الطبيبه والممرضه والراقصه والشاب السعودي ( دعوة للنقاش)

السلام عليكم ورحمة الله وبركاته

كيفكم يا اخواتي ان شاء الله الجميع بخير

انا اليوم حبيت نسولف في موضوع انا اشوف انه مهم وما ادري اذا كان مكرر او لااا...

العزوف عن الزواج من الطبيبات والممرضات تتوقعون وش سببه ؟؟؟

ليش الناس تنظر لعملهم نظره سلبية؟؟

ليش الناس ماتشوف الإيجابي من عملهم؟؟؟

معقول الناس صاروا مايفرقون لهدرجه بين الاختلاط لسبب العمل والاختلاط لمجرد الاختلاط؟؟؟

الشباب يقولون مانبيهم علشان عملهم فيه اختلاط.... طيب اذا كانت البنت ملتزمه بحجابها وش المشكله اذا تخاطبت مع الدكاتره او المرضى في حدود العمل ... بما معنى الايه الكريمه وخاطبوهن من وراء حجاب
مع العلم ان بعض الحريم تشتغل مو مختلط وتكلم هذا وذاك وتروح الاسواق كل شوي وتختلط بدون سبب وعادي عند الناس مايشوفون هذا عيب؟؟؟

نرجع للجانب الإيجابي من عملهم هو انه استرلنا كحريم تكشف علي طبيبه والا ممرضه بدل مايكون رجال يكشف .... وانتي تاخذين راحتك مع بنت جنسك اكثر...


المهم ليه اذا خطب واحد وحده وقالوا له اهلها البنت ممرضه والاطبيبه كنهم قايلن له البنت تشتغل رقاصه يهج وما عاد يشوفونه طبعا كل شي نصيب بس هذا اللي اشوفه حولي بالمجتمع

مع ان في اشاعه تقول ان الشاب السعوووودي صااار اوبن مايند ( متفتح) <<<< شاكه بالمعلومه


وانتوا يابنات وش رايكم؟؟؟؟

50 تعليق 4,056 مشاهدة

شاركي في النقاش

سجلي الدخول لإضافة تعليق.

التعليقات

45
  1. @am_lana_3

    برأيي لان البعض من النسـاء اسائت للمهنـه فـ الكثير مما رأيت في المستشفيات والمستوصفات

    امر الحجاب الشرعي وطريقة تعاملها مع الجنس الآخر يرثى لها اثارت غيرتي منهـا وعليها ..

    ومع ذلك يوجـد الكثير منهم ماشاء الله عليهم احترام من جميـع النوااحي ..

    مهنـة الطب والتمريض من أسمى المهن لو وفقت المرأه بينها وبين الدين .

    وأرى ان من يرتبط بـ طبيبة او ممرضه لن يزداد إلا رفعه ..

    وعلى فكره كثير ما سمعت ورأيت أغلب رفض الرجال لأنها لن توفق بين البيت والعمل ..

    تقبلي مروري ..
  2. @aaboshh

    لان الشاب السعودي يغار على حرمتة مايبيها كل يوم تكلم الرجال وهو يبي يكلم كل حريم الدنيا
  3. @wasn_1

    بالعكس انا كنت ادرس بكلية التمريض واغلب البنات اللي معانا يامتزوجات او مخطوبات يعني الحمدالله الشباب السعودي صارو متفتحين وفاهمين
  4. المشاركة المقتبسة غير متاحة.

    تسلم يدك فعلا الآن الطبيبات والممرضااات مرغوبات كثييييير وبالذات السنتين الأخيرة ....
    انتي أكيد لاحظتي شريحة معينة وليست الأغلبية...
  5. @ordh_bdon_lon

    والله من اللي يشوفه الواحد من تصرفاتهم والله زوجي مريض ومتنوم في المستشفى وذاك الوقت كان اخوه خاطب وحده ممرضه وزوجي يقول عادي انه يتزوجها هذي زيها زي اي وظيفه ثانيه ويقول ياليتك حتى انتي ممرضه المهم تكملة القصه انه كان متنوم يقول والله انا مانقدر ننام من سواليفهم مع الشباب والممرضين والدكاتره كأنها تكلم اخوها ولا زوجها والضحك والصوت العالي حدث ولا حرج المهم يقول لحد الان عادي يقول في الليل وكل المرضى نايمين وهو نايم بعد يقول ماصحيت الا على صوت وحده تمسح على راسه وتقوله سلامتك تبغى شي بطريقه مكشوفه المهم يقول ابعدت يدها وهاوشتها وطلعت برا الغرفه طبعا هي ممرضه سعوديه ومن بعدها اخذ موقف من مهنة التمريض ونصح اخوه يترك البنت اللي كان خاطبها0 طبعا انا مااعمم فعلا فيه قله محترمات ومحتشمات بس للاسف الاكثريه الله يصلحهم بس

تابعي تجارب أخرى من هذا القسم.