اخواتي الغاليات تحملوا فضفضتي لأني احس اني اذا سكت سأنفجر من القهر اقرأو معاناتي وشاركوني بدعوه او نصيحه هذا موضوع كتبته بااحد المنتديات لما فاض بي من القهر والظلم اقرأوه ولو انه طويل بطول سنين مضت وشاركوني بأرائكم
ياناس ياعالم احنا عايشين ببلدنا والى بغابه او بغونتاناموا 00 قسما بالله اللي يحفظ لي عيالي اني كنت دائما اوقف للكل واحد ممكن يقول كلمه عن بلدنا او انه محروم من اي شي فيها او من اي خير ويمكن حتى توصل اني اتضارب معاه دفاعا حتى لايمسه بكلمه بس الحين لا ماراح اقولكم اني بقول شي على وطني لاني بخاف ايه فعلا اخاف انا امراءه وعندي عيال واخاف على نفسي وعليهم لانه بصراحه كافي الي صاير فينا كفايه جوع كفايه احراج من الديانه اللي واقفين لزوجي في كل مكان كفايه خوف من مستقبل عيالي كفايه هم كفايه ضيقة حال كفايه وكفايه وكفايه ياناس والله حرام هذي بلادي وهذا خيرها واحنا هذا حالنا ياناس زوجي من كم سنه يدور عمل وانا ادور معاه ياناس مانبغى الغنى ولانبغى ملايين نبغى بس عيشه كويسه لنا ومستقبل لعيالنا وراحة باااااال ياخلق الله زوجي له 12 سنه موظف باحدى فروع الغرفة التجاريه واقسم لكم بالله راتبه ماوصل 4 الاف وقسم بالله قرب يجيه حاله نفسيه من مديره وتحكمه فيه هالفرع فيه تقريبا 10 موظفين ومديرهم راتبه فوق العشرين الف انا ماابغى عشرين ابغى شي يعشنا عيشه كريمه ابغى شي يكفي الايجار وقسط السياره ومصروفنا وبالاخير طفش زوجي الي استقال والحين قاعدين كذا حسبي ربي ونعم الوكيل من سنين واحنا ندور وظيف نقول عسى ربي يفكه من هالعمل لكن ربي لسا مااراد والحين كثفنا البحث لانا جلسنا على الحصير بعد مااستقال حاولن عن طريق كل من نعرف ان به ذرة خير يسعى له في وظيفه لاااااااااحد يقولي هو يدور بنفسه دور ودور ودور مااقول لكم يطردونه او مايعطونه وجه لا عيالنا محترمين يرحبون فيه ويسهلون ويقول اترك ملفك وقريب في وظايف ورددو معي (ياااااااااااااااااااااااليل ماطولك وياهم ماكبرك ) وكمان مارا ح اقولكم من توسطنا به مانفعون لاااا ماقصروا لكن كل ماراح لوظيفه رشحوها له قالو لهعلى بند براتب لايتعدى 3 الاف ياااااااااااااااااااااااااناس قسم بالله حرام ووووووووين وديتو خبرة ال 12 سنه قلنا يله نجرب شركات التوظيف قسم بالله دورت انا بنفسي فلوس واستلفت لزوجي واعطينا صاحب مكتب التوظيف 2000 ريال وجلسنا ماادري كم لين قدرنا نرجع هالمبلغ وماتدرون كيف صاحب هالمكتب عسسسسسسسسسسسسل وكلامه شهد حط لنا الشمس بيد والقمر بيد وقال لزوجي ماعنك وعن ارامكو وبراتب لايقل عن عشرة الاف قسم بالله حتى عيالي قامو يرقصون من الفرح ومابقى احد مافرحناه من اهلنا وجماعتنا وبدينا نخطط لمستقبلنا ومستقبل عيالنا اه اه اه ( مايحس بنار الا وطيها) ليش حررررررررام يعني يكون زوجي موظف بارامكواقولوا لي بس حرام نفرح وعيالنا يفرحون ماعلينا تعودنا وكل مانتصل على العسل اقصد صاحب مكتب التوظيف يقول ايه خلاص قربت ايه خلاص اخذت لك توصيه من الامير خالد بن سلطان وامورك تمام ايه وايه وايه والايام تمشي واعمارنا تعدي وبالاخير قطنا على حجر اه اه اي حجر الاعلى جبببببببببال واحجار واولادي يسالون متى بيروح بابا ارامكو ويصير عندنا بيت جديد وغرفه جديده ماعرفوا انا مو من اهل ارامكو او يمكن انا مو من هل هالبلد اللي فعلا خيرها لغيرنا 00 واحنا لنا الله وحده رب كل شيء ومليكه 00 اعذروني هذ بس فضفضه وغيض من فيض000 بس قولو لي انا غلطانه في شي وادعوا لنا00
