هذا كلام الي ماقد جربوا غثاهم
عني زوجي ماعنده مانع يفضل وجود الشغاله بشرط أني ما اتوانى في المتابعة
مع أنه كان يحاول أجيب الشغاله من يوم حملت بأول بنت لأني كنت أدرس ورفضت وما جبتها إلى لما خلفت الولد الثاني ورفض يودي الأثنين للحضانه
فجبت أندنوسيه نقل كفاله يوم وديناها المكتب تركتها مع البنت وداومت<<هذا قبل لا أولد ومسويه عليها رقابه لما طلعت غيرت لبسها وفكت شعرها وفتحت شباك المنور وقعدت متعلقه <<لأن العماره كانت دبلكس والجهه المقابلة شركه مستاجرتها كلهم عمال, وتركت بنتي تبكي.
يوم جينا وعرفنا بالي صار وديناها للمكتب تصيح وتترجى مانرجعها عند كفيلها الأول وتقول تشتغل عندنا ب400ريال<<قلت ولا ببلاش مو عشان لبسها أكثر ما استفزني أحنا جبناه للبنت ومافيه شغل من أول يوم أهملتها
قدمت على هنديه وصلت فمها مليان الأحمر الي يحطونة الهنود في أفمامهم <<بس قلت بأمنعها منه واليوم الثاني تبكي وتقول تبغى تسافر تشوف عيالي تتذكر عيالها ماتنلام تركت مولود زعلت بس لما ورتني صورة عيالها بكيت معها 4 ورا بعض جالسين على حصير, سافرت بعد أسبوع حتى المكتب ماقدر فيها
قدمت أندنوسية وجلست سنتين السنة الأولى رحله من العذاب السنة الثانيه كأني أميره من جد دلعتني ودلعتها خلصت حاولت في زوجها تمدد رفض
جبت حبشيه شهرين <<<قمه في الأخلاق رائعه مع الأطفال الله يجزاها ويجزى الي دلتني عليها كل خير بس في الشغل ثقيله
قدمت سرلنكية صارلها معي سنتين وباقي 6 أيام وتسافر <<سدت نفسي من الشغالات
توني أفهم أمي ليش تقول على رجلى ولا على قلبي
وأنا أقولها مية مره على رجولي الثنتين وعلى يديني الثنتين وعسى ماخلص شغلي ولا على قلبي
خذيها نصيحه إذا أنتي بصحتك خذي شغلك بنظام ومو تعذبي نفسك عشان ينقال ست الستات وتهدي صحتك
ولاتمرضي قلبك بالزين الي منهم عاد كيف الشين فيهم
وإذا تبغو الجواب اليقين أسألوني بعد ما أنكرف لأني صراحه نسيت الشغل 4سنوات
ياحظ اللي عندهم شغاااااالاااات
متابعة النقاش، صفحة 22