شاركي في النقاش

سجلي الدخول لإضافة تعليق.

التعليقات

1,528
  1. @hya_nnshr_alkhyr

    صباح الخير يا بنات


    بوبا ..
    أنا دخلت تانى مخصوص علشان إفتكرت إنى مش قلتلك سلامتك
    ألف سلامه عليكى يا حبيبتى وربنا يشفيكى ويعافيكى


    مها ..
    ربنا ييسرلك الحال ويكرمك يااارب ويااريت تنورينا كده على طول


    توفى ..
    أفضل شئ يتعمل .. الأستخاره
    وبالنسبة لرأينا البشرى .. أعتقد الأفضل تنتظرى الشهر اللى بعده لأن زوجك ممكن يجى فعلا وممكن لأ .. فبدل ما ترهقى نفسك بالتنشيط , إصبرى أفضل و إن شاء الله تكونى حتى إتحسنتى أكتر و أكتر


    زوزة .. إحتمال خطأ المعمل وارد جداااا
    و إحتمال تحسن زوجك برده وارد جدااا فالأفضل فعلا قطع الشك باليقين و إعادة التحليل فى مكان ثقة



    وداع ...
    ربنا يرزقك ويريح بالك وينصرك يااارب
    بصى يا وداع إنتى معاكى حق .. لما ربنا بيأذن فى لحظة ما .. بنتفى كل الأسباب و العقبات
    وعلشان كده اللجوء لربنا المفروض يكون رقم واحد ..
    بس فى ذات الوقت لازم يمشى جمبه خط الأخذ بالأسباب

    يعنى مثلا لو فى مناقصة كبيرة .. وداخلها ناس كتير تقال جدااا
    وفى واحد بسيط صاحب شركة نفسه هو كمان يدخل المناقصة .. بس هو حاسس إن صعب قوى ترسى عليه علشان هيروح فين وسط الناس الكبيرة

    بس لجأ لربنا .. تذلل فى الدعاء على إستغفار على صدقات

    فربنا إستجاب له وهيكرمه فى المناقصة ..... لحد كده تمام

    بس لو الراجل ده أصلا مرحش يقدم بقى الظرف بتاعة وقعد فى البيت حاطط إيده على خده و عمال يقول صعب قوى العطا يرسى عليا
    مش ممكن ... مظنش .... بالتأكيد العطا مش هيرسى عليه لأنه أصلا ما أخذش بالأسباب و مرحش حتى يقدم ورقه

    فإنتى إدعى و إعملى كل عمل يقربك من ربنا و فى نفس الوقت ركزى كويس جدا فى خطة علاجك و جيبى ورقه وقلم و أقعدى إكتبى إيه المشاكل المتأكده منها .. و إيه المشاكل اللى إنتى شاكه فيها وحطى جدول زمنى لنفسك لحل جميع المشاكل

    كل ده جمب إيه ؟
    جمب خط اللجوء الى الله
    و صدقنى فى الأخر ربنا هيكرمك يا حبيبتى


    ماما ...
    إن شاء الله هتتلقح يا حبيبتى .. بس لازم تبشرينا يا قلبى



    بسكوته وميكو و شيمو .. إزيكم يا قمرات
  2. توتا ربنا يكرمك ويفرحك يارب بإذن الله
    وربنا يسمع منك يا بنتي يارب

    ماما أنافرحت قوي بالتطورات بتاعتك ده
    ربنا يجعلها بداية الفرحه ليكي يارب وبكره إن شاء الله ربنا يوفقك وتعملي عملية النقل
    مش عارفه ليه وأنا بقرأ كلامك قلبي قعد يدق جامد من قدرة ربنا ورحمته وكرمه اللي ملهوش حدود
    وبإذن الله ربنا هيزيدك كرم ورحمه منه ويتمملك على خير
    بس عايزه أقولك يا ماما ولإن شكرتم لأزيدنكم
    أشكري ربنا على قد ما تقدري بكل الوسائل وتوسلي إليه بكل أسمائه إنه يتممهالك على خير بأحلى بيبي بتتمنيه

