شاركي في النقاش

سجلي الدخول لإضافة تعليق.

التعليقات

2,006
  1. code
    مشكورة على الكلام الرائع .. أنا اتابعكم من فترة بس أول مرة أشارك معاكم .. انا عندي طفل جبته بالكلوميد و بعدها بست سنوات جيب ولله الحمد ولد عمره الحين ٢ و نص و بعد ٣ محاولات انابيب و بعدها مريت بحملين من الله سبحان الله مرة خارج الرحم وشالو…
    هلا شخباركم بنات عساكم بخير

    اخت كود بما انج خبرة حبيت أسألج عن بعض الشغلات لاني مقبلة على اطفال الانابيب وبديت امس ثاني يوم من الدورة بابرة وقالت لي الدكتورة لمدة 5 ايام بعد بتعطيني ابر وبترد تجيك بالالتراسوند

    انزين يعني على الاسبوع القادم اذا كان حجم البويضات اوكي بتتم عملية السحب؟؟ وبنفس الوقت عينة السائل المنوي؟؟

    انزين وسؤال ثاني بالنسبة للسائل المنوي شلون نعطي العينة من البيت؟؟ او نروح المستشفى ؟؟ وشلون الطريقة بما ان بنفس الوقت بتجرى عملية سحب البويضات من الزوجة؟
  2. مرحبا hr5 ..
    شوفي في العادة بعد ما تخلصين الاسبوع ابر بتصور و تشوف اشلون استجابج للدواء و اكيد بتسوين تحليل e2 و على طاري التحليل سويه الصبح بدري لانه يتأخر انا كنت اسوي التحليل و اصور و ارد البيت أو اتفرفر في الاسواق و ارجع الظهر ادخل على الدكتورة بعد ما تخلص عملياتها ..و غالبا بتعدل او تكمل الجرعة بس هالمرة تقولج روحي يومين او٣ مب اسبوع مثل اول مرة و على هالحال انا مرات ما احتجت الا تقريا ١٢ يوم بس اخر مرة طولت اكثر لان الجرعة كانت خفيفة و انا يرتفع عندي هرمون e2و هو المفروض ما يزيد عن ٣ الاف بس انا يوصل لين ١٢ الف فكانوا مخففين لي الجرعات و . أول مرة وصل ٤٦ الف و كنسلوا العملية و كانوا ميتين من الخوف الجرعة كانت زيادة و الناس اللي عندهم تكيس المبايض معرضين لارتفاع الهرمون (فرط التنشيط Hyper stimulation (

    اذا شافوا البويضات اوكي يعطونج الابرة التفجيرية لازم تاخذينها يوم معين في ساعة معينة غالبا بين ال٩ و ال١٠ باللي و اليوم اللي بعده تقابلين دكتور البنج قبل كنت تشوفين دكتور البنج قبل العملية بعدين صار لازم يوم خاص ..
    واليوم اللي بعد يوم السحب لازم زوجج يجيب السائل يسألونج قبلها يتجيبين السائل و الا بيعطيهم في المستشفى و نصيحة كان اول في غرفة للرجال علشان هالموضوع يوقفون قبلها طابور بس بعدين لغوا الغرفة و خلولهم الحمام فشكلهم يكسر الخاطر و اذكر اخر مرة كانت جنبي وحدة هندية المفروض تدخل قبلي و فجأة شالوا من ايدها المغذي و قالوا زوجها ما قدر و طلع وقعدت تصيح ..
    لو بيجيبه من البيت لازم يسلمه خلال نص ساعة تقريبا فأنا و زوجي بما انه بيتنا بعيد و مع زحمة الدوحة و الصبحية مستحيل نوصل اللي نسويه نحجز فندق قريب مرة ريجنسي و مرة شقق ريتاج بالاس و نودي العينة معانا و ندخل من ورى باب الرجال جنب باب الطوارئ ..و نخلص لان حرام مكان الرجال كلش مب انساني اخر مرة شفته قبل سنتين ..اهوه يسلمهم و يحطونه في ثلاجات خاصة و انا ادخل العمليات معاه من نفس الباب و يتوكل على الله .يروح يتريق في الفندق لووول .
    ثاني يوم تتصلين يقولنلج كم بويضة .. اخر مرة تلقحوا عندي اربعة بس و يوم الارجاع تموا ٣ رجعوهم و حملت في توأم واحد مات على الاسبوع التاسع و واحد غاث راسي الحين كل شوي يوريني رسمته فديته الله يحفظه ..
    و بس قصة حلوة ... اهي مب عملية سهلة بس والله النتيجة تستاهل :) و لما اشوف ولدي اقول يساهل كل ابره كل كشف كل سحب كل ارجاع كل بهدله مع المواعيد ..

