اللي شغالاتها يكملون المدة عندها ويزيدونها بعد .. تدخل مشكورة

س1 كيف تستقبلينها أول ماتجي من المطار .. وتفتشينها ؟
أسلم عليها وأسأل الله من خيرها وخير ماجاءت به وأعوذب بالله من شرها ومن شر ماجاءت به
ولا في حياتي فتشتها
س2 شلون برنامجها في البيت ومتى تصحى ومتى تنام ؟
ماعندي برنامج محدد أهم شي شغلها تكمله وبس ماتتأخر عن 12 ومتى ماصحت بكيفها 8أو9
س3 كيف معاملتك معها رسمية أو تسولفين معها
أنا ماأحب أحد يتكلم معي بكثره بس إذا تكلمت معي أرد عليها وبدون عصبيه
وأسألها عن عيالها وزوجها وأهلها إذا كلمتهم
س4 تاخذينها معك في طلعاتك وزياراتك لأهلك والمناسبات العائلية ؟
طلعاتي مو كثيره الا الأربعاء أروح لبيت أخوي فاخذها معي لأني أنام عندهم
وإذا رحت لأهل زوجي اخذها معي وعند الناس لا أبدا.
بس إذا طلعنا لمنتزه أو شاليه خذيتها
س5 شلون تتصرفين إذا غلطت ولا كسرت ولا ماأدت عملها المنوط لها ==> المنوط يعني المكلفة به
ماكأني عرفت لأننا نكسر أما عملها أتكلم معها بهدؤ وتنحرج مني
بالبدايه تزحلق بعض الشغل بس ذاللحين كل شي تسويه
س6 التلفون إذا طلعتي عندها ولا تشيلينه ؟؟
لا والله عندها ولا عمري خذيته وأبشرتس بعد سنه جبت لها هديه جوااااال
س7 الباب تقفليته إذا طلعتي ولا تتركينه على مصراعيه ؟؟
أقفله
س8 رواتبها تعطينها شهر بشهر ولا كل فترة والثانية ؟
لا أعطيه أياه كل شهر
س9اغراضها تشترينها من حسابك ولا حسابها ؟؟
من حسابي أنا وصرت أشري لها بطاقة شحن
س10 التلفزيون تشوفه براحتها ولا من الممنوعات
هي عايشه بغلرفة الضيوف لأن وفيها تلفزيون ودايم شغال
هلا بك أختي لااااازم من البدايه تتعاملين معها كأنسانه وتحبينها وتكونين هادئه معها
هي قطعت الاف الأميال ولا تدري بأي مكان راح تعيس أو مع من من البشر تتعايش
فطبيعي بالبدايه تكون ملخبطه
تذكري بأن في كل نفس رطبه أجر
أنا ماعندي أطفال
بس والله حتى اللي كانوا يجون ببيت أهلي ما يروحون لين يختمون 5 أو يزيدون بعد يعني تروح وترجع
وهم نفس الشي وبيت أهلي أكبر ومفتوووح
بس المعامله الطيبه
أحيانا أنظف معها بالذات إذا فيه ضيوف
برمضان ماأحب أنها تشتغل كثير لأنها مثلنا تصوم وتتعب بعد فما أتعبها أبدا
إذا عندك أطفال أرفقي بها
شغالتي لها4 وذاللحين مددت سنه جديده والله يعطينا من خيرها
ويرزقك بوحده تدبس عندك 10 سنوات

شوفي انا اول ماجتني الشغاله فتشت اغراضها قدامها وقلت المكتب يقول لازم تفتشونها بعدين ماقفل عليها اخاف يحترق البيت وعيالي معها حتى غرفتي ماقفلها مع ان ذهبي فيها اخليها تنام اذا نمت وتصحي اذا صحيت اخاف تواعد احد وانا نايمه طبعا انا اصحي قبل الظهر اروح اجيب بنتي من الروضه اي شي تبيه من برا اجيبه لها من عندي واحيانا اشغل كميرا فيديو عاديه احيانا اشوف حركات بس اعدي لانها انسانه الجوااال ممنووووووووع لانه هو المصيبه الاختلاط مع الشغالات في الاماكن العامه ممنوووووع لانهم يخربون بعض اتكلم معها احيانا اذا جبت لعيالي هدايا لازم اجيب لها مااحب ازعلها لانها مسكينه حتى لو اغلطت اشدفي الكلام بعدين الطنش لاني مابيها تحقد وتسحرني ولا تضرب عيالي على فكره عندي ثنتين واندونيسيات وطيبات معي لاني طيبه معهم وحده منهم كملت اربع سنوات لكن يااحريم ارحموا من في الارض يرحمكم من في السماء وتراكم ماشريتوها فوق هذا اغلى شي عندك تراه بين يدينها لاترجعين يوم على كارثه بسبب حقدها عليك وتذبح ولدك تراهم عااادي عندهم اذا حقدوا

يسلمو ع الموضوع القيم
شغالتي جايه بالطريق منكم نستفيد

رفع لعيونك

الله يجزاك خير تلقي معاملتك الطيبه بصحتك وعيالك