حابه نتناقش بموضوع حفلة الفرح

السلام عليكم ورحمة الله وبركاته

أخواتي الحبيبات
حابه نتقاش بموضوع الفرح

البعض مننا عمل حفلة زواج كبيرررة للاهل والاصحاب والجيران .. وفي البعض حفلاتهم عاائليه جدا ..

فالله يسعدكم اللي عملت قرح عائلي تقولنا ايش كانت الايجابيات وايش السلبيات
ونفس الشئ اللي عملت حفلة كبيرة ايش الايجابيات والسلبيات ..

وايش الاشياء اللي تمنيتو تسووها .. والاشياء اللي ندمتو انكم سويتوها في افراحكم ..؟؟

احنا محتارين بين فرح عائلي وبين فرح كبيير


ومشكووورين يااابنات مقدما على مشاركتكم

:)

7 تعليق 497 مشاهدة

شاركي في النقاش

سجلي الدخول لإضافة تعليق.

التعليقات

7
  1. @mlborn

    حبيبتي أنا من مؤيدين الحفلات الصغيرة بحيث أعزم فقط من يعز علي وليس كل من أعرف طبعا أوفر ماديا وأروق
  2. يازين البساطه والخصوصيه
    اي حفل زواج كبير بيكلف ما بين 10 ل150 الف ما تخيل اني ممكن اصرفه ب4 ساعات عشان اوسع صدور الناس
    انا وياه اولى فيهم
  3. @lmo0o

    يا قلبي أنا اقترح أن اليوم هذا بذات لازم يكون مميز لأنه غير عن باقي الأيام وبالنسبة للسلبيات والله كثيييرة منها غلاء القاعات ووو بعض المعازيم من الربشة والزحمة تنسين تعزمينهم وهذا يسبب مشاكل وبعد تحتارين من تعزمين ومن تخلين و من غير تزيين القاعة والكوشة والمناظر اللي مال أمها داعي ومن غير الديون اللي بعد الزواج وهذي وجهة نظري فيه مع أنه من وجهة نظري لازم يكون يوم مميز بس أمكانك تخلينه يوم مميز بس بدون فشخرة مو لازم القاعة تكون في فندق ولا الشوكولاتة من باتشي ومن الحركات اللي تكسر ظهر زوجك بالديون بعدييين
    وباالنسبة للزواج العائلي هو حلووو نوعا ما بس العروس أحسه حرام ماتتهنى بليلة عمرها ولكنه أرحم من الفشخرة والديون بعدين وهو زين اذا قصدهم بيسافرون بعدين لـــشهر عسل

    و على العموم هاذي وجهة نظري أنا فقط و أتمنى محد يزعل ولا ينتقد
  4. @amyr_fy_hby_1

    صاحبة الموضوع
    مشكوررين خواتي
    الله يعطيكم العافيه

    خايفه مااسوي فرح كبير بعدين اندم واتحسر
    ونفس الوقت ابغاه بسيط يكون احلى وسط اللي اعزهم بس

    شكلي مالي الا الاستخارة وربي ييسر

    مشكورين حبيباتي مره ثانيه
  5. اعملي فرح بس بدون تكاليف زياده
    الناس صارت تبالغ في التقديم وفي الاخر يبقى
    وتبالغ في الكوش عشان ساعه وتضيق على نفسها عشان الناس
    والرجال يتحمل ديون مالها داعي يجلس سنين يسدد
    كل ما كان بسيط راح تكوني مرتاحه بحياتك
    اختاري قاعه متوسطه بسيطه
    اختاري كوشه هاديه ناعمه مش الهبال اللي نشوفه تحسي فعلا عروس دا مكانها
    والتقديم شوفي شيء مايكون غالي مره ومبالغ فيه

    الله يوفقكك ويسر لك امورك ويتمم لك بخير

تابعي تجارب أخرى من هذا القسم.