بسم الله الرحمن الرحيم
هلا باخواتي بنات حواء
انا قبل شهرين انخطبت وشافني وشفته والحمد لله أعجبنا بعض واتفقنا على الزواج
وكنت مرررررره فرحانه
وكانت أمي مره فرحانه وتدعيلي( يالبى قلبها)
بس المشكلة في تحاليل الزواج قال الدكتور أن عندي أنا وخطيبي نفس الفايروس ولا أنصح بالزواج.ولو كان الفايروس في طرف واحد كان عادي يتم الزواج
والله يا خواتي ماتدرون كيف صارت نفسيتي سيئه جدا
والله كل ما أشوف أمي تخنقني العبره وتنزل دموعي غضب عني؟
سؤالي يا أخوات وش هذا الفايروس وهل هو خطير مع اني الحمد لله في أتم صحة ولا أشكي من أي مرض ولله الحمد
ولم أكتشفه إلا في تحاليل ماقبل الزواج ؟
وهل هذا الفايروس يمنع من الزواج؟
وهل أحد منكم مر بنفس الحاله؟
تكفون ردوا علي والله ضايقه فيني الدنيا وصرت أفكر وأوسوس كثير
يارب أشرح لي صدري ويسر أمري
لا إله إلا أنت سبحانك إني كنت من الظالمين
تعديل
والله ماأدري وش نوع الفايروس لأن اخواني قالو لي وانا مارحت للدكتور
بس إن شاء الله بأروح الأسبوع الجاي وأكشف عند دكتور ثاني
لأن خطيبي يقول الفايروس يحتاج لعلاج لمدة 6شهور ويروح بإذن الله
الله يرزقه ويرزقني بالعوض
شاركي في النقاش
سجلي الدخول لإضافة تعليق.
التعليقات
67مواضيع مشابهة
تابعي تجارب أخرى من هذا القسم.