المحبة أرض والفرقا أراضي // عصرونية حلوة مع بنات العائلة السعيدة

@mkhaoy_almlk

قد يحتوي هذا الموضوع على محتوى غير مناسب. عرض الموضوع
السلام عليكم يالربع ...........شخباركم يالنصف خخخخخخ<<ملاحظة انكت

بما أن عيالي ناموا ربي يحفظهم ........... وزوجي مشرد مدري بأي نقطة على الكرة الأرضيه

وانا وحدانية والألب وحيد ......... قلت عاد أفتح موضوع لحضراتكم نتسلى مع بعض <<تكفين منتظرينك بس

مالكم بالطويلة ......على سيرة الطويلة توني قارية موضوع بمنتدى فقع مرارتي وجزء من طحالي قال أيش

قال الحرمة القصيرة مفضلة عند الرجل أكثر من الطويلة <<صدق ماعندهم نظر وأعذارهم تفشل

المهم اجتمعت بأحدى العصرونيات أنا وبنات خال أمي <<ياخال أبوي حك ظهري:hahaha:

وانا صراحة علاقتي فيهم عادية .........بس لاني متهاوشة مع أحداهن جاني ابو قروون:30:

اجمعي الباقي وأقهريها .......صدق نذاله خخخخخخخخخخخخ

بس كانت عصرونية حلوة............ضحك ورقص ووناسه وهواش بزارين تقل ملاهي:icon28:

وحضرت سفرة بسيطة لهم .......ماتوقعتهم يطولون بالقعدة .......ولاكان سدحن المفطح <<بدا الهياط

الحين مدري وش فيني كل هالمقدمة عشان كم صحن .......أومال لوبوفيه راح اخربها :hahaha:

خلاص الحين ......جينا للجد وهالله هالله عالجد

القهوى ماصورتها وقت كانوا الحريم نسيت ........بس صورتها لما تقهوى ابو حمودي :arb:

وكانت عبارة عن كيكة الشوكلا ........وحلى التوفي .........وأصابع تمر مغطس بالشوكلا

وبعدها شاهي ومكسرات ........بعد ماصورتها <<أجل وشولة فاتحة موضوع خخخخخ:42:

والسفرة الأساسية كانت

تبولة <<سيدة الأكل

سلطة مكرونه

كبه...........واللي جنبها ميني همبرقر مع ميني شاورما وميني فلافل <<ميني يعني صغير راقية الأخت

ومعكرونة بالخضار مع الجبن الأصفر ........صراحة هذي روعة والطبق أبيد عن بكرة أبيه

وبف محشي لحم

وورق عنب ....عاد من أيديني غير غير غير

يلا عاد ياحلوات .......أتحفوني بردودكم الحلوة......... ولاتدققون .........لان الدعوة أهلية بمحلية

129 تعليق 9,223 مشاهدة

0 0

شاركي في النقاش

سجلي الدخول لإضافة تعليق.

التعليقات

125

تابعي تجارب أخرى من هذا القسم.