    دوعه قطتي الحلوه السهيره الكبيره
    طبعا إنت عايزه تضربي على كلامك ده بس معلش هعدهالك المره ده
    بصي يا ستي إحنا في مشكلتنا ده علشان تتحل لازم نمشي في طرقين لا غنى عنهم
    الأول : التقرب من الله والتوكل عليه والرضا بقضائه والصبر على القضاء
    الثاني : الأخذ بالأسباب الدنيوه بدون إنتظار النتيجه
    ليه مننتظرش النتيجه لأنها بإييد ربنا ولأننا عملناها في أول طريق مشينا فيه لما توكلنا على الله وسلمناه أمرنا
    هتقوليلي طيب ما أنا أقعد وأريح واللي ربنا عايزه هيعمله
    هقولك لأ طبعا ولا كان سيدنا محمد متبش نفسه في نشر الدعوه الإسلاميه وكان ساب ربنا يعمل اللي هو عايزه
    ومكنتش السيده مريم هزت الشجره وهيه في وقت المخاض علشان ينزلها التمر ما ربنا كان قادر ينزله لوحده بس هيه كان لازم تعمل اللي عليها حتى في أصعب الأوقات والتمر لما نزلها منزلش لأن هزتها كانت جامده لأ لأنها عملت اللي عليها
    إنت كمان لازم تعملي اللي عليكي في الطريقين فاهمه يا قمر ونيجي نفهموكي يا شابه
    أما موضوع خالتك طبعا شفاها الله وعافاها
    بس شفتي بقى أهي خالتك ولا أخدت هرمونات ولا تنشيطات ولا حاجه وسبحان الله جالها المرض
    وممكن واحده تانيه أخدت بلاوي وسبحان الله ميجلهاش حاجه
    يعني متقوليش العلاج بتاعنا بيجيب أمراض وحشه
    يعني هو إحنا بناخده بمزاجنا مه ربنا عالم بالظروف
    إنت بس كل ما تيجي تاخدي دواء قولي بسم الله الشافي المعافي اللذي لايضر مع إسمه شيء في الأرض ولا في السماء وهو السميع العليم
    وبعد كده سيبيها لله
    ماشي يا دوعه هانم

    متفائله أنا رأيي خدي التنشيط الشهر ده ومش هتخسري حاجه والله صادفت إن التبويض بتاعك كان مع وقت مجيي زوجك يبقى خير وبركه
    ولو مصادفيش يبقى مخسرنا ش حاجه وخيرها في غرها
    بس مادام قدامك فرصه حتى لو قليله متضيعيهاش

    مها عودا حميدا يا جميله
    ياللا قوليلنا أخبارك بالتفصيل الململ

    أوشي حبوبتي عامله إيه يا حبي
    حلو الدلع ده
    على فكره إنت مردتيش عليه لما سألتك جبتي حاجة النوناهت ولا لأ وسألتك هتجيبي مامتك ولا لأ
    أنا اللي سحلانه بقى وااااااء وااااااء
    طمنيني عليكي وقوليلي ناقصك حاجه أو محتاجه أي سؤال في أي حاجه ساء النونهات أو إحتياجاتهم أو الولاده
    عموما أنا تحت أمرك
    وربنا يقومك بالسلامه يارب
  3. @mama1983_1

