ماما ان شاء الله ربنا يعوضك خير
نيفو محتاجه اتكلم معاكى بس انتى مش موجودة
انا انهارده رحت اتابع تبويض واخترت دكتورة فى المستشفى مصرية وطيبه جدا وعلى
خلق ودين وانا برتاحاحلها لانى بحس انها فاهمه وهى عملت سونار ولقت 5 بويضات
طبعا قالتلى ده فرط تنشيط لان اكبر بويضة حجمها 25 واصغر بويضة 15 قالتلى ان ده
خطر عليا وانا مش هتقدر تقولى اخد ابرة تفجيرية لانها تخاف بس ركزت قوى كده
فجأة فى السونار وبعدين بعتتت لزميلتها فى المستشفى تاخد رأيها فى حاجه وكل ده وانا
عالسونار تحت ايديها ولاحظت انهم بيتناقشو فى حاجه ايه بقى؟
الدكتورة لقت حاجه شكت انها ورم ليفى فقبل ماتاخد القرار ده بعتت لزميلتها تشوفنى
هى كمان عالسونار من غير ماتقولها هى شكة فى ايه زميلتها قالت من نفسها ده شكله
ورم ليفى فالدكتورة ورتنى عالسونار وقالتلى شايفه حاجه زى كورة صغنونة كده
موجودة فى مكانين فى الرحم قريبين من بعض قالتلى ده احتمال كبير يكون ورم ليفى
قلتلها انا كده كده هنزل اعمل منظار قالتلى انصحك بالمنظار وكمان قالتلى نصيحه منها
كأخت انى بعد المنظار مايطلع الورم ده ونعرف هوا ايه انى اعمل اطفال انابيب
انتو رأيكم ايه فى الكلام ده ؟ انا رجعت تهت تانى
المهم بعت سألت الدكتور عادل عالبويضات وقلتله موضوع البويضات وان الدكتورة
قالتلى ماخدش ابرة تفجيرية قالى خدى ابر التفجير والدوفستون
انا فعلا دلوقت اديت لنفسى حقنتين كوريمون وانا اساسا مبعرفش ادى حقن بس الحمد
لله ربنا وفقنى ونفعت المهم دلوقت موضوع الورم الليفى ده بيبقى ازاى انا معنديش
عنه اى فكرة وانتو رأيكم ايه فى كلام الدكتورة انى بعد المنظار اعمل اطفال انابيب ؟
بجد محتارة
تجمع الموقنات برحمة الله ( خبرات متبادلة حول مراكز تأخر الحمل في مصر ) ج 12
متابعة النقاش، صفحة 178