بنات انا محتاجة لمساعدتكم ضروري

السلام عليكم،،

والله يا بنات انا حالتي النفسية تعبانة وايد وما ادري شو اسوي في مشكلتي،، اتمنى انكم اتساعدوني واللي ما عندها الحل ارجو منها الدعاء عسى الله ايفرج همي وضيقي، والحمد لله على كل حال..

مشكلتي بدت من اسبوع تقريبا،، انا متزوجة من سنتين ونص، وزوجي من النوع المرح واللي دايما يسولف ويضحك،، وهذا اللي كان مخليني احبه ومخلي ايامنا حلوة،، بس من اسبوع لاحظت عليه تغيير كامل، استوى ما يتكلم وايد معاي ولايطلع من البيت وثل قبل، واذا اتكلم حتى صوته متغير ومو مثل قبل، وما يضحك اذدا بس يا دوب يتكلم في اشياء ضرورية، والمشكلة الاكبر انه يوم رحنا بيت اهله كان عادي يضحك ويسولف معاهم بس اول ما رجعنا البيت رجع لسكوته، وكلمته كم مرة اذا فيه شي مضايقنه او انا ضايقته في شي او مريض او تعبان، بس كله ايقول ما فيني شي بس شوي صداع..

والحين استويت ما احب حتى اني اتكلم معاه عشان ما اشوفه بهالحالة،، وزوجي من النوع اللي مو محافظ على صلاته ومو ملتزم..

انا خايفة انه ايكون فيه سحر او مس، بس ما ادري شو اسوي وما اريد اروح عند حد من الدجالين ايقوم يعطيني عمل او سحر..

ساعدوني بنات انا محتاجتلكم ومحتاجة لدعائكم والله يجزي اللي بتساعدني كل خير..

ومشكورين واسفة على الاطالة..

13 تعليق 1,226 مشاهدة

شاركي في النقاش

سجلي الدخول لإضافة تعليق.

التعليقات

13
  1. انتبهى لا تغامرين وتروحين لاى دجال!!
    ترا اذا زرتيه مجرد الزياره ماتقبل صلاتك40يوم
    اذا تبين تعرفين فيه سحر او مس في ايات معينه تنقرا
    بمجرد انه يسمعها يعمل حركه معينه مثلا لو فيه عين يتثاوب بس مدري وشى هالايات ممكن تسألين اى شيخ ويفيدك ان شا الله
    اتوقع زوجك ما راح يرضى تقرين عليه
    ممكن تشغلين شريط فيه السور الي بها هلايات...
    ويمكن شى مضايقه ما تدرين؟؟
    عموما الله يساعدك
    ويساعده يارب
    وويوفقكم ةيسعدكم مع بعض.. :27: :)
  2. @ktkoth2005

    هلا عزيزتى الله يهدية ويرجعه مثل ما كان

    في حالات يمر بها الزوج احيانا تغير مزاجة
    بس شوفي يا عزيزتى
    هناك عدة طرق ممكن تفيد حاولي انت بشتى الطرق
    - استغلي ابنائك في ان يستفسرون من الاب اذا كانوا يتكلمون يعني من 5-اكثر من سنة يسالون الاب شو فيه ليش مضايق ما يتكلم مثل اول لعله يتاثر

    - انت يا اختي لا تستعملين نفس الاسلوب وهو عدم التحدث
    لان الزوج ياخذ هاي نقطة سلبية عليج .. انت عاملتية بنفس الطريقة المعتادة

    - حاولي الخروج خارج المنزل والتحدث لعل فيه مشكلة يخفيها او امر لا يحب ان يفشية لاحد حاولي بشتى الطرق استدراجة للحديث

    - استغلي جلسات اهله وبينك وبينه حاولي ان تقولين له ( وين الابتسامة في البيت - وين الحديث معنانا بهذا الاسلوب الجميل في المنزل ) حتى لو عن طريق المسج بحيث لا احد من افراد العائلة يلاحظ

    - اكثري الدعاء له .. ارسلي النصائح والتوجيهات له بالمحافظة على الصلاة عن طريق المسج بالجوال

    - اكثري من قراءة القران امامة او الصلاة حتى يحس بالراحة وان شاء الصدر بعد الصلاة التي تحسين بها

    - اسمعي معاهة شريط محاضرة في السيارة
    - اقرئي كتاب ديني عن اهمية الصلاة وقراة القران امامة وبالذات انه في فترة صمت
    استغلي هاي اللحظات

    - اكثر الدعاء له
    والله يصلحة ويهدية
    يا اختي
  3. @gmal_alkhlyg

    علي فكره الرجال مو مثل النساء يحبون يتكلمون لانه قبل الخطوبه الريال يحب يتكلم وايد بس بعد الزواج يقلل من الكلام وهذا امر عادي مافيه شي بس اذا هو متضايق من شي معين حاولي انج تفهميه لاتعالجين الخطا بالخطا وقفي وياه شوفي شو مضايقه يمكن من شي ثاني يعني مو انتي
    الله يوفقج

تابعي تجارب أخرى من هذا القسم.