    د.وداع
    انا حتكلم ياجماعة اهو مع اني قلتلكم اني بكب سواد وخلوني بعيد احسن انتو اللي قلتولي تعالي هههههههه بصراحة يامها ساعات بحس ان تاخر الحمل ده كله مالوش قواعد والحاجات اللي بلاقيها في التحاليل دي اسباب بندادي بيها نفسنا وكل الادوية سهايات عشان …
    كلامك صح يا وداع فعلا تاخر الحمل ده ما لهوش قواعد ولا حقن مفجره ولا علاجات ولا غيروا اصلا احنا لو فكرنا فيها كده ده خلق هو في حد بيتخلق قبل يومه ده حاجه ربانيه ربانيه ربانيه لكن برضوا ما ينفعش انا نقعد ندعي ونبتهل دون اخذ بالاسباب لازم يا وداع شوفي الرسول صلى الله عليه وسلم كان عارف ان الدعوة حتنتصر حتنتصر ليه ما كتفش ايديه وقعد يدعي ليه كان بيدعي القبائل في مواسم الحج سنه وراء سنه عشان ينصروه والقبائل ما سمعتلوش ليه سافر لحد الطائف عشان يطلب من قبائل الطائف النصر ليه التعب ده كله ليه ماكان ممكن ربنا يستجيب دعاوته ويوفر عليه التعب ده كله ويقولوا اصبر لحد ما وفد المدينه يجي وهم دول الي حينصروك ليه ياوداع الرسول اخذ بالاسباب ده كلها وتعب ده كله عشان احنا نتعلم ناخد بالاسباب كلها ونسيب النصر لله سبحانه هو حيختار الطريق الي احنا حننتصر بيها صح طيب ليه الرسول لما جاء يهاجر للمدينه تعب وراح غار ثور واستخبه فيه وسافر على الناقه 500 كيلوا من طريق البحر البعيد عن قريش وبرضوا لحقه سار قه ابن مالك وكان ممكن يقتل النبي ليه المخاطر ده كلها يارسول الله طيب كان ممكن ربنا يرسل البراق وهو الدابه الي الرسول ركبها عشان يسافر من مكه للقدس في ليله الاسراء والمعراج كان ممكن ربنا يرسل الدابه ده للرسول نهاجر بيه من مكه للمدينه في لحظه ونبعد عن كل المخاطر ده عشان احنا نتعلم ناخد بالاسباب كل الاسباب ونسعى ونسعى ونسعى ونسيب الباقي على رب العالمين الذي لن يضيع تعبنا سدى وربنا قالها في القرأ(ليس للانسان الا ما سعى وان سعيه لسوف يرى ) يعني الانسان حيشوف نتيجه سعيه
    بالنسبه لسرطان الثدي ده مرض ابتلاء صحيح ممكن المنشطات تزيد انوا يحصل بس برضوا انا جدتي كان عندها وخالتي والاثنين عمرهم ما اخدوا منشطات ده امراض قدريه ربنا كتبها علينا سواء اخدنا منشطات او لا انا عاوزكي تتوكلي كده وعادي الحزن يابنتي انا مريت بكل الي مريتي بيه اول مره عملت تلقيح كنت مأمله اوي وفشل وده كانت اصعب صدمه اول صدمه دايما اصعب وحده بعد كده كل ما افشل اقول الحمد لله اكيد ربنا كاتبلي الخير في حته تانيه والنهارده اهو مستنيه نتيجه التلقيح بتاع البويضه والي حيصل حيكون خير ليا سواء تلقحت ولا لم تتلقح مش انا سعيت ودعيت يبقى خلاص لازم اثق واسلم لامر ربنا فيا
    افتحي الرابط ده فيه كلام حلو قوي عن الدعاء والابتهال وربنا يقويكي ويخرجك من النفسيات الي تعباكي ده يارب http://www.youtube.com/watch?v=uY8EXTpzCEY&NR=1
    فيديو YouTubeوانا بنصحك تحاولي تسمعي محاضرات كثير ودروس علم ممكن من النت والله حيفرق معاكي جامد انا بسمع في اليوتيوب ممكن تعملي زي
  4. السلام
    عليكم ورحمة الله تعالى وبركاته
    بناااااااااااااااااااااااااااات ........ احلى اخوات بالدنيا
    وحشتونني كلكم واحدة واحدة والله العظيم
    انا تعبانة جدا ادعولي يا بنات دي 3 مرة ينزل علي دم مش فاهمة حاجة
    المهم انا جيت اسلم عليكم عشان وحشتوني جدا جدا جدا
    وراجعة عند ماما تاني مش عارفة امتى حخلص من المشاكل
    والله العظيم وحشتوني
    ماما حبيبه قلبي ربنا يكرمك المرة دي وتكون فرحتنا الكبيرة قادر يا كريم
  5. صاحبة الموضوع
    المشتاقة لمكة
    السلام عليكم ورحمة الله تعالى وبركاته بناااااااااااااااااااااااااااات ........ احلى اخوات بالدنيا وحشتونني كلكم واحدة واحدة والله العظيم انا تعبانة جدا ادعولي يا بنات دي 3 مرة ينزل علي دم مش فاهمة حاجة المهم انا جيت اسلم عليكم عشان وحشتون…
    مشمشة وحشاااانا جدا ... انتى جيتى قلقتينا عليكى ومشيتى .... الف سلامة عليكى ... ياريت تكلمى الدكتور يذودلك المثبتات وتنامى على ظهرك وماتتحركيش ... ربنا يكملك على خير يا حبيبتى وتفرحى بالنونو بتاعك فى حضنك يا مشمش

تابعي تجارب أخرى من هذا القسم.