شسوي والله مليت والله تعبانة ردوا علي الله يفتحها عليكم نوروني الله ينورها عليكم

هلا ياقلبي...
والله يعينك ويصبرك...
انتي غلطتي يوم قلتي لزوجك انك تكرهين اهله مهما كان هذولا اهله.

والرجل مهما كنتي بالنسبه له فأهله في المقدمه...
انتي حاولي تتقربين من ام زوجك مثلا بغيتي تطلعين تقولين لها انا طالعه تامريني بشيء...سوي قهوة واجلسي معها اصحي بدري لاتطولين في النووم.
بين كل فترة وثانيه جيبي لها هديه..سافروا لمكه وخذوها معكم...
ومهما قالت لك لاتردي عليها وقولي لها ان شاءالله ولاتخبري زوجك امك قالت كذا او سووت كذا...
والله يهدي سركم ويحنن قلبها عليك..

الله يعينك

شوفي اختي اذا معاملتها هذي لك وحدك بس وتعامل سلافاتك غير معناتها انها غيرانه منك بس نصيه مني لك حاولي ماتبيني لها انك انتي وزوجك متصافين اي قولي لها انه متغير عليكي طبعا باتفاق مع زوجك وانك مو عارفه السبب راح تقول لك انتي السبب وبتحط الكثير من الاسباب وقوليها والله انك صاجه انا الغلطانه وبسمع بنصيحتك راح تتغير وتميلك اشوي لانها درت ان ابنها موصافيلك ويركض وراك واذا حسيتي بكذا ديري بالك اتبينين لها انك متصافيه معه اوانك قويه لا بيني لها انك ضعيفه موقادره عليه بالله عليك لو جربتيها ونفعت طرشيلي علي الخاص

ما اسوأ شي ممكن يحصل في حال انك مشيتي على ما تبي ام زوجك ؟ صحيح صعبة على كل وحدة انها ما تاخذ رحتها مع زوجها بس هذا قدرك اللي اخترتيه

حاولي بهدوء تتأقلمي مع الوضع وتكيفي نفسك وتهيئيها على تحمل ام الزوج .. جهزي نفسك لتحمل اي شي يحصل من الام

حاولي تحسنين صورتك عندها للافضل وحاولي ما تجيبين سيرة اهله قدامه مهما كان ابدا حتى لو هم جو عنده يسبونك ويتكلمون فيك انتي امدحي فيهم وقولي هم اهلي واعتبرها زي امي وحبيبتي ابدا لا تخلين زوجك مدامه حنون وطيب معاك يفكر بيوم من الايام انك انسانه حقودة ويمكن يتطور الموضوع لشي كبير انتي في غنى عنه


واهم شي انك تتاسفين لزوجك انك قلتي له اكره اهلك وحاولي تبينين انها كانت لحظة غضب وانفعال لما قلتي له هالكلمة

والاهم اختي الغالية عشان يجيك اطفال الراحه النفسية والهدوء

وبما انك اختي الكريمة ناوية خير من البداية ورضيتي فيه على مستواه المادي تحملي وان شاء الله يعوضك ربي خير على صبرك واحسني النية دايما ولكن بشرط ماتكونين هذيك الطيبة اللي كلمه توديها وكلمة تجيبها بس اللسان الحلو عند الزوج اهم شي ولا تجيبين سيرة اهله بسوء مهما كان

اسالي نفسك وش اسوا شي ممكن يصير لك في حال انك تركتيه .. هل بتتقبلين الوضع في بيت اهلك ؟ هل الوضع نفسيتك بترتاح اكثر ..!! انا يا عزيزتي ما اشجعك على الطلاق والعياذ بالله لكن انا اعطيك فرصه للتفكير باسوا الحلول اللي ممكن تتحملينها ... والله يوفقك للي فيه الخير

الدنيا تبي تعب شوي ويارب يعوض صبرك خير