سلام ياحلوين ....ازيكم عاملين اييه
برنامجي اليومي
هالكمبيوتر اخلص شغل البيت واسنتر عليه طلعاتي قليله من البيت سابقا" كنا منقولين بمنطقه ثانيه
عن ديرتنا فيها كليه فكنت اعمل ابحاث ومطويات وعروض لطالبات فكنت ماحس بالوقت وجبت شغاله للبيت
وجلسنا كم سنه والحين رجعنا ديرتنا واشتغلت للمدارس سنه وبعدين بطلت وابتديت في تعلم البرمجه
صرت افرمت الاجهزه وتعلمت على برامج الفلاش والفديو كلها وطريقة عمل المواقع اهم حاجه تنظيم
الوقت عايشين انا وزوجي بالبيت ماعندي اطفال ماعندي شغل كثير الحمدالله انظف البيت اول باول
ماركم الشغل وزوجي مدمن على الكمبيوتر اكثر مني يجي من الدوام يتغداء وينام يصحى يجيب
طلبات البيت من البقاله ويرجع على الجهاز وانا على جهازي ومجهزه القهوه والشاهي والفطاير
ونجلس من العشاء لاثنتين واحيانا ثلاثه تحصل احيانا" وانا جنبه بس يكلمني على الماسنجر
هاتي مويه والا سوي شاي ونجلس نضحك الله يحمينا من عقاب هالتطورر
مافتح جهازي وراي شغله لان عارفه نفسي اذا فتحته راح تاجل لبكره الحمدالله جسمي مايحتاج
لارجيم ولاغيره وزني من الخمسين وتحت والفتره هذي جالسه اعالج شعري ارجع له حيويته
عقب الصبغات والقص احنيه وزيته كل اسبوع وربنا لك الحمد
ماتصدقون يابنات لو قلت لكم اني في يوم ماكن في راسي شعره ولا رمش بعيني ولاحواجب
تخيلو
جسمي كله ولا شعره
ربي لك الحمد والشكر اصبت بسرطان في الثدي وعالجوني كيماوي وبسببه سقط شعري كله
صلعت
وياعمري يازوجي تعرفون وش اهداني جاب لي باروكه شعر مستعار اسود وطويل شي
عارفني ماحب البس الشيله بالبيت طول الوقت فخفف علي شويه من المعانه
الحمدالله اكتشفت المرض ببدايته وعملو العمليه بدون مايشيلو الثدي بس مكان
الورم شالوه يارب يكفيكم شره اجمعيين
صابني قبل عشر سنوات واكثر وبس وقفت علاج الكيماوي رجع شعري ورموشي الحمدالله
تمنيت بعض المناطق بقيت صلعه احسن واريح لي كل يوم اشكر ربي وحمده على الصحه
سامحوني خواتي ويارب يكفيكم شر الامراض ويديم عليكم صحتكم
ღتجمع ...الشباب شباب القلب والروحღ
متابعة النقاش، صفحة 120