وهذا كان رد لي على من وضع اللوم على زوجي لانه ترك عمله
اولا جزا الله خير كل من رد على الموضوع بنصيحه او بدعوه واسال الله ان يوقع اي مسلم في كربه والاخوه الللي قالوا انه غلط زوجي انه ترك العمل اريد منكم ان تضعوا انفسكم بمكانه والواحد فيكم يعمل بكل جهد مدة 12 عامامضت من عمره وعمري وعمر اطفالناويرضى بها الراتب 12 سنه 3800 ريال اتحدى اي موظف مبتدىء ان يرضى بها مابالكم بموظف له 12 عام ومؤهله ثانوي ولديه شهادات في الحاسب الالي لغه انجليزيه وشهادات في يرامج الحاسب كالفجول بيسك والفوتوشب وغيرها اسالكم بالله من يرضى منكم لنفسه فليرضاها لنا ومديره حسبي الله عليه فاكر الغرفه,ملك ابوه ومارضي حتى يعطيه اجازه بدون راتب ليبحث عن فرصة عمل اخرى فعلا البلد فيهاظلم كبير جدا على الطبقه الفقيره انا ماقول ان الظلم من القياده او الملك او ولي العهد لا الظلم من الرعاع اللي مسكوا المسؤليه والسلطه وظنوا انهم امتلكوا البلدوالشعب من امثال مدير زوجي السابق حسبنا الله عليه ياناس انتم تعرفون انا كنامقدمين على منحه من عام 1419 في المحافظه اللي كان زوجي يشتغل فيها والحين احنا في مكه لملازمة زوجي لوالدته المريضه واكتشفنا انه الى يومنا هذا المنح متوقفه من عام 1405 ه انتظروا باقي ماشفتوا شي العام الماضي تاتي لااحد امناء منطقه من اكبرمناطق المملكه منح ساميه في هالمحافظه من اكبر فردفي عائلته لاصغر رضيع فيها(وعائلة هاالرجل من اغنى العوائل في منطقته ) وانا ابصملك بالعشره ان هالامين السابق لايعرف اين تقع هذه المحافظه ولا من وين طريقها واعرف ناس قسم بالله من 30 سنه مقدمين على منح فلااحد يقنعني انه مافي ظلم من هالمسؤلين اللي هم سبب في هالكوارث قال تعالى(اذا اردناان نهلك قرية امرنا مترفيها ففسقوا فيها فحق عليها القول فدمرناها تدميرا) الله تعالى قال مترفيها ماقال الضعوف امثالنا لان امثالنا مو فاضين مشغولين بالجد والكد لتوفير لقمة العيش000 ياناس مانبي اموال وكنوز نبي وظيفه زينه تضمن لنا ولعيالنا العيش الكريم وبإذن الله اني اقف امام ربي واحاج واسأل كل من تسبب في ظلمنا في يوم لاينفع فيه مال ولا بنون
بحث زوجي وبحثت معه عن وظيفه تقدر خبرنه هالسنين وبحثنا عن تحسين وضعنا لكن دون فائده نصحوني اخو هاني احاول اوصل لااحد الامراء مثل المير سلطان والامير عبدالعزيز بن فهد عن طريق احد المعقبين اللي يوصلوا لهم المعامله ويعقبوا عليها لكن من وين لنا بااجرهم فكرت بالبرقيه بس قالوا ماراح احد يهتم فيها ةنصحوني بالشيخ سعد البريك قلت الحمدلله الشيخ سعد من اهل الثقه والخير ارسلت له على الايميل وعلى الجوال وهذا نص الرساله
