بنات هل الاستغفار يغني عن الذهاب لشيخ

من تجربتي يغنيك نعم انا استغفر 500 مره بنيه شي والح بالاستغفار كل يوم
والحمدالله اموري مسهله
وحتى حملي قالو ماراح تقدري تحملي لين ترقين>>>>لارقيت ولا شي استغفار وبس هذا كلام شيخ اذا ماتبين تروحين لاحد يرقيك قالي استغفري
(( يمددكم باموال وبنين ويجعل لكم جنات ويجعل لكم انهارا))
بس لاتنسين الحمد 7 مرات يوميا تنفثين على ماء وتنوين بنيه شفاء كذا
كل يوم ماتخذ منك وقت خمس دقائق

ياكثر مارحت لمشايخ والله بدون مبالغه نص مشايخ عندنا رحت لهم وبدون اي فايده

تبين نصيحتي

1- اقري سوره البقره يوميا ماتاخذ منك نص ساعه ساعه بالكثير اذا انتي بطيئه بس اقريها بتمعن وتدبر ( اخذها بركه وتركها حسره )
2- شغلي الرقيه الشرعيه يوميا عند راسك قبل تنامين يوميا + انفثي في كفك 3 مرات واقري الفاتحه وامسحي على جسمك اقل شي 7 مرات وكل ماكثرتي احسن ( فيه حديث للرسول
عن فضلها وانها الشافيه وافضل رقيه للانسان )
3- جيبي زيت ومويه ولو زمزم ( ماء زمزم لما شرب له ) واقري عليها الرقيه الشرعيه ايات الرقيه بتلقينها اكتبي في قوقل ايات الرقيه وبتطلع لك اقريها وانفثي واقري سوره البقره بعدها وانفثي
واستخدمي الزيت يوميا قبل تنامين ادهني جسمك ونامي واذا قمتي اشربي كاس مويه من المقري فيه واذا قدرتي توفرين مويه زمزم اشربيها كل يوم وخليها كل يوم مويتك الاساسيه
وانوي وادعي ان ربي يجعل فيها رزقك وشفاءك
سويها يوميا قد ماتقدرين وبدون مده معينه الين تحسين انك ارتحي
4- قيام الليل لو مرتين ثلاث بالاسبوع وادعي من كل قلبك ابكي وادعي على سجادتك والحي في الدعاء بكل قوتك واطلبي ربك حاجتك وادعيه وباذن الله مايردك ( سهام الليل لاتخطي
ولكن لها امد وللامد انقضاء )
5- الاستغفااااااااااااااااااااااااار ثم الاستغفار استغفري بنيه ربي يمحي ذنوبك ويرضى عليك عشان يرضيك ( فقلت استغفروا ربكم انه كان غفار يرسل السماء عليكم مدرارا ً ) وفيه ايات اكثر واكثر
وانتي قايمه وانتي قاعده وانتي طالعه بالسياره بالدوام بالسوق وانتي بتنامين وانتي تاكلين وانتي تتصفحين استغفري استغفري من كل قلبك تفتح لك ابواب مقفله
6- رددي دائما ربي اني لما انزلت الي من خير فقير اكيد تعرفين معناها اذا ماتعرفين اسمعي سوره القصص
7- الصدقه تصدقي قد ماتقدرين مو لازم فلوس اطبخي اي شي وارسليه لعمال او مع توصيل البقاله اذا جاب لكم طلب قولي هالاكله لك ماتتخيلين فرحته الكبيره واذا طلعتي سوق تصدقي لو بريال على اي احد عامل او بزر او او عامله النظافه وقولي يارب اكتبي بهالصدقه كل خير وارزقني الي اتمناه ( داوو مرضاكم بالصدقه ) تطفي غصب الرب وتجلب الرزق

باذن الله اذا سويتي كل هذا بيجيك احسن رزق ماتتخيلينه ولا تيسين وتقولين سويت كذا ولا تحقق لي شي لو اقولك كم لي مستمره على هالنظام وللحين صابره ومتاكده ان الفرج قررررررررريب قريب
بس احسني الظن بالله وتوكلي عليه وتاكدي هو الي بيرزقك
وقادر يفرجها عليك بلمحة بصر
منها ترضين ربك وتكسبين رضاه عشان يرضيك ومنها تتشافين من كل عين او نفس او حسد او اي شي يمنع زواجك ويعسره

والله يفرجها عليك وعلينا ويرزقك ويرزقنا ادعييييييييييييييلي معك

وانصحك بعد تقرين سوره الانبياء والله ان تبكين مع كل ايه فيها فيها قصص عجيبه للانبياء وكيف ربي فرجها عليها واستجاب دعواتهم موسى ونوح وزكريا .. الخ
وبتعرفين ان ربي ماينسى احد لكن ربي يبيك تلجاين له وتوكلين عليه

أقرئى سورة البقرة و اكثرى من الاستغفار