سلام عليكم انا الان حزينه جددددددددددا:44:
مدري الدنيا وش صارفيها الكل صاير مصلحجي ومنافق
وزوجي مدري وش يحس فيه يبيني اصير مثلهم
بقولكم القصه بس اللي تبي ترد وتغلط ماحللها ولابيحها مو ناقصتها :icon33:
اليوم رحت لاهلي البيت زياره بعد المغرب وجات اختي الي اكبر مني وقعدنا ومن ضمن الكلام قالت اختي ان البيوت الي في اول الحي جايها ازاله من شركه توسعة الطرق تمام
بيت اهلي مو مرقم يعني موداخل بالازاله بس قريب منها يعني المستثمرين بيشرون البيوت الي حولها والموقع ممتاز مابي اقول وين عشان محد يعرفني :09:
المهم قلت ابوي الله يحفظه لو باع البيت وهو اربع ادوار 2اخوان وابوي واخت تمام
بيشري بالفلوس بيت للكل زي الحال هذا والا بيعطينا منها
قالو خواتي الي مو متزوجات لاطبعا بنشري بها بيت لنا طيب وحنا مالنا في مال ابونا اختي الكبيره والله مصدومه فيها تخيلو وش تقول انا مابتكلم لكن لو اخذتي باخذ وهي ماشاء الله مو ناقصها شئ راتب زوجها 15 الف والان يبنون بيت لهم مو مثل وضعي وتقول انا ماحسد اخواني قلت موحساده بس كذا مابناخذ م فلوس ابوي شئ
الله يطول بعمر ابوي بس حرام حنا ماناخذ شئ وهم من بيت لبيت وببلاش بالله عليكم في ذمتكم خلوكم مكاني زوجي ماله بيت ملك والملك لله وظروفه زففففت وهم يقولون اذا خذتي حقك لك وجه تكلمينا او تزورينا يعني تمهيد انه لو طالبتي بحقك بنقاطعك
للامانه خواني الرجال ماتكلمت معهم بس امي وخواتي
قلت طيب لو ابوي يبيع البيت ويشري بجزء منه بيت له فقط مو خواني معه والباقي يذرره علينا بالتنساوي لانها هبه مو ورث
اسغربو قلتلهم انتو احسن من حكم رب العالمينالعدل ياناس وين المهم انتو ماتتشحططون بالاجارات وانا طز فيني لاني الوحيده الي ظروف زوجي الماديه صعبه
واتقفل الموضوع المهم رجعت البيت قلت لزوجي كم يدفعون تثمين قال 18 مليون قلت الي حصل بيني وبين خواتي قال انتي خبله تقولين كذا خليك زي اختك تتميلح عندهم وتبيك تاخذين الخزى عنها وهي تاخذها بارده مبرده هي وجهة نظره معقوله بس يابنات زي ماقلتلكم مو محتاجه ابدا موقاصرها شئ حتى سفريات تسافر الله يباركلها بس اصابع يدك مو سوا
والله مصدومه انا ماعرف انافق اقول الي بقلبي وزوجي يقول اجل بيحقدون عليك ومابتاخذين شئ منهم :44:
الله يعطي ابوي طوله العمر ان شاء الله بس انا اتكلم بحاله ان ابوي موجود فهمتوني او لالالالالالالالاسمح الله غير موجود في كلا الحالتين شفت ردت فعلهم
قلتلهم عشانكم ماتزوجتو تبون لانفسكم لو متزوجات بالله ماتبون نصيبكم
ليش الدنيا كذا انا والله طيبه معهم وهم طيبين ماظلمهم بس لين تجي للجد مدري وش بيصير
يارب رحمتك
بنات ادعولي ربي يرزقني ويغنيني بحلاله عن حرامه الظاهر مكتوب علي اعيش بفقر واموت وانا فقرانه والله مافكر الا بعيالي ابي اسويلهم شئ ابوهم ماهمه وانا نار شابه في قلبي مابيهم يحتاجون احد بس بالحلال الان حتى الحلم اني اخذ نصيبي من بيت ابوي بعد التثمين انهدم اه اه اه يارب ارزقني وشدني بالعافيه
بالله لو مكاني وش تقولون لهم وشش بتسوون لو جا التثمين وماعطوك شئ
اسمعو يابنات ترى لو شرو بيت بدال هذا بالفلوس انسسسسي يطلعون منه فهمتوني يعني بححححححححح
اه اه يالقهر زوجي مصدومه فيه مدري هو صح والا انا الي مثلي انقرضو ماعرف امثل واكذب لين اخذ الي ابيه على طول اقول اللي بخاطري واختي تقول انا مابتكلم بس لو عطوك باخذ شفتو كيف النفاق تخليني انا في وجه المدفع
شورو علي وش السوات وادعوولي امانه تدعولي ان ربي يرزقني رزق حلال وماخلي عيالي محتاجين لاحد الظاهر محد حولهم يوم تصك صكايكها الكل نفسي
ويقولون انتي عندك عيال يكبرون ويشتغلون الله اكبر تناظرون عيالي وليه هي مو مثلي عنها عيال ورجال بس ماقول الا حسبي الله ونعم الوكيل كان بياكلون حقي
ادري طولت عليكم بس وااله مهمومه ومالي الا الله ثم انتم دعواتكم لي ياخواتي ولا تنسون لك بمثله
الموضوع مغلق