اختي الغالية عجايب00 انا جيت لندن ولحد الحين موجوده بقرار من دكتوري في قطر وهو اللي اختار الاستشاري وقالي انه وايد زين والحمدلله كلامه صحيح ماشاء الله عليه دكتور كريستوفر وايد طيب ويسمعج وينصحج ويشرحلج كل شي بدقه عشان تكونين عارفه وواعيه لكل شي بيصيرلج فترة العلاج ،، وهو على طول نصحني بالابر الكيماوية المثبطة لنشاط المرض لانه شاف ان نشاط المرض زايد مع ظهور اجسام مناعيه جديده وعطاني كم يوم افكر فيهم مع بروشرات تشرحلج العلاج مع اثاره الجانبية واللي الحمدلله ماشفت منها شي ،، والحمدلله توكلت على الله وبديت اخذ هالابر والحمدلله من اول ابره وبعد اول اسبوع حسيت بتغيير وتحسن مادري هل هي حاله نفسيه ولا ايش بالضبط لانه قالي ان مفعول الدوا يبدا بعد اسبوعين او ثلاثه بس حتى اهلي لاحظوا التحسن وااااضح على وجهي اللي كان ملتهب وخفت الام المفاصل واهم شي وقف تساقط الشعر اللي بصراحه اللي مسبب لي الازمه النفسيه بس الحمدلله على كل حال ،، وهالخميس ان شاء الله باخذ الابره الثانيه وعلى الله الشفاء
انا قلتلج اللي صار لي وانتي خلي عنج التردد واستخيري والله يكتب اللي فيه الخير ويوفقج يارب:)
تجمع للمصابات بمرض الذئبه الحمراء
متابعة النقاش، صفحة 283