تجمع للمصابات بمرض الذئبه الحمراء

الذئبة مو جلدية بس هي مراجعتها عند اطباء الروماتيزم (الباطنية)

كيفكم بناااااااااات واخير رجعت للمنتدى الحمد الله

طمنوني عليكم

مبروووووووووووك حنين ع التدريس وعقباااااااااااااالنه

الله يشفيكم و يعافيكم اخواتي و جميع مرضى المسلمين يا رب..

خواتي انا خالتي مصابه بالمرض و صار لها 6 شهور تقريبا نفسيتها مره تعبانه يا بنات مو متخيله انها كانت تمشي و تتحرك و جسمها حلو و فجأه كل شي تخربط عندها.. و على بالها اخر العالم و ان حالتها تنزل بمعنى انها حاطه ببالها انها بمرحله توديع زي السرطان يكفينا الشر.

ما تتخيلون فرحتي بتجمعكم و جلست اقرا لها تجاربكم و قصصكم و حسيت انها تحسنت نفسيتها يوم حست ان فيه كثير مصابات و يمارسون حياتهم الطبيعيه و حزنت على المصابات الصغيرات بالسن و تدعي لكم و لها ..

جلست اقولها ان مهمتك هي السيطره على المرض و ان شاء الله يخمل و تصيرين طبيعيه فيه ناس سنه و ثنين و ثلاث ما جاهم و احسها ارتاحت و لا اول يا بنات كانت تحس انها مودعه و انها في مرحله عد تنازلي مع الموت..

حابه اشرح لكم شوي عن بعض المشاكل اللي عندها ارجو ان صدركم يتسع لها و حابه اسمع رايكم يا جعل الشفاء من نصيبكم و الجنه مثواكم:

طلع عندها مشاكل في بداية المرض لانه مأثر على الكلى و للحين مو راضيه تخف السوايل و نسبة المرض مرتفعه رغم العلاج. الدكتور قالها غريبه ما استجبتي بالعلاج المفروض 3 شهور و يستجيب جسمك و تنزل بس اللي صاير معك انها ترتفع..

الادويه دمرت لها معدتها ترجيع و انتو بكرامه و ألم .. تركت الادويه من شهر من كثر اللي جاها منها و احسها زي اللي قالت خلاص انا ما فيني و اللي يصير يصير..

دكتورها علي اللهيبي في التخصصي الطبي و لما قالت له عن الابره قبل فتره ما نصحها فيها و قال ما تصلح لحالتك و بعدين بعد كم موعد حولها الحين الى دكتور السويدان و هو اللي استغرب انها مو جالسه تستجيب و قالها خلاص لازم تاخذين الابره و طلب منها تشتريها اسمها cyclophosphamide

الغريب انه بس اطلع على تقرير الدكتور اللهيبي و فحوصاتها السابقه و هي قلقانه لان اللهيبي من اول ما نصحها فيها لحالتها و هذا قررها لها ..

و برضو الابره قلبنا الدنيا ندور عليها ما لقيناها بالمستشفيات الخاصه شكلها توجد بالحكوميه الكبيره زي الحرس و التخصصي و الملك فهد اللي عندها فكره يا ليت تفيدنا الله يجزاها خير..

حابه اعرف عن الابره اذا احد جربها كيف بتكون و كم مدتها و اهم شي اعراضها؟

و برضو جالسه افكر اوديها تسوي مساج قريت بمواقع اجنبيه انه مفيد بس يجب تجنب المناطق المنتفخه و الملتهبه.. فهل وحده منكم جربت مساج و هل حست بألم بعده او ارتاحت و غير لها نفسيتها..

يا ليت اسمع منكم تعليقات على حالتها و نصايح و تجاوبوني على تساؤلاتي..

يا رب يشفيكم و يلبسكم لباس العافيه عاجلاً غير آجل قادر يا كريم..

السلااام عليكم...

انا من طبعي مااخذ حاجه مو مقتنعه فيهاا

وعلااااج الذئبه ماني مقتنعه فيه

لاكن انتي خذيتي العلاج

لازم تستمرين عليه..

نصيحه : ماء زمزم لما شرب له

بنيه الشفا من هذا المرض .....

اخواتي انا عندي ارتفاع في كريات الدم البيضاء ايش يعني طمنوني الله يشفيكم