احد قد لقط وجهه مثلي

مواقفكم تموت ضحك خصوصا موقف كيسة أم زوجك

انا يبنات خالي مات الله يرحمه وكنت حزنانه واقوم اصب قورة واوزع تمر و مادري كيف دخلت بنتي صغيره عمرها سنتين و8 شهور ووقفت بنص المجلس وقالت بأعلى صور الف الصلاه والسلام عليك ياحبيب الله محمد وكللللليييييييييييش

انقلب العزا ضحك وانا ابغى اسوي حزينه وخلاص الابتسامه طلعت وفشله قدام مرت خالي وبناتها وماقدرت ومادري وش اسوي اضربها والا اخرجها وصرت اترجى بنتي يلا يماما يلا ياقلبي نخرج برى اعطيك حلاوه وهي تجري بين الحريم وانا في خطوات متسارعه واقولها يلا وتضحك وتعيد الف الصلاه والسلام ............... وترجع وتعيد ومن مجلس لمجلس لين ماخرجتها

وبرضوا في نفس اليوم في العزا جات وحده ومعاها بنتها وحده من عيونها مقفلها شوي دخلت عند اختي قدام امها والحريم وتقول هيا اش فيها ليش عيونها مقفله .. اش فيها وبصبعها في عين البنت ...... احمد الله اني ماني موجوده مشغوله اصب قهوه واختي تقول ور لي ماتلقيني هههههههههههههههههه

اقولكم وفي عز ابوى الله يرحمه كبرت بنتي شوي لاكن الضاهر ان لسنها متبري منها جو صحبات اختي ومن مكان بعيد متعنين وشافت بنتي وحده منهم عندها وحمه تحت انفها وخلتها بين البنات وقالت خاله ....... خاله هاذي عندها شنب زي الرجال .......و احمد الله اني ماني جالسه وما اكل الفشل الا خواتي هههه

ومره دخلت عند وحده قريبتنا وكانت اسنانها تركيبه ونزلتها وقامت بنتي هي هي ماعندها اسنان انتي ماعندك اسنان وتضحك والحرمه الله يوفقها تقول يابنتي اسناني تكسرت صرت والله بالفلفله اهدد بنتي واذا شفتها قربت من احد اناديها قبل ماتتكلم

ومره دخلت عند وحده جاتنا قصيره وتعبانه الحرمه قالتلها بنتي ليش انتي كذا ليش مو طويله واختي دخلت راسها في شنطتها ويعني تدور وتعطي بناتها اشياء من الشنطه ماطلبوها ههههههههههههههه يعني ماسمعت وانا كالعاده ماني جالسه وهذا والله لطف من الله

وبرضوا فشلتني مع وحده دبدوبه الله يسعدها الحرمه تودعني وتقولي مع ال سلا مه ياقلبي وشوفك على خير وبنتي تقول ماما ماما هادي دوبه هادي دوبه انا خليت الحرمه خرجت واقوم اقرص في فم بنتي والله عطتها كف على فمها ... خلاص عاد فشلتنا ما تستحي ههههههه

مالي الابنت وحده وعمرها سنه ونص

ولااحتك بجيراني

يالله من جد فشيله