السلام عليكم ورحمة الله وبركاته جميـــعًا
كيفكم يا فراشات عالم حواء عساكم بخير
جيتكم اليوم بطلب كالعادة وكلي أمل إنكم ما تردوني هالمرة
مثل ما خبرتكم إننا الحين جالسين نجدد غرفة أخوي المسافر
لأنه خلاص إجازته قربت يعني حوالي أسبوعين ويكون موجود بينا إن شاء الله
المهم إننا اشترينا له أثاث جديد كامل وكله جلد طبيعي على استايل البقرة
يعني أبيض وفيه بقع سودة ( إحنا بالاول ترددنا علشان الأبيض لكنه ما يجلس معنا أكثر من شهر وبعدها الغرفة تتقفل فغامرنا واشترينا !! )
المشكلة الحين بتوزيع الأثاث لأننا حسينا إنه كثير
وهو ( سرير مع طاولتين جانبيتين وكذا مثل صندوق على شكل مستطيل ينحط قدام السرير ، طقم كنب مكون من كنبة لـ 3 أشخاص مع كنبتين لشخص واحد مع طاولتين جانبيين ، وكبت كذا صغير ومجوف بيه رفوف زجاجية بنحط بيها شهاداته وصوره أيام المدرسة ، وأخيرًا التليفزيون )
وأتمنى إنكم تساعدوني في التوزيع ولكم مني أحلى دعوات
الغرفة مساحتها 6,6 في 4
والغرفة فيها مستوين
( يعني أول ما تدخلي الغرفة عندك ثلثها بمستوى عادي وهالمساحة للجلسة وبعدها ثلثين الغرفة العالية لطقم النوم وتوابعه !! )
أتمنى بس إنه تكون وضحت عندكم الفكرة
وألف ألف شكر لكم سلفًا وأتمنى إنكم ما تفشلوني
وآسفة على الإطالة
( تراني صورة صور الغرفة من الخريطة لكن الصور ما كانت واضحة لأن الخريطة قديمة وأنا صورتها بكاميرة موبايل وبعدين طلع حجمها كبير كثير وما أعرف كيف أصغره، لكن أتمنى من الشرح إنه تكون الفكرة وضحت )
وإن شاء الله إذا طلعت الغرفة حلوة راح أستأذن من أخوي وأنزل صورها لكم
بس إنتوا شدوا همتكم معي !!
شاركي في النقاش
سجلي الدخول لإضافة تعليق.
التعليقات
10- Up
مرحبا بنات أنا زعلااااااااااااااااااااااانة منكم مرة محد عبرني
عالعموم انا صغرت الخريطة وجبتها لكم
أدري إن الصور ما واضحة بس هذا أحسن شي طلع معاي
آسفة لأن الصور جاية على آخر اليسار وفيها مساحة بيضة فاضية بس ما عرفت كيف أتخلص منها
( لو تلاحظوا هنا أنا حاولت أوزع الأثاث بالقلم الرصاص بس حسيته ما مرتب !! )
وهذي الصورة الثانية من غير خربشاتي ههههه
أتمنى بس تكونوا أخذتوا فكرة عن طريقة تقسيم الغرفة
ولا تواخذونا عالإزعاج !!
Up- الصور مابينت معي
- أهلين أختي دموع بلا خضوع
بالأول ما قصرتي يعل عمرك طويل لأنك رديتي علي
وأختي علشان تشوفين الصورة لازم تخلين الصفحة بآآآخر اليسار
لأن الصورة بيها مساحة بيضة ضخمة هههه
فإذا وديتي الصفحة لليسار راح تلاقين الصورتين
وألف شكر على تواصلك
وبانتظار ردك بنت العيلة Up
مواضيع مشابهة
تابعي تجارب أخرى من هذا القسم.