شاركي في النقاش

سجلي الدخول لإضافة تعليق.

التعليقات

63

  1. @akhoan_alsfa

    لا تطلبين الطلاق
    اذا كان طيب ومو مقصر يهون
    قوليله بعطيك مهلة تتعالج لأن الحشيش يبيله علاج
    في مستشفى متخصص واذا وافق يعني فيه الخير
    ولاتقولين لأهلك عليه وتفضحينه
    استري عليه وأهم شئ اضغطي عليه يتعالج ويترك هالخرابيط
    وربي يهديه ويصلحه

  4. @alk_alhya

    صاحبة الموضوع

    المشاركة المقتبسة غير متاحة.

    ههههههههه
    انا ما دريت عنه الا بعد الزواج والا لو من الخطوبة كان الموضوع سهل

  5. @alk_alhya

    صاحبة الموضوع
    شوفوا يا حلوين قلت لكم انا سويت عين العقل

    ايام الخطوبة ما كان باين عليه شي ولا بعد الزواج

    كان انسان طبيعي جدا وحبوب وطيوب

    انا كشفته من اثار كان يتركها وراه وعرفت انه مدمن حشيش وخمر

    انا يوم تزوجته حبيته اكثر من الخطوبة وما حبيت اخسره فسويت عين العقل

    واجهته واعترف وووعدني يترك ، اظهرت له ثقتي ووقفت جنبه وما قلت لاحد ابدا ابدا

    وعاملته عادي بكل حب ودلال وهو مستمر على حاله بس احيانا يخفف

    وفي يوم ترك الخمر فترة يمكن شهر ورجع

    وعلى فكرة يوم كنت اشم ريحة الخمر هو ما كان يشربها في البيت كان يجي ريحته عنب فاسد مخمج بس ما كان يترنح كان يمشي عادي واحيانا يمر ياخذني من بيت اهلي ويسوق السيارة عادي مو زي اللي في المسلسلات نشوفهم

    وانا كنت صابرة عليه لانه طيب وكنت امشي كثير واتنازل في الامور الاسرية العادية يعني مشاكل بسيطة مثل الخروج ، السوق ، زيارة الناس ........ ما دققت

    المهم وكنت احاول معاه يترك ويوعدني وانا احتويته بحناني ودلالي وحبني اكثر من قبل باعترافه

    وكل تصرفاته تدل على حبه لي

    وكنت استخدم مانع حمل طبيعي وهو ما يدري بس الله اراد وحملت بعد سنة وهو ما ترك الشي هذا

    يوم حملت توحمت عليه وعالبيت

    اخذني لبيت اهلي برضاه وبعد كم يوم قال انت ما عاد تحبيني وانت تركتيني ورحت لاهلك خليهم ينفعوك

    فهمته انه الوحم مو بيدي واني احبه بس ما اقدر اجلس معاه لان على طول استفرغ وهو داري وشايف

    المهم قال باطلقك وجاب ملابسي وقال انا ما احبك واعطاني موشح

    ثلاث ايام وجاء مع ابوه يصلحوا الموضوع

    ابوه زاد الطين بله وقال ولدي مدلعك ويصرف عليك وما قصر عليك وانت ليش تروحي بيت اهلك وتتركيه وتقولي ماني جايتك

    قلت له مو انا اللي رحت هو جابني لاهلي غصب وما قلت ماني جايتك قلت اصبر علي كم يوم

    وانا يا بنات يوم كنت عند اهلي كنت اروح بيتي كل يومين اعطيه حقه الشرعي وانا مو طايقة ريحته

    وطول ابوه لسانه وطلعني انا الغلطانة وقال عمره ما اذاك في شي

    قلت انت مو عايش معانا ولا تدري عننا ولدك ما يستاهلني لانه ما صبر علي في وحامي ومرضي وانا صابرة عليه في خمر وحشيش

    صار وجه ابوه اسود وانا من قهري قلت له
    يعني انت وابوك تظلموني واسكت
    قولت جيب ورقة طلاقي وخرجت

    وابوي تفاجا بالخبر لان اهلي ما كانوا دارين عني كنت ساترة عليه وعايشه معاه واحاول اغيره واصلحه بس هو مو من حقه يطلعني من بيتي ويتكلم علي عشان توحمت عليه

    كلكم عارفين ان الوحم مو بيدي

    وانا استخرت الله قبل الطلاق وربي اختار اللي فيه الخير

    وبس هذا هو عين العقل

    انك تستريه وتحاولي تغيريه

    لكن لو هو تمرد ورماك ما تقدري تعيشي معاه لاغصب ولا تقدري تكملي مسيرتك الاصلاحية

    وقدر الله وحملت وجبت احلى بنوتة الله يحميها ويهدي ابوها ويصلحه لنا

    الغلطة الوحيدة اللي ارتكبتها : يوم كنت على ذمته عمري ما دعيت له بالهداية مدري ليش !!!!!!!

تابعي تجارب أخرى من هذا القسم.