السلام عليكم ورحمة الله وبركاته
انا ياطويلات العمر احب الهديا واحب اعطى كثير لخواتى وصديقاتى وحمولتى واكثر شىء زوجى
بعكس زوجى اللى ما يعرف يهدى ابدا وخاصة انا
حتى بولاداتى يقولى روحى اختارى ونشريها سوا
يقول انا ما اعرف اروح للسوق بلحالى
مع انى المح له واصرح له كذا مرة انى احب انك تهدى وتفاجئنى بس ما فى فايدة
يقول ما حب ادخل المولات
وريته عطر كلمات اللى توه نازلعند العربية للعود واقوله ودى احد يفاجئنى ويجيبلى اياه هدية ؟؟بس ماش ما حولى احد
تنزل اعلانات ساعات واقول الله تجنن حلوة بس عمك اصمخ
ادرى كثرت بربربه بس ودى احطكم بالصورة
شوفوا الحين الموقف اللى صار امس واحكموا وانا راضية بالى تحكمون فيه
امس الخميس طلع العصر متواعد ويا مقاول المهم ما رجع الا قريب العشاء
وثاريه متقضى من كارفور ومعاه كيس وما ادرى وش فيه ما حطيت بالى
تونى واقفة ابى اصلى العشاء الا يفتح الكيس ويقول شوفى وش شريت من ميلانو ما ادرى هى جزمة او صندل وانتو
بكرامة
انا هنا قلت وبضحك بعد هذا اللى ما يعرف يشترى ؟؟؟
وهنا عصب ورجع الكيس مكانه بدون ما يورينى ويقول مب لازم تشوفين لانه حس انها حزت بنفسى
وهذه مب اول مرة قبلها بشهرين راح كارفور ولقى عطر عند محلات فافيوم اظن اسمه كذا وشراه لنفسه ما كلف خاطرة
يشترى لى اى شىء
مع انى ما قلت ولاشىء ساعتها بالعكس رحت المصباح ولقيت نفس العطر وشريت له ثانى لانه معجبه مرة
انا سكت ما رديت علية وصليت واخذت عيالى ورحنا مع السواق حياة مول وعشيتهم ولا رجعنا الا الساعة 12
دخلت لقيته بالصالة وسلمت ورد السلام وبس ولا سالنى انبسطتوا زى العادة
وبعدين رحت اغير لعيالى ولا كلمنى ولا كلمته الى اليوم الجمعة
وش رائكم الحين مسوى فيها زعلان ولا يتكلم وانا ماابى اروح واراضيه وانا ما اخطيت بحقة
واللى ترد الله يجزاها كل خير واللى تقرا بس تدعيلى ان الله يسخر لى زوحى ويحنن قلبه ويصلح لى نيتى وذريتى يا رب
شاركي في النقاش
سجلي الدخول لإضافة تعليق.
التعليقات
12- الله يهديك حليها من الاخر لا تكثرين هدايا على زوجك وتتوقعين منه العكس اولا كل واحد وشخصيته ثانيا مصروفات البيت عليه فلا تتوقعين يتساهل بالهدايا ثالثا والاهم لا تتركين سالفه صغيره تكبر انا ما اقولك زوحي راضيه لكن هو جايك مبسوط بيوريك الي شراه وانتي علطووول رميتي عليه كلمه كان صبرتي ورميتيها بظحكه بوقت ثاني!....لا تراضينه بس تعاملي معه بحنيه يعني نكتي ظحكي معه حارشيه على خفييف ... هو من نفسه بيرضى وقولي له وش دعوه علشان هالكلمه بنزعل من بعض...الله يوفقك
- الله يسخره لك يارب
- ياقلبي الله يعينك ويوفقك ويسر امرك ياقلبي انا من رائيي انك متصالحينه وخليه هوا الي يصالحك
انتي ماغلطتي
هوا الي مفروض يروح ويجيب لك هديه ويصالحك
بس انتي لا تكبرين الموضوع وتعاملي معه ع انو عادي الموضوع وانو انتي ما غلطتي
والله يوفقك يااااااااااااااارب ويسهل امررك بس لا زم تحسسينه بالغلط الي سواه - يا حبي لك
لآ تنتظرين منه هديه ما يعرفون يجيبون ولا عندهم حس المفاجات .....نادر الي يفأجا زوجته
ولا عاد تجيبين له هدايا خليه يشتري بروحه الي يبي واشتري لنفسك الي تشتهينه او عطيه هديه ولا تنتظرين يردها
انا مثلك قلتله مرة بمزحه فجأني بشي حلو ...قال ما اعرف تبين فلوس خذي الي تبين > > جافين الله يلينهم
بس ما اشوف انها تستاهل زعل هذا طبع فيه وما يتغير ....روحي كلميه ولآ ينوم زعلان على شيء ما يسوى
لويجيه شيء بسم الله عليه تحسفتي
والله يرطب قلوبهم لنا ....يآآآرب - ماني شايفه انه في شي يزعل
تعاملي عادي و لا كاني في شي
و لا تكثرين هدايا
مواضيع مشابهة
تابعي تجارب أخرى من هذا القسم.