اللي ولدت في لندن تدخل

السلام عليكم

بنات حابة أسئلكم عن الولادة في لندن يعني إش سويتوا ولدتوا في البيت والا في المستشفى وشلون العناية في المستشفيات وإش أفضل مكان مجرب تنصحوني فيه
أنا مسجلة مع NHS وصرت أراجع في مستشفى حكومي بس قبل لا أسجل كنت أروح لعيادة في هارلي ستريت وهيه تابعة لمستشفى أهلي في نفس المنطقة بس مشكلتهم غاليين فمحتارة فين أولد في المستشفى الحكومي والا الأهلي
تعتقدوا في فرق كبير من ناحية العناية ؟والله مرررررره خايفة وشايلة هم لأن هذا أول حمل لي وماراح يكون عندي أحد يساعدني بعد الولادة وللأسف ماراح أقدر أسافر عند أهلي لظروف خارجه عن إرادتي :(
إيييييي :30: بنات إذا تعرفوا أحد في لندن يسوي مرقوق وهريس ومن هالسوالف أو إذا فيه مطاعم سعودية ياليـــــــــــت تفيدوني << الأخت تتوحم :D

في إنتظار ردودكم ياللندنيات :27:

9 تعليق 14,063 مشاهدة

شاركي في النقاش

سجلي الدخول لإضافة تعليق.

التعليقات

9
  1. العناية وحدة في المستشفيات...وال NHS خدماته ممتازة ورعايتهم كمان..وبعد الولادة يجوكي البيت يشوفوك ويشوفوا البيبي الى ان يكمل كم شهر..والمستشفى كويسة واطلبي غرفة لوحدك بس عادة هما يوفروا الغرف للي مسويين عملية قيصرية..وان شاء الله ما تحتاجيها..واولدي في المستشفى أحسن وأنظف ولو لا قدر الله صار شي في البيت ما راح يمديهم يسووا شي

    واذا على الغرفة المشتركة بعد الولادة كلها يوم ان شاء الله وتطلعي بيتك يعني لا تشيلي هم

    والأكل أ÷م شي الخضار والسوائل عشان الحليب..واشربي الأعشاب وربي يقومك بالسلامة
  2. @athkry_allh

    وعليكم السلام ورحمة الله وبركاته

    حياك الله اختي ماريبوسا والف مبروك عليك الحمل ربي ييسرلك هو00 ويكتبلك ساعه طيبه يارب :icon28:

    اختي انا فترة حملي اراجع في المستشفى الحكومي لين اخر الشهر الثامن واروح اكمل المراجعه والولاده في المستشفى الخاص
    وانا واغلب البنات الي اعرفهم نراجع في مستشفى البورتلند وهي خاصه وغاليه بس لو كنتي مبتعثه الملحقيه يدفعوا التكاليف
    يعني انا راجعت مرتين والولاده ويوم بعد الولاده كلفت 4500 باوند تقريبا
    واذا بتراجعي من بداية الحمل اظن يكلف 8000 باوند تقريبا

    بس لازم قبل تروحي المستشفى تاخذوا الموافقه من الملحقيه

    بالنسبه للمستشفيات الحكوميه كثير من الاخوات بيولدوا فيها وكل مستشفى بتختلف عن التانيه يعني لو انت مرتاحه في المستشفى الي تراجعي فيه ومعاملتهم كويسه خلاص كملي فيه الا اذا كنتي حابه المراجعه في الخاص


    وبالنسبه للاكل مالك غير الكروسون والجبن والبيتزا ههههههههههههه :D

    لا من جد للاسف ما قد سمعت عن مطعم يسوي اكلاتنا بس حاولي تسوي انتي الي تقدري عليه واضحكي على نفسك وقولي يا سلالالالالالالالام احلى من مرقوقي مافي :icon33:

    وبالنسبه لبعد الولاده ان شاء الله تكون ولادتك ميسر ه وباذن الله تعالى ربي يسخرلك الي يكون معاك

    والاكل حاولي تجهزي بعض الاشياء قبل الولاده وفيه موضوع اظن للاخت الهنديه
    اتكلموا فيه البنات عن الاشياء الي ممكن تعمليها فترة النفاس وبطرق سهله



    ان شاء الله اكون افدتك
  3. @marybosa

    صاحبة الموضوع
    مشكورة يا بشاير على ردك وهمه من جد يعتنوا وقبل كم يوم جاتني المدوايف للبيت
    بس المستشفى رحت لها مرة وحدة للتصوير ماعجبتني زحمة أشكال وألوان ماأدري يمكن علشان العيادات تحت الله يعين


    أذكري الله الله يحيك ويبارك فيك تسلمي على الدعوات الحلوة :)

    البورتلند هيه نفس المستشفى اللي كنت أراجع فيها وكنت أفكر أسوي نفس اللي سويتيه أراجع في الحكومي بعدين أكمل مع البورتلند
    علشان كذا كنت أسئل يعني لو العناية ماتفرق كثير بين الحكومي و الأهلي بولد في الحكومي بس لو العكس بحول للأهلي

    وبالنسبة للأكل شكلي بسوي مثل ماقلتي بس ترا أنا فنانة في الطبخ وخاصة المرقوق :35: بقول ياسلااام وعالمستشفى على طول الله يستر

    أذكري الله ياختي بتعبك معاي شوي ممكن تحطين لي رابط الأخت الهندية؟ و الولادة في البورتلند شلون
    وكنتي تجلسي في غرفة خاصة والا مشتركة؟ سمعت إنهم هنا مايسون لا شق ولا خياط صحيح والا لأ؟ :confused:
  4. @athkry_allh

    هلا اختي لا عادي
    بس الاقي الرابط احطه لك ان شاء الله

    وبالنسبه للمستشفي كنت في غرفه خاصه
    وهنا في كل المستشفيات سواء خاص او حكومي بيصبروا عليك ما يشقوق الا لو احتجتي
  5. @dowain

    هلا بماريبوسا ..الله يسهل عليكي و علي :D

    ما ولدت لين الحين بس انا سجلت في البورتلاند و هو اشهر مستشفى خاص للولادة في لندن..اظن ما في غيره. مثل ماقالوا البنات عناية NHS ممتازة و انا تابعت معاهم في بداية حملي بعدين حولت للخاص لاني كنت ابي اظمن غرفه خاصة و عرفت ان الملحقية تتكفل بالعلاج. و اعرف كثير ولدوا فيه و يمدحوه. و مثل ما قالت اذكري الله هنا يصبروا على الوالد ما يشقوا الا اذا لزم الامر مو مثل الي عندنا.

    انصحك تستفيدي من كل ما توفره ال NHS في دروس تقدمه الميدوافيز عن الولادة و الرضاعة و هي مفيدة و اذا لغتك زينه في كتب و مجلات كثيره و مواقع مثل www.nct.org.uk and Bounty فيها معلومات مفيدة. و ايضا تقدرين تاخذين جوله في المستشفى الحكومي و ايضا في البورتلاند و تشوفين غرف النوم و الولادة و بكذا تاخذي فكره احسن. في المستشفي الحكومي بجنبي كل اثنين في غرفة و تقدري تطلبي غرفة خاصه بفلوس بس ما تظمني انه يكون متوفر.

    و الله يتمم لك على خير

تابعي تجارب أخرى من هذا القسم.