شاركي في النقاش

سجلي الدخول لإضافة تعليق.

التعليقات

1,528
  1. صاحبة الموضوع
    شيمو يا حبيبتى بلاش تكربسى الدنيا فوق دماغك ... يعنى فكرى الاول فى الخطوة الجاية اللى هى المنظار وبناء على رأى دكتور عادل بعد المنظار ان شاء الله نبقى نحدد الخطوة الجاية ايه ... وان شاء الله متحتاجيش لاحقن مجهرى ولا حاجة ... ومين عارف يمكن الورم الليفى ده يكون هو السبب اللى مانع الحمل وبعد ما يتشال تحملى ان شاء الله فى اول تنشيط ... ربنا معاكى يا حبيبتى
  2. @ashtkt_alyk

    السلام عليكم ورحمة الله وبركاته

    ماما....
    قدر الله وما شاء فعل......يا رب يعوض عليكى بالخير يا قلبى...
    ومش عايزاكى تفقدي الامل....لا خليكى دايما شعلة أمل زي مانتى واكيد آخرة تعبك ده هيكون كل خير....
    وفعلا كلام اوكسى منطقى تماما...عيدي المحاولة وبأمر الله القادم أفضل.......

    ريمو....
    وحشتينى كتير يا قلبى...وللاسف مكنتش مالكة اكلمك...يا ريت تطمنينا عليكى وعلى أنوسى....يا رب تكونوا بخير ...

    ميزو..
    أنتى كمان غطستى يا ميزو...يلا تعالى طمنينا على حمودي
  3. @ashtkt_alyk

    أودي...
    زعلان منك خالص خالص.....وحاسة فعلا انك معانا ومش معانا.....عموما مسيري أقفشك فى يوم وساعتها مش هتعرفى تفلفصى....يارب يا حبيبتى يفرح قلبك ويطمنا عليكى...

    أوكسى....
    ولا يهمك يا أوكستى...بوظى براحتك.....وبعدين هو انتى يعنى كنتى بتاخديه بيتكم ولا بتطبخى عليه.......ولا يهمك....ومتخافيش وراكى ردالة ....

    هدي...
    الحمد لله انك اطمنتى ويا ريت تفرحينا شفتى نبض البيبى ولا لسه؟.....
    وبالنسبة لينا فاحنا الحمد لله بخير يا قلبى....ولو ان انوس غضبان على المدرسة اليومين دول بدون أسباب وشغال زن وسؤال على الاجازة لما خلانى انا نفسى بادعى انها تيجى باسرع وقت
  4. @ashtkt_alyk

    ممس...
    واحشنى والله الكلام معاكى يا قمر.....ومتشكرين يا جميل على كلامك اللى زي السكر...ده من بعض ما عندكم....

    نوفى....
    غطسانة فين يا نجفة قلبى...

    دانة...
    فينك يا حبيبتى....سألت عليكى كذا مرة وانتى مش باينة...طمنينا عليكى

    وداع...
    طمنينا يا حبيبتى ...السحابة السودا انقشعت ولا لسه؟.....
  5. @ashtkt_alyk

    شيمو...
    هو انتى يا حبيبتى كنتى واخدة كام حقنة؟....اوعى تكونى زودتى العدد من نفسك...
    عموما مفيش قلق من عدد البويضات بأمر الله....و ندعى ربنا يبارك فيهم ويرزقك منهم الذرية الصالحة.....بس اهم شئ انك تركزي مع جوزك الكام يوم الجايين بامر الله....

    .أما بالنسبة للورم الليفى فمتخافيش يا شيمو...ده موجود عند معظم الستات...وانا عن نفسى عندي واحد....بصى...لو كان بره تجويف الرحم يبقى اعملى نفسك مش شايفاه....ولو لاقدر الله كان جوه يبقى برده ميخوفش ومتهيالى بيتشال بالمنظار وبكل سهولة بامر الله.

    واجلى التفكير فى اقتراح الدكتورة بتاع اطفال الانابيب لحد ما نشوف نتيجة التنشيط الشهر ده وكمان لحد ما تعملى المنظار....وبامر الله متحتاجيهاش خالص....وحتى فى اسوا الفروض....ديه مفهاش مشكلة يا شيمو لانها وسيلة مساعدة زيها زي التنشيط وغيره...كل الفرق انها اغلى شوية....وربنا يا حبيبتى يرزقكومتحتاجيهاش

تابعي تجارب أخرى من هذا القسم.