    انا راح ابدأ ان شاء الله غالبا التنشيط على الاسبوع الجاي خذت الابره التحضيرية و حبوب تنزيل الدورة بخلصها الخميس يمكن تبدأ الدورة على بداية الاسبوع الجاي ***** الله اذا ما حملت قبل سنة خذتها وما جاتني الدورة حملت عليها حمل خارج الرحم و اتبهدلت


    موفقه يا رب و اي سؤال ما يردج الا كيبوردج...
  3. مسا الخير وحشتوني اخباركم ؟ عموره اخبارج بتبتدين معانا؟؟
    الصبوره سلامتها الدلوعه ماتشوف شر يارب اقري عليها وتصدقي بنية الله شفيها ولا تخافيين كل اليهال الحين نفس حالتها اجر وعافيه وطمنينا ع النتايج وتبين انزل 10 كيلو باروع الناس 5 وايد زين :)
    مها الدوحه والله فكره ليش ضيعين الوقت اذا الله هادي زوجج توكلي ع الله وان شاءالله ترجعين حامل يااااااارب:)
    ضحكتي بنتي يالله بالمبارك بدايه المشوار والله يختمها لج بالحمل يارب:)
    كود حبيبتي الله يجزيج خير ع نصايحج ومعلوماتج والله يرزقج بالحمل السليم ياااارب:)

    بنت الظهرات منوره تجمعنا والله يرزقج احلى ذريه يارب:)
    على فكره كل الهابي فيس في الرد من ولدي سندرني مامي حطي هابي فيس واحط وبعدين يقول مامي بعد هابي فيس شكلي مب خالصه خخخخ
  4. @aloalh_1

    وااااااااو
    مسا الخير وحشتوني اخباركم ؟ عموره اخبارج بتبتدين معانا؟؟ الصبوره سلامتها الدلوعه ماتشوف شر يارب اقري عليها وتصدقي بنية الله شفيها ولا تخافيين كل اليهال الحين نفس حالتها اجر وعافيه وطمنينا ع النتايج وتبين انزل 10 كيلو باروع الناس 5 وايد زي…
    مساء الخير ,,,,,,حبايب قلبي اخباركم:)
    واااو,,,,عموره,,,,غيور,,,,القطوه ميمي
    مها الدوحه,,,بنت الظهرات,,,,الصبور,,ضحكت بنتي,,,ام الولد الحلو,,,وكل بنات التجمع اللي اختفوا,,,:angry2:
    لكم مني اجمل تحيه
  5. @aloalh_1

    الواله
    مساء الخير ,,,,,,حبايب قلبي اخباركم:) واااو,,,,عموره,,,,غيور,,,,القطوه ميمي مها الدوحه,,,بنت الظهرات,,,,الصبور,,ضحكت بنتي,,,ام الولد الحلو,,,وكل بنات التجمع اللي اختفوا,,,:angry2: لكم مني اجمل تحيه
    الصبوره,,,,,شلون صحة البنوته الحلوووه طمنيني عليها طلعت نتيجة التحاليل,,الف سلامه عليها الحبوبه,,,,,,,,,,,,,,,,,,,,,

تابعي تجارب أخرى من هذا القسم.