شاركي في النقاش

سجلي الدخول لإضافة تعليق.

التعليقات

208
  1. @am_yhy_1_1

    la rosa
    احنا بنعمل عصاير طبيعية لكن لما بنشترى جاهز بنجيب جهينه او فيتراك
    كل سنة وانت بخير يا دون و انت كلكم بخير و سعادة يارب
    بالنسبة لميتلو فهو امام حديقة الطفل يعنى عند اخر الحديقة تقريبا من ناحية شارع احمد فخرى و الشارع ده (احمد فخرى ) هو موازى لمكرم عبيد.
  2. منحرمش منك يا ام يحى وربنا يخليكى
    يلا يا مدامات اللى يعرف منج حلو متكلمناش علية يفيدنا
  3. @noody30

    صاحبة الموضوع
    السلام عليكم و رحمة الله و بركاته

    ما شاء الله عليكم، معلوماتكم مفيدة و ربنا يخليكي لينا يا دندونة انتي و البنات الحلوات اللي منورينا دول

    باحاول افتكر معاكمي اي حاجة ممكن تنفعكم تاني غير اللي كتبته قبل كده بس مش لاقية و اول ما افتكر حارجع تاني
  4. قفشتكوا يا دون
    انا باقعد استناكوا فى الجزء الرابع اتاريكوا هنا
    بالنسبة لمنتجات اللانشون والحاجات دى انا بافضل حلوانى
    الارز باستعمل المرمر
    وكزلك السكر والدقيق
    العصائر بيتى وكمان انا جربت ايزيس خروب بيكون بودرة فى علبة طعمه حلو
    الحقيقة انا باحب قوى الخشاف فى رمضان
    ولو افتكرت حاجة تانى حاقولكوا
    اه بالنسبة للحمة انا باجيبها من الهوارى او الفتح فى المهندسين
    وهما كمان عندهم كل حاجة زى كفتة الأرز
    الهوارى عنده تشكيلة من اللحوم الجاهزة زى كفتة للشوى-كفتة بانيه-شيش طاووق-شاورما لحم وفراخ-مزاليكا- بصراحة لما اكون مزنوقة اعدى اخد اى حاجة واطبخها على طول
    يارب اكون قدرت افيد ولوبجزء بسيط
  5. @noody30

    صاحبة الموضوع
    شكرا يا سمسمة، جزاكي الله خيرا على المعلومات الحلوة، و اكيد يا بنتي اي معلومة صغيرة بتكون مفيدة جدا خصوصا و ان فيه ناس لسه بتبدأ حياتها بعيد عن الدلع في بيت اهلها و محتاجة تعرف تجيب ايه و منين

    ربنا يجعل كل كلمة بتقولوها هنا في ميزان حسناتكم

تابعي تجارب أخرى من هذا القسم.