شاركي في النقاش

سجلي الدخول لإضافة تعليق.

التعليقات

1,528
  1. @mikomiko

    توفي: معلش الشهر الجاي ان شاء الله يكرمك.
    اوشس و سارة و اوكسي و كل البنات: لا انا الحمد لله لسه قطعة واحدة بس اصلي بيت امبارح عند ماما فجاءة فماعرفتش ادخل و رجعت متاخر و جوزي طبعا اخد النت و دخلت انام فلما صحيت دخلت اطمنكم.
  2. صباح الخير يا بنات اخباركم ايه ؟؟

    انا بحلم دايما انى خلفت بنت جميله قوي وببقى فرحانه والحلم بيكون حقيقي جداااا وبحس انى ارتحت من القلق والانتظار وفجأأه أصحى وافضل مضايقه طول اليووووم
    مش عارفه ليه بقيت ضعيفه كده في الموضوع ده ومسيطر عليا بالشكل ده مكنتش كده على فكره
    ربنا يرزقنا جميعا
  3. صاحبة الموضوع
    نفسى افرح
    انا جيت اهو يا اوكسى بس ياريت يفكو حصار 3 مشاركات ده لحسن انا بحب اللك اوى وكده مش نافع المفروض يسبوها مفتوحه المهم يا جماعه الخير فى حد جرب الحقن المجهرى عند الدكتور احمد المسيرى يعرفنى انا اعرف معلومات عنه بس عايزة اعرف زيادة عشان نويت…
    سارة اهلا بيكى معانا مرة تانية يا حبيبتى ... ياريت تستهلكى ال3 مشاركات بتوعك فى اليوم ولو حابة تقولى حاجة تانية او اضافة اعملى تعديل لمشاركة منهم وقولى اللى انتى عاوزاه وبكده تتغلبى عن المشكلة دى واحنا حنبقى نراجع مشاركاتك ...
    بصى علشان تبقى على نور مش حتلاقى من اسكندرية فى الملف غيرى انا وام اياد وندانودو فيه كمان وداع وزينب ابراهيم بس دول عايشين برة مصر مع اجوازهم
    اما من ضمن دول اللى بيعمل او حيعمل حقن مجهرى من اسكندرية فمفيش غيرى ... انا قلت لك رأى قبل كده وياريت تستخيرى قبل ما تعملى اى حاجة وطبعا تعملى تحاليلك الاول علشان يا سارة لو طلع عندك تكيس مش حتقدرى تعملى العملية على طول ... وتقدرى تشوفى سيفيهات البنات فى اول الملف وتقرى كمان عن المرض ده
  4. صاحبة الموضوع
    MIKOMIKO
    توفي: معلش الشهر الجاي ان شاء الله يكرمك. اوشس و سارة و اوكسي و كل البنات: لا انا الحمد لله لسه قطعة واحدة بس اصلي بيت امبارح عند ماما فجاءة فماعرفتش ادخل و رجعت متاخر و جوزي طبعا اخد النت و دخلت انام فلما صحيت دخلت اطمنكم.
    ميكو يا حبيبتى ياريت تسيبيلى رقم تليفونك على الخاص عندى علشان لو اختفيتى فجأة ابقى اطمن عليكى واطمن البنات
    ربنا يقومك بالسلامة ويجعل لك ساعة ولادة سهلة يارب
  5. صاحبة الموضوع
    مصرية رقيقة
    صباح الخير يا بنات اخباركم ايه ؟؟ انا بحلم دايما انى خلفت بنت جميله قوي وببقى فرحانه والحلم بيكون حقيقي جداااا وبحس انى ارتحت من القلق والانتظار وفجأأه أصحى وافضل مضايقه طول اليووووم مش عارفه ليه بقيت ضعيفه كده في الموضوع ده ومسيطر عليا …
    صباح الخير يا بسكوتة ربنا يحقق حلمك يارب ... ياريت تشوفى رابط حلقة مصطفى حسنى اللى كانت حطاه ام اياد ربنا يصلح لها الحال ويرزقها من حيث لا تحتسب
    الحلقة دى حتريحك خالص وتفك عنك الكرب والهم

تابعي تجارب أخرى من هذا القسم.