بسم الله الرحمن الرحيم
السلام عليكم ورحمة الله وبركاته
طبعاً هذه أول مشاركة وأول موضوع لي بالمنتدى :)
بس موب معناه إني جديدة لااااااا ....
أنا معاكم من بدايات هالمنتدى العامر>>> متفرجه فقط
وجا اليوم اللي أكتب وأشارك فيه وصادف إنها تكون بهالقسم >>>> إخلصي علينا عاد :D
قصتي هي بإختصار :
أنا ولله الحمد حامل تقريباً بالشهر الخامس ...
وعندي طفلين قبل الله يخليهم لي وينبتهم النبات الحسن وعيال القارءات ويرزق كل المحرووومات .. آآآآآآآآمين
لكني لاحظت على أطفالي السابقين إنهم منذ ولادتهم الله يكرمكم يستفرغون باستمرار !!!
ما يشربون شي إلا يطلعونه على طول وبشكل رهيب لدرجة يمليني كلي وأنا أرضعهم .
على طول أول مايرضع يطلعه بطريقة رهيبة :09:
أول طفل كنت أقعد أصيح :icon33: كنت خايفة يموت لأن ما يقعد ببطنه شي , وراجعت عند كذا دكتورة تقول لي عادي دامه يكبر ووزنه طبيعي ما عليه خوف :confused:
بس لما صار عمره سنه وبدا يمشي وقف تلقائي ... ونفس الشي الثاني وأول ما ولدته وشفت مواريه مثل أخوه قلت للدكتورة على اللي قبله قالت لي وبالحرف الواحد : خلاص على كذا كل ذريتك راح تكون زيهم !!!!!!!!!!!!!!!!!!!!!!!!
ومرة كنت أسولف مع وحدة وقلت لها عن عيالي وكانوا صغار >>>> عشان ما تتوهق وتشيلهم ويكبون عليها :09:
قالت لي عادي أنا عيالي سبعة وكلهم كذا >>>>>>>> لااااااااااااااااااااااا :icon33:
ناس قالوا لي يكون فم المعدة عندهم واسع فماتتحكم في اللي يدخل لها ولما يبدون يمشون تصير عامودية فيصير صعب يطلع منها شي >>> تحليل ممكن بس ما أقنعني .. طيب وش الحل ؟؟ غير إن الدكاترة ما جابوا لي طاري هالشي :44:
وبعد كل هالكلام أنا خايفة يكون اللي ببطني مثلهم :( وقلت أبي أسألكم إذا كان يمديني أسوي شي أو طريقة معينه بالأكل أو نظام معين أو طريقة النوم أو أي شي أسويه عشان ما يطلع بجنيني إذا كان يمديني أتدارك الأمر ....
والله حالي وحالهم يحزن ,, كل شوي داخله أتسبح , وغير الفشيله لا شالهم أحد يبوسهم أويلعبهم و................ آآآآآآآآآآآآه :icon33:
ملحوظة :
أنا كنت أرضع عيالي طبيعي + صناعي ..
الأول قعدت شهرين أرضعه طبيعي وبعدين حملت وكملت بالصناعي ,, والثاني لا بس شهر طبيعي ورفض صدري وكملت له بالصناعي ,, وعلى كلام الدكتورة ماله دخل طبيعي أو صناعي هذا شي بتركيب جسم الطفل .
وبس ما وضحت لي أكثر , وكلهم ما كان عندهم أي مبرركل شي عادي وطبيعي ..
أنتظر ردودكم واللي ما عندها علم ترفع الموضوع رفع الله قدرها دنيا وآخرة
شاركي في النقاش
سجلي الدخول لإضافة تعليق.
التعليقات
25- كثير الاطفال اللي يستفرغون
ويكون بشكل فضييييييع
اتوقع هذا الشي في طبيعة جسم الطفل نفسه
ومو شرط صارو الاثنين اللي قبل كذا يصير مثلهم كل عيالك...
ان شالله يكون غير عنهم وماقدامهم الا العافيه - أنا كانت بنتي تستفرغ بشكل غير طبيعي
كنت خايفه تموت من الجوع
وطلع عندها رأس المعده مفتوح
ويفترض تتسكر اذا يبدأ الهضم..... لكن هي ما يتسكر
وبعد 7 شهور بدأت تتحسن
وباقي عيالي ما جاتهم هالحاله
يعني مو شرط كلهم نفس الشي - عادي حبيبتي انا كذا كانت بنتي الاولى وقعدت الى ثمانيه شهور تقريبا بعدين الحمدالله تحسنت والاطباء نفس كلامك ماكان عندهم تبرير بس بعض الناس يقولو ان هالشي صحي واللي يصير له كذا يكون صحة طفله حلوه لان المعده تجدد صراحه ماقتنعت زيك بالكلام وانا الحين بحملي الثاني بس توني اتذكر هالسالفه وان شاءالله ماتكون زي اختها تتعبني من هالناحيه المهم من ناحية الحل ماعندي قعدت الين وقف من نفسه
- أولا موشرط يطلع زي اخوانه وثانيا مافي يدك
شي تسوينه يعني تقدرين تغيرين لون عيونه أو ملامح وجهه نفس الشي هاذي مورثات ماأحد
يقدر يتحكم فيها..وعليك بالدعاء - نفس الشي اختي عندها بنت وولد نفس الحاله إلين تصير اعمارهم 9شهور بعدين كللللش يروح وماشاءالله يكبرون ويسمنون عادي بس الأستفراغ 24ساعه
مواضيع مشابهة
تابعي تجارب أخرى من هذا القسم.