شباصتي شباصتي ما أجمل شباصتي وخشمهم بيب بيب >>>>>>>>متأثره بالمجد
كيفكم يا حلوات يا أمامير وش الأخبار
المهم نخش بالموضوع اليوم جايه ابغى كل وحده تدخل تقول متى تزوجت يعني كم عمرها يوم تعرس ؟
وسؤال ثاني هل ندمت انك تزوجت بهالعمر يعني حسيتي انك صغيره او كبيره ؟
انا بأبدا
كم عمري يوم اعرس؟
عمري يوم اتزوج كان 24.5 <<<<<<<(صيرو دقيقين زيي لو سمحتوا)
وسؤال ثاني هل ندمت انك تزوجت بهالعمر يعني حسيتي انك صغيره او كبيره ؟
ابدا ماندمت الحمد لله بالعكس احس هذا السن مناسب مره (بالنسبه لي طبعا )هيصت لين قلت بس طلعت ودخلت ورحت وجيت لا مسؤوليه ولا هم ويوم تزوجت كنت مستعده تمام الحمدلله نفسيا وجسديا للزواج والمسؤوليه وكنت حاطه في بالي ان الزواج مو افراح وليالي ملاح وسفرات وتمشيات واكل في المطاعم وحركات حلوه لاااا كنت عارفه اني راح اتحمل زوج وعيال وحمل وولاده وترررررربيه وهاذي قاطعه قلبي صراحه في هازمن اللي كله فتن الله يهدي عيالنا ييييييييييارب
عاد اللحين قصيت عليكم قصت حياتي ابي كل وحده تدخل تكتب مو تهز طولها وتطلع
لا صدق اتمنى انكم تشاركون في موضوعي المتواضع
شاركي في النقاش
سجلي الدخول لإضافة تعليق.
التعليقات
40- اهلين يا حلوة انا تزوجت وعمري 17سنه يعني مرة صغيرة بالنسبه اني ندمت اي والله اني ندمت في السابق لاني تحملت مسؤوليه اكبر مني بكثير لا وبعد سكنت عند حموله يعني مسؤوليه اكبربس الحين ما ني نادمه لاني حصلت على اشياء كثيرة علمتني وفادتني والحياة تجارب كثر ما تمرعليك كثر ما تتعلم
- عمري كان 19
نعم ندمت حيل لأني ما خلصت دراسة وتحملت المسؤولية بدري
بس الحمد الله تخرجت وجبت ولد أموراللهم لك الحمد - اهلين اختي lo4lo4 صادقه احس صغيره يوم تزوجتي بس اهم شي تكونين مبسوطه والله يعين على الدنيا
مشكوره على المشاركه الحلوه - كان عمري 25 ونص أو أقرب لل26 وكنت حاصلة على الماجستير وبشتغل لي سنتين.
ندمت ؟؟؟؟؟؟؟؟؟؟؟
ما اقدر أندم لكن كنت اتمنى اتزوج وانا اصغر يعني بعد التخرج مباشرة احلى أتوقع لكن ماصار نصيب او ماكنت كتير أفكر بالزواج اثناء الدراسة ولما شفت صديقاتي أولادهم صاروا بالصف الخامس والسادس وابني توه يدخل المدرسة حسيت لو تزوجت بدري احسن .
لكن لو تزوجت قبل لا اشتغل كان كنت هبلة لأن الشغل والحياة العملية صقلتني وسمعت مشاكل الموظفات وتعلمت واخذت العظة والعبرة . - اهلين ازين ابنات الله يخليلك ولدك والدراسه تقدرين تكملينها الحين
مشكوره على المشاركه الحلوه
مواضيع مشابهة
تابعي تجارب أخرى من هذا القسم.