ولا لا والله العالم ان ده اعلى نسبه استروجين وصلت لها من اول ما بديت العلاج واحنا ما نعرفش الخير فين انا حتوكل واخد بكل الاسباب واحنا علينا السعي وعلى ربك الاتكال قالي خلاص بس لازم تفهمي حاجه مهمه انا حعملك سونار قبل سحب البويضات واحتمال كبير نلقى البويضات طلعت لانك مش وخده اي حاجه تمنع التبويض الطبيعي وفي الحاله ده حقلبلك العمليه لتلقيح صناعي وممكن نيجي نسحب نلقى الاكياس ده فاضيه وتكون ضاعت عليكم الفلوس بتاعت العمليه قلت له انا فاهمه كل المخاطر واداني الحقنه التفجيريه الكلام ده كله قبل امبارح وتقدروا تتخيلوا موقفي امبارح طوال اليوم نايمه خايفه اتحرك حركه احسن البويضات تنقجر واقول لجوزي لا انا حاسه ان خلاص انفجروا جنبي بطل يوجعني لا ده لسه بيوجعني وهسس شديد امبارح وطوال الليل نايمه على جنبي الشمال احسن لو ضغط على جنبي اليمين البويضات تنفجر وجاء اليوم الموعود النهارده توكلت ورحنا المركز وانتظار 3 ساعات زي 3 سنين وانا من الفجر خلاص حاسه ان الم التبويض راح ونزلت عليا افرازات تبويض كثيره قوي ودخلت عملت السونار والبويضات موجوده الحمد لله وعملوا السحب والحمد لله سحبولي بويضه واحده والثانيه كانت فاضيه انا دلوقتي حاسه اني سعيده سعيده سعيده زي الي قالولها انتي حامل املي كبير ان البويضه ده تكون قويه وسليمه ان شاء الله واحمل بيها
    يوم الخميس ان شاء الله الترجيع اما ليه الدكتور ده ابن حلال تخيلوا عملي العمليه مجانا يعني ما اخدش فلوس لنفسه عملنا تخفيض حق الطبيب يعني دفعنا بس حق المعمل والمواد الي حيستعملوها في الحقن
    انا متفائله قوي قوي قوي يابنات عارفين امي دايما تقول لي استخيري الايام الي فاتت ده كانت كلها استخارات ولما ماما قالتلي كعادتها استخيري قلت لها انا على طول باستخير وحاسه ان كل ما استخير تحصل حاجات انا مش متوقعها بعض الاحيان حاجات بحسن انها غصب عني واني مش عاوزاها بس شوفوا النهايه احسن بكثير مما تخيلت فعلا الاستخاره لاتاتي الا بالخير

تابعي تجارب أخرى من هذا القسم.