طريقتك صحح يا حبيبتى وممكن تقطعيهم مثلا بالسكينة صغير من غير غسيل وتحطيهم فى اكياس صغيره وضعيهم فى التلاجة لمدة 5 ايام لكن لو حتغسليهم يبقى لفيهم فى فوطة مبلوله وضعيهم على الرف اللى تحت الفريزر
فرزيه بنفس طريقه الحلويات اللى انا كتباها بس يكون بالعجينة مش بالبف باسترى
مده حفظ الاكل حكتبهالكم فى التلخيص كل الاكل ان شاءالله
وبالنسبة للكشرى معلش وضحى سؤالك اكتر انتى عايزة تطبخيه وتحتفظى بيه ( عدس اسود مع الارز ) ولا لما يتبقى عندك على الغذاء عايزة تحتفظى بالمتبقى ؟؟؟ عموما لحد ما تردى عليا اذا كان متبقى عندك شوية مطهى جاهز وكان عليه صلصه مثلا وبصل وغيره يبقى يفضل تحطيه فى التلاجة وتسخنيه تانى يوم على طول على الهادى لكن لو كان عدس بأرز فقط بدون اضافات عليه يبقى ممكن تخليه فى التلاجه 3 او 4 ايام وبعدين طلعيه سخنيه زى الارز عادى وممكن تضعيه لما يبرد فى كيس او علبه فى الفريزر بس متكتريش عن اسبوع مثلا
اذا تبقى عندك كباب اهم حاجة تشيلى منه البقدونس اللى محطوط تحته فى الطبق شيليه خالص وبعدين لفى الكباب فى ورقه فويل وضعيه فى الفريزر ممكن اسبوعين بس اقفلى الورقه كويس وممكن لو فيه اولاد صغار او للاسرة على العشاء اعمليهلهم سندوتشات مع طحينة وبطاطس محمرة
دورة التفريز من الالف للياء
متابعة النقاش، صفحة 101