شاركي في النقاش

سجلي الدخول لإضافة تعليق.

التعليقات

1,528
  1. @ashtkt_alyk

    توفى....
    انا شفت مشاركتك يا قلبى....وسامحينى فى التأخير فى الرد لانى مدخلتش تانى الا النهاردة....
    بصى يا قمراية.....ان شاء الله ربنا هيرزقك من وسع ويفرح قلبك ويعوضك كل خير عن اللى فقدتيه....
    والحمد لله انتى سعيتى كما ينبغى وعملتى كل اللى عليكى....وان شاء الله ربنا هيجازيكى عن تعبك خير الجزاء....
    وانا رأيي تتوكلى على الله وتبدأي فى التنشيط....
    بس بالنسبة لسؤالك....انا اخدت 2 قرص كلوميد لمده 5 أيام + 4 حقن فوستيمون اول شهر....
    والاستجابة مكانتش اوي فاحتجت انهم يبقوا 8 تانى شهر و9 تالت شهر اللى حصل فيه الحمل....

    بس انا من الاول كنت عارفة ان بالرغم من حملى فى انس والحمل التانى حصلوا من غير تنشيط وان البروجسترون عندي كويس...الا انى كنت عارفة ان استجابتى للتنشيط مش أد كده....علشان كده توكلت علىالله وخدت الحقن كلها...

    لكن لو عايزة رأيي قدامك اختيارين....
    1- تبلغى الدكتور انك عارفة انك بتستجيبى كويس للكلوميد وانك خايفة من الحقن وحابة تجربى اول شهر من غير حقن.....وده يا قلبى مفهوش كسوف....ومحدش هيفهمه تدخل او تشكيك الا لو كان حد مش واثق نفسه او حد بيفضل برستيجه على مصلحة مريضه...واعتقد ان طبيبك مش كده....بس شوفى رايه لان ممكن يكون عايزك تاخدي حقن علشان يضمن بامر الله ان ميحصلش حمل ضعيف....

    يبقى لو وافق على الكلوميد بس يبقى خير وروحى فى ميعاد متابعتك المعتاد.....
    اما لو قرر الحقن...يبقى توكلى على الله و ادعى قبلها ان ربنا ينفعك بخيرها ويكفيكى شرها....وقولى بسم الله اللذي لا يضر مع اسمه شئ فى الارض ولا فى السماء وهو السميع العليم....واطلبى من الدكتور انك تبداي المتابعة بدري...يعنى مثلا بعد اول او تانى حقنه علشان القرار يبقى فى ايديكم تكملوا الحقن ولا كفاية كده....

    وطبعا قبل اي شئ لازم الاستخارة يا قلبى...وان شاء الله ربنايهديكى لكل اللى فيه الخير
  2. ماما
    انا مش عارفة اعبر عن فرحتى بيكي والله ربنا كريم اوي معانا وانتي فعلا سعيتي وعملتي كل اللي عليكي واجتهدتي وفهمتي حلتك محتاجة ايه ربنا وفقك ووقفلك ولاد الحلال علشان يقفو جنبك
    يا رب يا ماما يا رب ترقكي بالطفل اللي نفسك فيه والله بدعيلك اكتر من نفسي ونفسي افرح بيكي جدا جدا
    وحاسة ان ربنا مش هيضيع تعبك ابدا يا رب

  3. شوشووووووووووو

    وحشاني اوي اوي اوي
    ربنا يخليكي ليا يا رب وميحرمنيش من دعائك اللي انا متأكدة من غير ما تقولي انك بتدعيهولي

    يا رب يرزقك بأحلي بنوته في الدنيا زي اللي في توقيع نيفو ويخليلك انوس حبيب الكل يا رب ، انتي انسانة تستهلي كل خير يا حبيبتي

  4. @ashtkt_alyk

    سارة....
    ازيك يا قمراية...ويا رب نشوف بنوتك القمر على كل خير.....
    والله كلامك ده كتير عليا اوي......البركة فى الكل والتجمع الجميل اللى بيخلينا كلنا خايفين على بعض وكل واحد بيجري يفيد اللى حواليه باللى يعرفه.....
    المهم انتى يا بختك....هتختاري اسم النونو على مزاجك......احنا عندنا هولاكو خلاص أصدر فرماناته باسامى الاولاد والبنات...
    لا وايه عايزهم ييجوا كتير فوق بعض....(هو بيستخدم المصطلح ده لما بيبقى عايز حاجة كتير)

    صحيح...خلينى أستغلك شوية....انتى اتخصصتى اطفال مش كده....يا ريت لو انتى او ماما تعرفوا تجاوبونى على الموضوع ده تفيدونى الله يخليكم...
    انس يا ستى كان اخد تطعيم الحمى الشوكية عند سن 3سنين وشهرين....والدكتور بتاعه قالى الجرعة التانية مش قبل سننتين.....لكن احنا رحنا عمرة بعدها ب 8 شهور وطبعا اخد معانا التطعيم الاجباري.....وفى المدرسة كانوا بيطعموا الولاد وسالونا وانا قلت لا اوافق لان ميعاد الجرعة القادمة فاضل عليه 6 شهور.....وللاسف هم نسيوا وطعموا الولد امبارح....وكده يبقى الولد اخد التطعيم ده 3 مرات فى خلال 18 شهر....وانا من ساعتها هاموت من القلق....ومعنديش حد اثق فيه لان الدكتور بتاع أنس توفاه الله من مدة ولسه مستقرتش على حد تانى....
    انا كلمت دكتورة كنا رحنالها قبل كده بس مش باثق فيها اوي....قالتلى عادي بس متديلوش تانى قبل 3 سنين.....وفى المصل واللقاح قالولى برده ميضرش..بس ردهم كان طياري اوي....ولسه قلبى مش مطمن....

    لو عندك اي معلومة فى الموضوع ده يا ريت تفيدينى يا قمراية...
  5. نيفووووووووووو
    انتي فين بقالي كتيير مش بشوفك
    عاملة ايه وحشاني اوي
    يالا قولالنا اخبارك بسرعة

تابعي تجارب أخرى من هذا القسم.