|| ... تـجـمـعـنـا السهرنــات... أمـهـات الـتوائـم الـرضـع و الخـدج ... ||

هلابك نورتي الملف ياحلوه
وسلامة الحلوين مايشوفون شر....وترى هالوقت هذا وقت التعب والحساسيات والكحه والانفلونزا والفايروسات
انا عيالي جتهم نزله معويه جماعيه تعذيت شوي بس الحمدالله عدت على خير
وعبودي جته كحه وقعدنا شهر نعالجه والحين جمان لها 4 ايام تعاني من الكحه وجوان انفلونزا وخليها على الله

وانا ضروسي متعبتني الم غير طبيعي ماقدر اكل والااشرب الحار والبارد وقلعت ضرس العقل قبل اسبوعين
وباقي لي جلسات لكم ضرس عندي
ورجعت لي الام الظهر الظاهر ان القصه نقص كالسيوم
وبالنسبه للصيام انا صمت 9 وباقي 9 وابي احد يشجعني ان شاءالله ربي يقدرني واصوم بكرا وياليت بعد الاثنين والثلاثاء عشان يبقى 6 ايام اخليهم بعد الاجازة


الله يعيينا ويفرج همنا ويعوض صبرناااااااااا خير

مبروك الملف الجديد
الله يعطيك العافيه نونومون

لينا كيفك وش اخبار الكتاكيت

بااقي البنااات وش اخباركم

السلام عليكم ...


وينكم ،، مافي أحد ؟؟؟ :)

عروسة ولكن ..
احنا بخير نحمدالله ،، أنتي كيفك أنتي والعرايس باقي ماعقلوه ،، الله يهديهم ويصلحهم يارب .

لينا ..
مدام عندكم تأمين يغطيها إن شاء الله ،، واذا مايغطيها شوفي المشاري والا الحمادي ..
وإذا على الهبال عادي فترة ويعقلون ان شاء الله .

قطعة حلى ..
هلا فيك وحياك والحمدلله على السلامة وألف مبروووك العرايس ،، وبالنسبة للمكيف والله أنا في منطقة مانحتاج للمكيفات والحمدلله ،، لكن فعلاً لازم تعودينهم على التكييف ولا بعدين ماعاد يستحملون نسمة هواء ويتعبونك .
وبالنسبة إن الأنف مسكر استخدمي لهم القطرة الملحية سالينوز .

بسمة أمل ..
كيفك وكيف الأمامير اللي عندك

الملف منور بوجودك يا أم عبدالله :)

والله يسلمك والشر مايجيك ،،
وسلامات على عيالك ،، والله يصبرنا ويعينا على هالحال :(

والله يعينك على ضروس العقل اصعب شي ،، والحمدلله أنا شلتها الاربعة مره واحده بتخدير كامل لكن والله جلست تعبانه بعدها أسبوعين

أما على نقص الكالسيوم فالظاهر فعلاً إنهم بسم الله عليهم سحبوا كل الكالسيوم اللي فينا هذي ضريبة التوائم والناس منهبلين عليهم ،، أنا الآم ظهري حدث ولاحرج وبديت ارجع للكالسيوم ،، تصدقين حتى التنميل اللي فيني شكله نقص كالسيوم لاني قريت ان نقص الكالسيوم يسوي تنميل وتخدر بالجسم ،،

قولي يالله ان الله مايضيع لنا تعب في عيالنا ويبرون فينا أعظم بر عقب كل هالتعب إلي شفناه فيهم ياكريم من قبل لانحمل فيهم ومن حملهم لولادتهم للسهر ولتربيتهم ..

وبالنسبة للصيام أنا صايمه اليوم ان شاء الله وبكمل لآخر الأسبوع قبل لاتقطعني الدورة وأنتي بكرامة ،، ويالله تحمسي وتشجعي وصومي من بكره معايه .