فضيلة الشيخ سعد البريك كم اتمنى من الله ان يتسع صدرك لقراءة السطور التاليه واعلم والله انها طويله وان اخذت من وقتك ربع او نصف ساعه فهي بالنسبه لنا عمرررررررررررر طويل فضيلة الشيخ حاولت ان اوصل معاناتنا هذه لسمو الامير عبدالعزيز بن فهد فكرت طويلا وطلبت من الله ان يسددني وخلصت الى ان ارسل برقيه لسموه ولكن خفت ان لاتصل اليه فهناك من المسؤلين من لايخاف الله وقد يرمي بها في اقرب سلة مهملات وعرفت انك ممكن توصلها للسموه واستبشرت خيرا بإذن الله لاني لن اجد افضل ممن يخاف الله من امثالك ياشيخ ياشيخ هذا الموضوع كتبته في منتدى بعد والله ماضاقت الدنيا فيني يختصر كل اللي بغيت اقوله لك ياشيخ والله مانبي الغنى نبي الستر ياشيخ ماعاد ننام الليل من الهم الا بحبوب الديانه اكلوا وجيهنا ياشيخ جلست شهرين عشان اقدر اشتري (حذاء) وانت بكرامه وامس لاعب طالع بالتلفزيون يقول باع حذاءه ب سبع مية الف حسبي الله ياشيخ قدمنا على منحة ارض نبي نبني عليها لنا ولعيالنا بيت في المحافظه اللي كان زوجي موظف فيها من 12 سنه وانتقلنا منها لمكه المكرمه حتى يقرب زوجي من والديه وباقي ماجات هالأرض والحين زوجي ترك عمله فيها واحنا في مكه ولو جاتنا ياشيخ كم يبي لنا عشان نطلع قرض الصندوق لعقاري ونبنيها كمان 12 سنه حسبي الله ونعم الوكيل ياشيخ ام زوجي عندها جلطه بالراس وجلطه بالقلب وسكر وضغط ولفظتها 3 مستشفيات بحجة ان مرضها مطول وهيه الان بالبيت بدون حراك تحتاج من يقلبها ويجنبها وتتغذى عن طريق الانبوب وتحتاج الى ممرضه تظل معها طول الوقت ويعلم الله انه ليس لنا المقدره لاحضارها لها والغذاء اللي تاخه عن طريق الانبوب قيمة الكرتون منه 200 ريال وتحتاج منه كرتون كل 3 او 4 ايام ياشيخ زوجي الان بلاعمل بعد خبرة 12 عام وكل مادور عمل قالوا له 3 او 4 الاف وتناسوا كل هالخبره اللي انقضت من عمري وعمره وعمر اطفالنا ياشيخ زوجي تمنعه عزة نفسه من الحديث عن احوالنا اما انا ياشيخ فصبرت سنين وماعاد اقدر اصبر اكثر ياشيخ مانبي كنوز نبي وظيفه زينه لزوجي واحد يعينا في سداد ديونا وبيت اوارض نبني عليها منزل يأوينا احنا واهل زوجي وممرضه لعمتي ياشيخ احنا بفضل الله وحده ناس مستورين لكن الدنيا جارت علينا دخيلك تكفى وانا اختك ياشيخ سعد ان استطعت ان توصل معاناتنا مثل مارسلتها لك فلا تقصرياشيخ كان الله في عون العبد مادام العبد في عون اخيه اسال الله ان يفرج كربنا وكرب كل مكروب ويسخر لنا من يعيننا ويجعلها في موازين اعمالك ويفرج عليك بها كرب يوم القيامه
ولم يااتي الرد وتااكدت ان مصير رسالتي ومعها معاناتنا سلة المهملات ولكن املنا بالله وحده رب كل شيء ومليكه من هوه ارحم بنا من امهاتنا يفرج علينا وعلى كل مكروب00 :44::44::44:
شاركي في النقاش
سجلي الدخول لإضافة تعليق.
التعليقات
18- لاحول ولاقوة الابالله هناك اناس بخلوا حتى بالدعاء
- لاحول ولاقوة الابالله الله يفرج كربتك اختي
ولكن زوجك حاليا اذا لقى وظيفةحتى لو كانت بألفين يجب ان يقبل بها لانها افضل من جلوسه بدونهم الفين افضل من ولاشي
بعدين روحوا سكنوا عند اهله وتركوا الاجار لين الله يفرجها
وعليك اختي بالدعاء بدون كلل فالفرج يأتي حتى لو كان متأخر
الله يكون في عونكم - الله يفرجها من عنده
- الله يفرج همك ويرزقكم بالرزق الطيب ..
- الله يفرجها عليكم ويرزقكم من حيث لاتحتسبون وعليكم بالاستغفار والصدقة حتى لو بأقل القليل والتوجه للواحد الحد سبحانه الذي لايخيب من دعاه
مواضيع مشابهة
تابعي تجارب أخرى من هذا القسم.