انا اشتريت منهم KLIPPAN
عندي اتنين
رائعه جدا
تتحمل لاني حاطتها في غرفه الالعاب
وهي نفسها جلستنا
فتخيلي طول الوقت جالسين عليها غير الاطفال وتنطيطهم
تلبسيتها لو قماش تتفك وتتغسل في الغسالة
بعد سنتين طفشتي منها بهدلوها العيال روحي اشتري تلبيسه جديده
وميزتها انها لها الفومية سنة عندهم يعني ما تتغير كل سنه ينزلولها نقشه جديدة
ليها عيب واحد فقط
الكسالى اللي يحبو ينسدحو ما تطولهم يعني عرضها قصير شوية
بس في نوع جديد اسمه KLIPPAN 4
اتوقع حقت اربعه انفار
ودي صورتها بس نوعها جلد
ودي ام 4 انفار
اسعارها متفاوته من قريب ال900 الى الف وشوية على حسب التلبيسه وقماش او جلد دا بالنسبة للصغيرة بس الكبيرة ما اعرف
وعلى فكره ممكن تلاقيها في كما هيا وسعرها اقل بكثير ممكن تكون بـ500 لانها كانت في العرض وعليها شوية بقع وطبعا تشتري تلبيسه جديده ولا من شاف ولا من دري :)
بالنسبة للبنات اللي قالو اثاثه يتكسر
فعلا الدولاب زي اللي حطته الاخت زي الزفت اتكسرت دروجه لان القاعده حقت الدرج خشب مضغوط
وكمان عندي منه دولاب طويل انفزر من ورا
مشكلتهم الاثاث الرخيص والخشب المضغوط سيء جدا
بس الخشب العادي ممتاز ويتحمل