شاركي في النقاش

سجلي الدخول لإضافة تعليق.

التعليقات

1,528
  1. @mikomiko

    صباح الخير الخير.
    عزيزة: بصي يا قمر الرجالة معظمهم زي الاطفال بيحتاجوا الواحدة تفكرهم. لو هوا مش مواظب علي اخد الدواء, روحي اديهولوه انتي.
  2. @mikomiko

    توفي: ممكن يحصل حمل لو فيه تبويض متاحر, سيبيها علي ربنا.
    عزيزة: علي فكرة: كل واحد الدورة بتيجي عنده مختلفة عن التاني حتي لو كانوا توائم و كمان بتنتهي في سن مختلف.
    ماما: ربنا يكرمك بتوائم.
  3. @mikomiko

    رورو: سلامة ضهرك و سلامة سيف.
    انا لسه كنت عند الدكتور امبارح و قالي شكلها كده علي الاسبوع الجاي. ان شاء الله تبقي ساعة سهلة.
  4. @boba_boba

    صباح الخير عليكم جميعا

    طبعا انا غبت الفترة اللى فاتت لانى كنت لسة تعبانة بسبب موضوع البرد اللى كان عندى وكان زاد عليا قوى
    ودلوقتى الحمد لله بدات انزل شغلى وبدات اتحسن شوية جسديا

    بس نفسيا حاسة انى متدمرة ونفسيتى تحت الصفر وعاوزة ابكى طول الوقت
    مش عشان موضوع الحمل ولا حاجة الحمد لله انا راضية بقضاء ربنا وارادته
    بس مش عارفة حاسة ان الدنيا ملخبطة معايا قوى وكل حاجة بتحصل معايا بتضايقنى
    وحاسة انى السبب فى كل المشاكل اللى بتحصل فى الدنيا

    سامحونى انا غبت غبت وجيت بمشاكلى
    انا اسفة بس ماليش غيركم افضفض معاه ويستحملنى
  5. @mayra

    boba boba
    صباح الخير عليكم جميعا طبعا انا غبت الفترة اللى فاتت لانى كنت لسة تعبانة بسبب موضوع البرد اللى كان عندى وكان زاد عليا قوى ودلوقتى الحمد لله بدات انزل شغلى وبدات اتحسن شوية جسديا بس نفسيا حاسة انى متدمرة ونفسيتى تحت الصفر وعاوزة ابكى …
    ربنا يخفف عنك يارب ويروق نفسيتك
    يا حبيبتى كل واحده مننا ليه لحظات ضعف ويأس وخنقه ودايما بتبكى عايزه تبكى وصدقينى كل ده بيبقى من العقل الباطن والمشاعر اللى احنا كاتمينها جواه
    حاولى تاخدى الدنيا ببساطه وتروقى كده يا قمر وان شاء الله ربنا هيعدى الفتره دى على خير
    اقولك على حاجه بسيطه
    حاولى تعملى تغيير فى نظام البيت غيرى ترتيب العفش مثلا
    صدقينى بتبقى حاجه بسيطه اوى بس وربنا ليها تأثير سحرى على المود(اسـألى مجربـــــــــــــــــــــــــــــــــــــــــــــــــه)








تابعي تجارب أخرى من هذا القسم.