صار هلموقف لزوجك من قبل؟؟

مرحبــااا
هذا موضوع قديم صار معاي انا وابو الشباب بوقت الحج
انا رحت احج وهو يشتغل بخدمة الحجاج عشان يكون قريب مني
بيوم المبيت بمزدلفه
كنت واقفه معاه وهو شايل حاجاتي
وقال لي بعدها نادي الحريم عشان نشوف لهم مكان يباتو فيه
قلت لهم ورانا يا حريم
وبعضهم جو مسرعين ووقف ورى زوجي على طول
انا بعدتهم وقلت لهم روحو اوقفو مع المجموعه لا تتلصقو بالرجال
تفشلو ورجعو
بعد ما لقينا المكان صار خلاف معاه ويا رجال على من حجز المكان بالاول
وصار كلام حاد شوي انا سكت لأنا غلط ارفع صوتي قدام رجال وفوق هذا زوجي موجود
وحده من الموجودين وقفت جنب بعلي وصارت تدافع عنه
وش عليكم خمسه على رجال واحد حرام عليكم
حنا نسوان انتو روحو ألقو لكم مكان ثاني
محد من الرجال عطاها وجه بس المشكله انو محد راح ينسى دفاعها عنه
واولهم انا للحين منقهره منها
المهم خلصنا ولقينا مكان ثاني
وشفتها تتهامس مع وحده من البنات
والله تعبت وانا ادافع عنه عساني عجبته
ولفت انتباهه
انا انقهرت قلت لها عن منو تتكلمي قالت لي بس مسكين ولد آل فلان كسر خاطري وهو يتهاوش مع الرجال
قلت لها هذا من اصلك انك رفعتي صوتك بحضرة رجال اجانب وانت حاجه
وقلت لها ويكون بعلمك هذا زوجي وتراني ماراح اسامحك على التلصق فيه بهالشكل
وتركتها ومشيت
بس نفس الشي ما بعدت وضلت كل ما تشوفه تقرب منه
وانا ما اقدر اوقف معاه على طول


وبعد ما رجعنا من الحج زوجي صار يقهرني بالسالفه ويقول لي ودي اعرف من تكون
انا احيانا انقهر واقول بنت ما تربت
واحيانا اقول له لو تبيها اجيب لك رقمها بس بعدين لا تقول هونت ما ابيها

طبعاً انا تكلمت الحين من باب السوالف بس
لأنه شي وانتهى

15 تعليق 1,171 مشاهدة

شاركي في النقاش

سجلي الدخول لإضافة تعليق.

التعليقات

14
  1. @kmr_mksof

    انسي لو بتفكري بتتعبين الرجال كذا الحمدللة اننا مانعلم الغيب ولا كان صرنا مجانين نمشي فالشوارع
  2. @am_aayaly_2_1

    واضح أنها بتقهرك وتلقينها عارفه أنه زوجك من قبل تقولين لها يمه يالحريم حتى وهن حاجات عيونهن على الرجال
  3. @shkaoh_4

    لاحول ولاقوة الا بالله
    والله حاجه تقهر بس انتي لاتبينين لزوجك انك منقهره منها
    خليه يحس انه عادي
    عشان ماياخذ الهرجه عليك ويقهرك بها
    الله يهديه لك وتقبل الله

تابعي تجارب أخرى من هذا القسم.